Otum 1:8 - Ohwihwim Olehe

⁸ Ambo agimi é hwiŋ ekʼpo omba ba Ogbgaodzi ó gile eshri bimi, nga agimi é dzu moa la a zgi egŋe me osku ba Orushalima ta la obiŋ Eyahuda, ta la Esamariya, ta la okroyaŋ a mbo obiŋ hi.

Otum 1:8 Referans Kwoze

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.

Amarku 16:15

Eyesu a nyuŋ mo a lu mi le, Agimi e ngla obiŋ hi, nga e nyum Oshpaodzadzi e da moarehwi obiŋ hi mvye.

MoaOroma 15:19

ta la ekʼpo ba o tsa ayakplo, ta la o kpo ayakplo ba egbregbre, ta la ekʼpo ba Ogbgaodzi. Nga omba ba ame e zgi Orushalima e gre Elirikum, ame e nyum Oshpaodzadzi ba Ekristi e ygi areyaŋ a mbo.

Otum 5:32

Agi e wo egŋe eshri ayakplo he lo, agi ta la Ogbgaodzi ba Ahogbrẽ. Ahogbrẽ a shri ŋa a da moare la a la a kpaŋ odlo baŋ ototno.

Otum 4:33

La ekʼpo egregre moanwyeotum a nyum oshpa eka ba Adigi Eyesu a kso ongybi, nga Ahogbrẽ a shri owlama nzenze a da mo mvye.

Otum 6:8

Estifanu a wo arehwĩ ba Ahogbrẽ a wo ka la ŋa, nga ekʼpo Ahogbrẽ e wo ka la ŋa. Aŋa a la a kpo ayakplo egbregbre egi ayi moare.

MoaOroma 10:18

Ambo ame é sa e zhĩ, o wo adlidzi angyiŋ, ba moa a gno oshpa mbo? Adlidzi, moa a sheŋ a gno oshpa lo, okyku eshi odlo Ahogbrẽ o tsa o lu mi le, Enzi moa la a nyum oshpa e tsu e gre okroyaŋ a mbo obiŋ hi. Odlo lo o tsu o gre eygi ba obiŋ hi lo.

Eyohana 15:27

Agimi a mbo é zgi egŋe me, okyku eshi a zga okũ oriori agimi e la e wo pa la me.

Oluka 10:19

Agimi e ngli e gno! Ame e shri ekʼpo e da gimi, okyku o da gimi e dzi amabi, ta la enaŋ a mbo, nga ame e da gimi ekʼpo la e gre ekʼpo pyeŋ ba Afpu bimi. Ekplokyeŋ é kpo gimi mbo ku-ku.

Otum 1:5

Eyohana a la a kpo moare abaptisma la amihĩ, ambo ambla fi nga moa á kpo gimi abaptisma la Ogbgaodzi.

Amatiyu 24:14

Nga Oshpaodzadzi la o wo eshri Oreŋ Ongyeŋ moa á nyum lo obiŋ hi pyeŋ, okyku o zgi egŋe alo okyku o da moare a gno. Ambla he nga, omba lo ó bli.

Otum 2:32

Ahogbrẽ a kso Eyesu he lo ongybi. Agi e wo egŋe eshri ohe lo.

Otum 22:15

Okyku eshi aŋo ó zgi egŋe okyku ŋa egi ayi moarehwi pyeŋ, eka ekplo boŋ o ka nga o gno.

Otum 13:31

Moare la a dzi ka la ŋa a zgi Orushalima a gre Egalili, moa a ka ŋa engyi oshushku. Moahi lo angyiŋ a wo moaegŋe egi ayi moarehwi ba Esrayila.

Oluka 1:35

Anwyeadga ba Ahogbrẽ a tno ma a lu mi le, Ogbgaodzi ó bli ŋo, nga ekʼpo ba Ahogbrẽ angyiŋ é ba e kpo otum ka la ŋo. Okyku eka he anwye ba esesla he lo, moa á bzi ŋa Anwye ba Ahogbrẽ.

Otum 3:15

Okyku eka he, agimi e bga Are la a la a kpo eso. Ambo Ahogbrẽ a kso ŋa ongybi, agi nga e wo egŋe okyku ohe lo.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

Otum 8:1

Eshawlu a la a bmi ta la ebga ba moa a la a kpo. Onda he lo angyiŋ moa la a lu Eyesu ma osku ba Orushalima a zga esi o kpo ewu nzenze. Moa la a bmi ba adlidzi a knye a gre ekro andandandim obiŋ ba Eyahuda, ta la Asamariya, o wo le moa la a nyum oshpa dne a ra a dzu.

Oluka 24:29

Moare he lo a nyuŋ Eyesu a lu mi le, O tspi ahe ka la gi, okyku eshi okyukyku o kpo o hwihwĩ a mo. A bmi nga a tspi pa la mo.