Otum 1:15 - Ohwihwim Olehe

¹⁵ Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 1:15 Referans Kwoze

1 MoaOkorinti 15:6

Ambla he nga a sa a da moare endgaetno la a lu ŋa ma a ka ŋa omba okyekyeŋ. Moa nzenze eshki moahi lo a yi a wo ma la ayi, ambo moakyeŋ a sheŋ a kpu bgu.

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.

Otum 21:20

Ambla moa a gno oshpa he lo a khwo nga, moa a hlu Ahogbrẽ eshko. Nga moa a nyuŋ Oblus a lu mi le, Anáŋ o ka eka ba ayakplo a wo. MoaEyahuda nzenze la a bmi ba adlidzi a wo ma, moa a la a kpaŋ odaŋ ba Omusa lo adzadzi.

Eyohana 21:23

Okyku eka he oshpa lo o ngla eshki moare la a lu Eyesu ma ba anwyeotum he lo á ba a kpu mbo. Ambo Eyesu a lu eka he angyiŋ mbo, a lu mi le, O wo ba ame e klo baŋ a dzu ma ma-me o tsa onda ba ame é ba le, aŋo o wo eshi eshri lo?

Otsotsa 3:4

Ambo moakyeŋ eshki bimi fi osku ba Esadi, moa a kpaŋ aknye mo a da lo a bili la erum mbo. Agimi é dzi pa la me la ariga akyle, okyku eshi agimi e tse ma ba agimi e kpo eka he lo.

Eyohana 14:12

Ame e lu adlidzi e da gimi, areyaŋ a mbo la a bmi ba adlidzi pa la me, á kpo etum ba ame e kpo á gbu. Aŋa á kpo á gbu baŋ a kpo etum la e gre ehi a mbo, okyku eshi ame é yi okro Ada.

Oluka 22:32

Ambo ame e sheŋ e fa olu okyku ŋo Esima, okyku o da obmi ba adlidzi boŋ o sheŋ o nye ozhẽ mbo. Ambla boŋ o bla o ba okro me le, aŋo o shĩ moanóŋ.

Amatiyu 13:31

Eyesu a sa a ta egŋekyeŋ a da mo a lu mi le, Oreŋ Ongyeŋ o wo eka ba eyi amastad angyiŋ. E wo etsitsi e gre eyi ehwõ pyeŋ.

Otum 10:23

Ebitru a da moare atra lo a gre odne eshyẽ nga a da mo a lom odne baŋ a bli endigiŋ. Onda oha aŋa a nyuŋ anzho a vu abgo nga a gre pa la mo. Moakyeŋ eshki moanáŋ ba Ojopa a mbo a gre ka la ŋa otsotse.

Otum 11:1

Moa la a nyum oshpa, pa la moanáŋ obiŋ ba Eyahuda mvye, moa a gno moa la a wo moaEyahuda mbo a mbo a yga odlo Ahogbrẽ.

Otum 11:12

Ogbgaodzi o tsa me ma ame e ngli mbo, ma ame e yi pa la mo shoshoŋ. Moanáŋ afĩ hi a gre Esizariya pa la me, agi mvye e gre odne ba Okoniliyu.

Otum 11:26

Ambla baŋ a ka ŋa nga, aŋa a daŋ a ba Antakiya ka la ŋa. Moa a kpo eyi ekyeŋ Antakiya, nga moa a la a nye moare nzenze la a lu Ekristi ma. Moa a nye eshki nzenze. Osku ba Antakiya moa a zga esi a bzi moare la a lu Eyesu ma moa-Ekristi.

Otum 11:29

Moanwyeotum a hwim ma areyaŋ a mbo eshki mo a klo ekplo baŋ a kpo a gbu okyku o da mo a yi a kpo a ghwo la moanáŋ la a wo obiŋ ba Eyahuda.

Otum 12:17

A tsa mo obgo moa a dzu tki, nga a lu a da mo eka ba Ahogbrẽ a se ŋa aku. A nyuŋ mo a lu mi le, Agimi e lu e da Eyakubu ta la moanáŋ ahwõ mvye. A lu eka he a khwo nga, a gre eŋa egi ehwõ.

Otum 14:2

Ambo moaEyahuda la a bmi ba adlidzi mbo a ghwo moa la a wo moaEyahuda mbo elom atuŋ nga a da mo a klo odlo pa la moanáŋ

Otum 15:1

Moarekyeŋ a zgi Eyahuda a ba Antakiya nga moa a nye moanáŋ a lu mi le, Agimi e hwiŋ oshla mbo o wo le moa a sheŋ gimi ongyum eka ba odaŋ ba Omusa o lu ayga dne.

Otum 15:3

Eshki ba Ekristi osku ba Antakiya angyiŋ a hom mo otum. Moa a sõ Efonisha ta la Asamariya. Moa a tsu oshpa a da mo eka moa la a wo moaEyahuda mbo a zhiŋ a lu Ahogbrẽ ma. Moanáŋ a gno oraŋ ta la oshpa he lo nzenze.

Otum 16:2

Moanáŋ mvye osku ba Elistra ta la Ekoniyom, moa a klo Etimoti a gre eshri.

Otum 16:40

Oblus ta la Esila, moa a zgi a khwo nga moa a vu ozhẽ a gre odne Elidiya. Moa a ka moanáŋ ahe lo, moa a shi mo a khwo nga, moa a kso a sku osku he lo.

Otum 17:6

Ambo moa a hwiŋ mo ahe mbo. Okyku eka he, moa a vu Ejaso pa la moanáŋ a dra obiŋ a shri a kom moandakʼpo. Moa a shri mo a ba nga moa a lu mi le, O ka moarehwi hi a la a sla okro ayaŋ a mbo! O ka moa a ba osku bi ohuhuhi a mo.

Otum 17:10

Okyukyku nga, moanáŋ a knye la Oblus ta la Esila a shri a gre Eberiya. Moa a gbu ahe lo nga, moa a gre anwyeakulu moaEyahuda.

Otum 17:14

Moanáŋ a ka eka he nga, moa a knye la Oblus a shri a gre akaŋ anyuŋ-ondzu. Ambo Esila ta la Eti-moti, moa a ra a dzu Eberiya.

Otum 18:18

Oblus a dzu Okorinti pa la moanáŋ okyku elum nzenze. Ambla he nga, aŋa ta la Ebriskila ta la Akila, moa a dzu mo a zga nga moa a gre amgblami a gre obiŋ ba Esiriya. Omba moa a zga esi odzi mo a wo mbo, Oblus a hwim Ekenkriya, nga a hwre eshri baŋ lo.

Otum 18:27

Apolos a zga eso ba o yi Egrise. Okyku eka he moa la a bmi ba adlidzi osku ba Afisu, moa a kpo a ghwo a ŋa nga moa a ta akpa a shri a daŋ a kom moanáŋ la a wo Egrise. Moa a ta ma moa a yga Apolos la eso ekyekyeŋ. Omba baŋ a wo Egrise, a kpo a ghwo moare la a bmi ba adlidzi okyku okpoghwo ba Ahogbrẽ.

Otum 21:7

Agi e gre amgblami e zgi Ataya e gre Obotalami. Ahe lo agi e kpo moanáŋ eshko nga e dzu e vbu ahe lo, olum okyeŋ.

Otum 21:17

Omba bi e gbu Orushalima, moanáŋ a shri obamo a shri a da gi adzadzi.

Otum 22:5

Anyuŋ-andakʼpo olu ba Ahogbrẽ pa la moa la a sõ ombgu mvye, moa a yi ba ame e lu adlidzi angyiŋ. Ame e yga akpekpa ba moa a ta a kom moanáŋ ba Eyahuda la a wo Adamasku. Okyku eka he ame e gre a mi lo okyku o vu moa la a lu ozhẽ he lo nga e ta mo aslika nga e shri mo e ba Orushalima okyku o da mo a kpo mo ewu.

Otum 28:14

Agi e hwiŋ moa la a bmi ba adlidzi ahe lo. Moa a klo bi e dzu pa la mo asati akyeŋ. Ambla he nga agi e ba Oroma.