Otum 1:16 - Ohwihwim Olehe

¹⁶ Agimi anáŋ o dzu omgbybi ba odlo ba Ogbgaodzi o da Adawuda a lu eshri Eyahuda, o bli. Eyahuda he lo angyiŋ a klo a da mo a vu Eyesu.

Otum 1:16 Referans Kwoze

Eyohana 13:18

Ame e lu odlo eshri bimi pyeŋ angyiŋ mbo, ame e yi moare ba ame e sheŋ e sla. Ambo o dzu omgbybi ba Odlo Ahogbrẽ o bli. O lu mi le, Are la a ri algo me angyiŋ a zhiŋ a sa a klo adga me.

Otum 1:20

Moa a ta Akpa ba Ohlueshko a lu mi le, Moa a da odne baŋ o dzu ototno, Moa a da arekyeŋ a dzu ma mbo. Moa a sa a ta a lu mi le, Moa a da arekyeŋ a nyiŋ otum baŋ a sko a kpo.

Amatiyu 26:56

Ahi lo o kpo mvye, okyku o da ayakplo ba moarehwĩ ba Ahogbrẽ a hom otum, a ta Akpa ba Ahogbrẽ a bli angyiŋ. Omba he lo, moanwyeotum baŋ mvye a knye a dzu ŋa a zga.

Amatiyu 26:54

Ambo, o wo ba ame e kpo eka he le, ayakplo ba moa a ta Akpa ba Ahogbrẽ ma alo é kpo é bli nga?

Amatiyu 26:47

Omba ba Eyesu a la a kpla egba, Eyahuda, akyeŋ eshki moanwyeotum otsko a gbu. Moare nzenze la a shri akõ, ta la emgbu api, moa a ba ta la Eyahuda. Moandakʼpo olu ba Ahogbrẽ pa la moandakʼpo moaEyahuda angyiŋ a hom mo otum okyku o da mo a vu Eyesu.

1 Ebitru 1:11

Moa a zga ngre okyku o da mo a yi omba lo, ta la eka ba oshla lo ó ba o ba. Ogbgaodzi ba Ekristi la o wo pa la mo, alo o tsa omba he lo angyiŋ, nga alo o ka nga o lu odlo eshri ewu ba Ekristi á ba a kpo, nga baŋ á ba a ghwo esõ ta la alo. Nga alo o sa o lu odlo eshri ekekʼpo la é ba e ba ambla.

Amarku 14:43

Omba ba Eyesu a lu odlo nga, Eyahuda, akyeŋ eshki moanwyeotum otsko a ba. Moare a shri akõ, ta la amgbu api a ba ka la ŋa. Moandakʼpo olu ba Ahogbrẽ, pa la moa la a nye odaŋ, pa la moandakʼpo ba obiŋ, moa a hom mo otum.

2 Ebitru 2:21

O raŋ o gre e mbi ba moa a dzu efĩ ozhẽ ba odlodzi o gre ba moa a yi lo a khwo nga, a sa a dzu ozhẽ ba odaŋ ba esesla ba moa a shri a da mo a zga!

Otum 23:6

Omba ba Oblus a yi ba moakyeŋ eshki lo a wo moaEsaduki, nga moakyeŋ a wo moaEfarisi, a nyuŋ moa la a sõ ombgu a lu mi le, Agimi anáŋ! Ame e wo a ba Efarisi anwye moaEfarisi. Moa a sõ me ombgu hi okyku ba ame e bmi ba adlidzi moa la a kpu á ba a sa á kso!

Otum 23:1

Oblus a ka moa la a sõ ombgu nga a lu mi le, Agimi anáŋ! Eso me e wo zhezheŋ odzudzu me egi ayi Ahogbrẽ ma-me e bli olum anye he.

Otum 22:1

Agimi arealom pa la moanáŋ, pa la moadigi, agimi e ngli e gno odlo ba ame e lu e da gimi!

Otum 15:7

Ambla moa a kla odlo he lo nzenze nga, Ebitru a kso angyeŋ nga a lu mi le, Agimi anáŋ, agimi e sheŋ e yi, ba Ahogbrẽ a sla me ogbyigbyi okyku o da me e nyum Oshpaodzadzi e ygi moa la a wo moaEyahuda mbo, okyku o da mo a gno nga a bmi ba adlidzi.

Otum 13:38

Ame e klo bimi anáŋ mvye e yi zhezheŋ ba ame e nyum oshpa he lo eshko Eyesu angyiŋ e ygi gimi. Oshpa he lo o wo oshpa moa a la a kyu moare abgo odlobi. O raŋ o gre bimi e yi ba moa á ba a kyu areyaŋ a mbo abgo odlobi baŋ. Ohe lo odaŋ ba Omusa o kpo lo o gbu mbo.

Otum 13:15

Ambla moa a tsi engla akpa ba odaŋ ba Omusa a khwo nga, moa a sa a tsi akpekpa moarehwi ba Ahogbrẽ a hom mo otum a ta. Moandakʼpo ba anwyeakulu lo a vẽ mo a lu mi le, Agimi anáŋ, agi e klo bimi e lu odlo ta la eshki o wo bimi e wo odlo ma okyku o shĩ mo.

Otum 7:2

Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ.

Otum 2:37

Omba moare a gno eka he nga alo o so mo ayi, nga moa a zhĩ Ebitru pa la moa la a nyum oshpa ahwõ a lu mi le, Agimi anáŋ agi e kpo anyu a mo?

Otum 2:23

Ahogbrẽ a yi, ambo a sheŋ a hwim eso baŋ, baŋ á shri Eyesu á da gimi, ambo agimi e shri ŋa e da moarehwi ba odlobi a gŋe ŋa egŋe aki.

Eyohana 19:36

Ohe lo o kpo okyku o bli ekplo ba Odlo Ahogbrẽ o lu. O lu mi le, Moa á buŋ akʼpu baŋ akyeŋ a mbo mbo.

Eyohana 10:35

Agi e yi ba ekployaŋ a mbo ba odlo Ahogbrẽ o lu o wo adlidzi gbagbu-amo. Ahogbrẽ nga a bzi moarehwi ba moa a shri oshpa baŋ a shri a da mo angyiŋ, moahogbrẽ.

Oluka 22:47

Omba baŋ a la a kpla egba nga, moare nzenze a gbu. Eyahuda la a wo akyeŋ eshki moanwyeotum otsko a gre ozhẽ nga moahwõ a lu ŋa ma. A ba okro Eyesu nga a shri anyu baŋ a shri a tka a ba Eyesu.

Amarku 12:36

E ka, Ogbgaodzi o tsa Adawuda o daŋ a lu mi le, Ahogbrẽ a nyuŋ Adime-odne a lu mi le, O dzu obgori me, O tsa ba ame e da moafpu ŋo a tsu a gbu egi ayi boŋ.

Otum 28:25

Moa a zhiŋ ogbu nga, moa a la a kla odlo ta la emo ambla ba Oblus a lu mi le, Alo o wo eka he lo angyiŋ. Ogbgaodzi o tsa Eshaya arehwĩ ba Ahogbrẽ a hom otum o daŋ a lu pa la moadigi.

Otum 28:17

Ambla ba elum etra nga, Oblus a bzi moaEyahuda moa la a wo moandakʼpo, a da mo a ba a shki. Ambla ba moa a ba a shki a khwo nga, a nyuŋ mo a lu mi le, Agimi anáŋ! Ame e kpo moarehwi bi akplokyeŋ mbo, nga ame e tla odzudzu bi e yga okro moadigi mbo, ambo moa a vu me Orushalima nga a shri me a da moaOroma.

Otum 15:13

Ambla moa a lu odlo a khwo nga, Eyakubu a kso a lu odlo a lu mi le, Agimi anáŋ e ngli e gno!

Amatiyu 26:14

Akyeŋ eshki moanwyeotum otsko ba Eyesu, eshko baŋ e ri Eyahuda Eskariyoti, a gre okro moandakʼpo olu ba Aho-gbrẽ,

Eyohana 17:12

Omba ba ame e wo pa la mo, ame e kpaŋ mo la ekʼpo eshko boŋ. Eshko he lo, aŋo o shri o da me. Ame e kpaŋ mo nga akyeŋ a mbo eshki mo a tpi ayi mbo, o wo le are ba o baŋ o sheŋ o wo baŋ a tpi ayi dne, okyku o da Odlo Ahogbrẽ o bli.

2 Ebitru 1:21

Okyku eshi oshpa ba okaolu he lo o ba ondakyeŋ la okaobmye ba arehwĩ o ka mbo. Ambo Ogbgaodzi angyiŋ o tsa moarehwĩ o da mo a lu oshpa ekplo la e zgi okro ba Ahogbrẽ.