Otum 1:14 - Ohwihwim Olehe

¹⁴ Moa a pla emo a shki otsotse okyku o da mo a fa olu ombamba mvye. Moashekyeŋ ta la anaŋ Eyesu, ta la moanáŋ Eyesu a mbo a wo ma otsotse pa la mo.

Otum 1:14 Referans Kwoze

MoAfisu 6:18

Agimi e kpo ohe lo pyeŋ ibu ba olu, nga e vẽ okyku okpoghwo ba Ahogbrẽ. E fa olu ombamba pyeŋ eka ba Ogbgaodzi o tsa gimi. Okyku eka he, e dzu e kʼpu, nga e da esõ e zgi e sku lo mbo, nga e fa olu okyku moarehwĩ ba Ahogbrẽ pyeŋ.

Otum 6:4

Agi e klo eka he okyku o da gi e hwiŋ anvaŋ okyku e fa olu nga e nyum oshpa.

MoaOkolosi 4:2

Agimi e fa olu ombamba pyeŋ. Nga e dzu ayi omba ba agimi e fa olu, nga e vye la Ahogbrẽ.

Otum 2:42

Moa a dzu pa la moa la a nyum oshpa okyku o da mo a nye mo odlo Ahogbrẽ. Moa a la a ri ekpom otsotse nga moa a la a ri algo nga a la a fa olu otsotse.

MoaOroma 12:12

Agimi e la e ka ayi ozhẽ la ovyevye, nga e ghwo eso omba bimi e kpo ewu, nga e fa olu ombamba mvye.

Oluka 18:1

Eyesu a ta egŋe he lo a da moanwyeotum baŋ okyku o nye mo, okyku o da mo a fa olu ombamba pyeŋ nga a zga eso ekyekyeŋ.

Amatiyu 21:22

O wo bimi e bmi ba adlidzi le, ekployaŋ a mbo bimi e vẽ omba bimi e fa olu le, agimi é hwiŋ lo.

Otum 2:1

Onda olum ba Epentakos, moare la a bmi ba adlidzi mvye a pla a shki okrokyeŋ.

Oluka 11:13

Agimi e wo moarehwi ba eda ebi, ambo ekakahelo agimi e yi eka bimi e shri ayakplo la a wo adzi e shri e da moanwye bimi. O wo ba agimi adaŋ moanwye la e wo eda ebi e yi eka bimi e shri ayakplo adzadzi e da moanwye bimi le, o sa o tsi Adigimi la a wo Ongyeŋ á shri Ogbgaodzi á da areyaŋ a mbo la a vẽ ŋa mbo?

Otum 2:46

Olum ondayaŋ a mbo moa a la a pla emo a shki Anyuŋ-akulu, nga moa a la a ri algo otsotse adne emo, moa a la a ri algo lo la ovyevye nga eso e gbu mo obiŋ.

Oluka 24:53

Moa a gre Anyuŋ-akulu ombamba pyeŋ, nga moa a vye la Ahogbrẽ.

Amatiyu 12:46

Omba ba Eyesu a la a lu odlo pa la moare nga, anaŋ, pa la moanáŋ-alalom moa a gbu. Moa a tspi edzi a dzu a bli ŋa okyku o lu odlo ka la ŋa.

Oluka 24:10

Moashe he lo a ri Emeri Amagadaliya, ta la Ojuwana ta la Emeri anaŋ Eyakubu. Moahi lo pa la moashe lo a dzi pa la mo, moa a shri oshpa he lo a shri a kom moa la a nyum oshpa.

Oluka 23:55

Moashe la a lu Eyesu ma a zgi Egalili a ba, moa a lu Oyusufu ma nga a gre a yi a ka ongybi ta la eka ba moa a ngybi Eyesu ma.

Oluka 23:49

Moa la a yi Eyesu zhezheŋ pa la moashe la a zgi Egalili a ba, moa a tspi ogyugyuŋ okyku o ka ayakplo la a ba a kpo.

Amarku 16:1

Ambla ba Asabat a khwo nga, Emeri Amagadaliya ta la Esalomi ta la Emeri anaŋ Eyakubu, a gbmo awargi moa a la a khwa ekom la alo, okyku o khwa okom Eyesu.

Amarku 15:40

Moashekyeŋ la a ba, a tspi ogyugyuŋ nga a ka ekplo la e kpo. Moashe he lo a wo Esalomi ta la Emeri Amagadaliya, ta la Emeri anaŋ Eyakubu la a wo andetse, ta la Ojosi.

Amatiyu 27:55

Moashe nzenze a wo okro lo omba he lo. Moa a la a lu Eyesu ma a zgi Egalili angyiŋ a ba. Moa a tspi ogyugyuŋ a ka ayakplo la a kpo.

Oluka 24:33

Moa a kso nga moa a bla a gre Orushalima, nga moa a gre okro moanwyeotum okʼpoakyeŋ lo. Moa a pla emo a shki okrokyeŋ otsotse pa la moahwõ.

Oluka 8:20

Arekyeŋ a ka eka he nga, a nyuŋ Eyesu a lu mi le, Anoŋ, pa la moanóŋ moa a klo o ka ŋo, moa a dzu a bli ŋo ekpazhi.

1 MoaOkorinti 14:13

Okyku eka he, are la a lu odlo la elom moazhẽ le, o raŋ o gre baŋ a fa olu okyku o daŋ a hwiŋ okpogbu ba o tsa moare eshyẽ ba odlo lo.