Otum 10:1 - Ohwihwim Olehe

¹ Osku ba Esizariya, alomakyeŋ a wo ma, eshko baŋ e ri Okoniliyu. Aŋa a wo akapteŋ ba ogʼba moanwyea-kyuŋ ba Oroma. Moa a bzi mo ma, Moanwyeakyuŋ ba ogʼba Etaliya.

Otum 10:1 Referans Kwoze

Otum 27:1

Omba ba moa a hwim ba agi é ba e yi obiŋ ba Etali nga moa a shri Oblus pa la moaprusuna ahwõ, a shri a ghwo abgo ba Ojuliyo, andakʼpo moanwyeakyuŋ ba Oroma ba ogʼba moa a bzi lo ma Ogʼba ba Ekeza.

Amatiyu 27:27

Moanwyeakyuŋ ba Ebilatu a shri Eyesu a gre ekpazhi ba odne ba Ogomna. Moare pyeŋ nga moa a pla a shki a ta ŋa a kpaŋ.

Otum 8:40

Efilibu a dzu nga a ka eŋa osku ba Ashdodo. A gre esku nga a la a nyum Oshpaodzadzi ma-me a tsu a gre Esizariya.

Otum 27:43

Ambo andakʼpo moanwyeakyuŋ a klo o shla Oblus, okyku eka he a nyom moanwyeakyuŋ o da mo a kpo ekplo moa a klo o kpo lo. Ambo aŋa a lu a da moare mvye ma areyaŋ a mbo la a yi ami o ta, a ta egba nga a ta ami a yi akaŋ.

Otum 25:1

Efestu nga a ba obiŋ ba oreŋ baŋ. Ambla ba elum etra nga, a zgi Esizariya a gre Orushalima.

Amatiyu 27:54

Omba ba andakʼpo ba moanwyeakyuŋ, pa la moanwyea-kyuŋ la a kʼpu Eyesu ka la ŋa, moa a ka ba obiŋ o zhga ara, ta la ayakplo egbregbre la a kpo nga, moa a kpo eyli nzenze. Nga moa a lu mi le, Adlidzi angyiŋ baŋ a wo Anwye Ahogbrẽ.

Otum 27:31

Ambo Oblus a nyuŋ andakʼpo moa-nwyeakyuŋ pa la moanwyeakyuŋ a lu mi le, O wo moa la a kpo otum amgblami he a dzu amgblami lo mbo le, agimi é gro mbo.

Otum 25:13

Ambla fi nga, anyuŋ-areŋ moa a bzi ŋa Agriba, ta la Ebeniki, moa a ba Esizariya okyku o da mo a shko Efestu, okyku baŋ a ba.

Otum 23:33

Moa a shri Oblus a gbu Esizariya nga, moa a shri akpa lo a shri a da ogomna, nga moa a shri Oblus a daŋ.

Otum 23:23

Anyuŋ-andakʼpo moanwyeakyuŋ a bzi moandakʼpo moanwyeakyuŋ aha a nyuŋ mo a lu mi le, Agimi e sla moanwyeakyuŋ endgaeha okyku moa á ba a yi Esizariya, ta la ényma ekʼpoefoha, pa la moa la a ta etazhi endgaeha. Agimi e nyuŋ e kpo bimi é ba e kso amgbaŋ atronyi okyukyku hi.

Otum 22:25

Ambla moa a bʼbu ŋa endzi a khwo nga, moa á ba a yla ŋa nga, Oblus a nyuŋ andakʼpo la a tspi okro lo a lu mi le, O boŋ o ka, alo o wo shasha angyiŋ moa a bga arehwĩ ba Oroma andzu eka he? Moa a ka a sõ ŋa ombgu a mbo mbo nga moa a hwiŋ ŋa la akpu mbo.

Otum 21:8

Agi e kso ahe lo nga onda oha agi e gbu Esizariya. Agi e gre odne ba alom la a nyum oshpa, moa a bzi ŋa Efilibu. Agi e tum odne baŋ angyiŋ. Aŋa a wo eshki moarehwi afoha moa a sla Orushalima.

Eyohana 18:12

Eshki moanwyeakyuŋ ta la andakʼpo mo, pa la moaEyahuda la a kʼpu, moa a vu Eyesu nga moa bʼbu ŋa endzi.

Eyohana 18:3

Eyahuda nga a shri moanwyeakyuŋ, pa la moa la a kʼpu Anyuŋ-akulu, a shri mo a gre agbi lo. Moandakʼpo olu ba Ahogbrẽ, pa la moaEfarisi angyiŋ a hom mo otum. Moa a shri anzho ba eko, ta la émgbuovo, ta la ewyi ovo.

Oluka 7:2

Andakʼpo moanwyeakyuŋ moaOroma a wo la anwye-odne akyeŋ ma baŋ a klo nzenze. Anwye he lo a no olo ma-me nga a wo anyu eku.

Amarku 15:16

Moanwyeakyuŋ a shri Eyesu a gre ekpazhi Ebilatu, moa a bzi lo Eplatoriyom, nga moanwyeakyuŋ ba ogʼba okyeŋ mvye a pla a shki ahe lo.

Otum 10:24

Onda oha nga aŋa a gbu Esizariya, osku ba Okoniliyu a wo ma. Okoniliyu a dzu a bli ŋa. A bzi moanáŋ pa la moakyeŋazba la a wo osusku.

Otum 21:31

Moare a klo o bga Oblus ambo oshpa o gro o gbu atuŋ anyuŋ-andakʼpo ba eshki moanwyeakyuŋ ba Oroma, ba moare mvye ba osku ba Orushalima a kpo ambgu.