Otum 1:9 - Ohwihwim Olehe

⁹ Ambla baŋ a lu eka he a khwo nga, moa a sko ŋa a gre Ongyeŋ. Moa la a nyum oshpa a la a ka ŋa dzo omba baŋ a yi, ambo moa a dzu nga moa a ka etabro e ba e shki ŋa.

Otum 1:9 Referans Kwoze

Amarku 16:19

Ambla ba Eyesu Adigi a lu odlo pa la moanwyeotum baŋ okʼpoakyeŋ a khwo nga, moa a sko ŋa a gre Ongyeŋ, nga a dzu obgori ba Ahogbrẽ.

Otum 1:2

ma-me o tsa onda baŋ a gre Ongyeŋ. Omba baŋ a gre Ongyeŋ a wo mbo, a nye moa la a nyum oshpa baŋ a sla, la ekʼpo ba Ogbgaodzi.

Otsotsa 11:12

Ambla he nga moarehwĩ aha ba Ahogbrẽ a hom mo otum he lo, moa a gno ba anyuŋ enzi e zgi Ongyeŋ e lu odlo pa la mo. Alo e lu mi le, Agimi e vre e ba ahe! Omba ba moafpu mo a la a kpyi ayi a la a ka dzo nga, moa aha lo moa a vre a gre Ongyeŋ la etabro.

Eyohana 6:62

O wo eka he le, eshi é ba e kpo o wo ba agimi é ka Anwye Arehwi a sa okũ a yi okro baŋ a dzu ma ayga?

Oluka 21:27

Omba he lo angyiŋ, Anwye Arehwĩ á ba a gnyu. Á ba la etabro, la ekʼpo egagre, pa la ayimom ba esesla.

Otsotsa 14:4

Moahi lo angyiŋ a wo moarehwĩ la a shri eshri mo a zga shasha, nga moa a kpo akplokyeŋ pa la moashe a ka mbo ku-ku, moa a kyu moashe a ka mbo. Moa angyiŋ la a lu Anwye Ekylu lo ma a yi okroyaŋ a mbo baŋ a la a yi. Moa a sheŋ a shla mo eshki moarehwĩ. Nga moa angyiŋ a wo moarehwĩ ba moa a shri mo a ndba Ahogbrẽ ta la Anwye Ekylu ori.

Otsotsa 1:7

Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

Otum 1:11

Moa a zhĩ a lu mi le, Agimi arehwĩ ba Egalili, okyku eshi agimi e tspi ahe e la e ka ahrẽ? Eka bimi eka ba moa a sko Eyesu a gre Ongyeŋ, ekakahelo, aŋa á ba a sa á zgi Ongyeŋ lo a ba.

1 MoaEtasolonika 4:17

Ambla he nga agi la e wo ayi ma omba he lo, moa á pla gi á shki pa la mo etabro lo, nga agi pa la mo é yi é tsa Adigi-odne ahrẽ. Nga eka he lo agi é ba e dzu ta la Adigi-odne gbagbu-amo.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.