Otum 1:13 - Ohwihwim Olehe

¹³ Moa a bla a gre Orushalima a khwo nga, moa a bla a gre aku moa a pla emo a shki ma. Ebitru ta la Eyohana, ta la Eyakubu, ta la Andru, ta la Efilibu, ta la Otoma, ta la Abatalamawu, ta la Amatiyu, ta la Eyakubu anwye Alafus, ta la Esima anwye obiŋ, ta la Eyahuda anwye Eyakubu.

Otum 1:13 Referans Kwoze

Otum 20:8

Emgbuovo nzenze e wo aku ongyeŋ ba agi e shki ma lo.

Oluka 22:12

Á tsa gimi aku ba ongyeŋ ba moa a shri anzho odzuma a shki ma. E nyuŋ aku he lo e vu abgo.

Amarku 14:15

Agimi é lu ka la ŋa eka he bgu, aŋa á tsa gimi aku a ba ongyeŋ a ba anzho odzu ma a wo ma. Ahe lo angyiŋ agimi é ba e nyuŋ anzho é kpo okyku o ri algo Apaska.

Amarku 2:14

Omba baŋ a yi nga, a ka alom la a yga ewaŋ ba eshko baŋ e ri Eliwu, a wo anwye Alafus, a dzu aku moa a yga ewaŋ. Eyesu a nyuŋ ŋa a lu mi le, O lu me ma. Eliwu a kso nga a lu ŋa ma.

Eyakubu 1:1

Akpa he lo a zgi abgo ba Eyakubu awahgrẽ ba Ahogbrẽ ta la Adigi-odne Eyesu Ekristi. Ame e shko moarehwĩ pyeŋ ba Ahogbrẽ, la moa a som ayi a gre okroyaŋ a mbo obiŋ hi.

Otum 12:17

A tsa mo obgo moa a dzu tki, nga a lu a da mo eka ba Ahogbrẽ a se ŋa aku. A nyuŋ mo a lu mi le, Agimi e lu e da Eyakubu ta la moanáŋ ahwõ mvye. A lu eka he a khwo nga, a gre eŋa egi ehwõ.

Otum 2:38

Ebitru nga a tno mo ma a lu mi le, Areyaŋ a mbo eshki bimi a ghwo obiŋ odlobi baŋ, nga a da mo a kpo ŋa abaptisma eshko ba Eyesu Ekristi okyku o da mo a kyu ŋa abgo odlobi. Nga Ahogbrẽ á shri Ogbgaodzi á shri lo á daŋ ototno.

Eyahuda 1:1

Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.

MoaEgalasiya 2:9

Eyakubu ta la Ebitru, ta la Eyohana, moahi lo a wo eka moandakʼpo, moa a ka a bmye ba Ahogbrẽ angyiŋ a shri otum he lo a shri a da me. Okyku eka he nga moa a wa obgo ta la Abarnaba pa la me a mbo. Okyku bi e wo moa la a kpo otum otsotse, agi e bmi ba agi é ba e kpo otum pa la moa la a wo moaEyahuda mbo, nga ba moa á ra á kpo otum pa la moaEyahuda.

MoaEgalasiya 1:19

Ame e ka arekyeŋ eshki moa la a nyum oshpa lo mbo o wo le Eyakubu anáŋ Adigi-odne sha.

Otum 15:13

Ambla moa a lu odlo a khwo nga, Eyakubu a kso a lu odlo a lu mi le, Agimi anáŋ e ngli e gno!

Otum 4:19

Ambo Ebitru ta la Eyohana a tno mo ma a lu mi le, Eka bimi e ka, oyaŋ o wo odzi egi ayi Ahogbrẽ, agi e fa olbi e da gimi angyiŋ le, e fa olbi e da Ahogbrẽ?

Otum 4:13

Moandakʼpo la a sõ ombgu a ka egbregbre a gre eshri ba Ebitru ta la Eyohana moa a lu odlo la eyli mbo. Moa a sa a ka egbregbre moa a lu mi ma moahi lo a wo moa la a yi engla angyiŋ mbo. Moa a ka a bmye ba moahi lo a wo moakyeŋazba ba Eyesu.

Otum 2:14

Ambla he nga Ebitru a kso angyeŋ pa la moa la a nyum oshpa okʼpoakyeŋ, nga a lu odlo osheshye eshki a lu mi le, Agimi Eyahuda ta la areyaŋ a mbo la a dzu Orushalima, agimi e ngli e gno ekplo ame e klo o lu o da gimi ohuhuhi.

Eyohana 21:2

Esima Ebitru ta la Otoma ba eshko baŋ ehwõ e ri Ahli, ta la Enataniyelu, ahi lo a zgi Akana obiŋ ba Egalili, ta la moanwye ba Azabadi, ta la moanwyeotumakyeŋ aha ba Eyesu a wo pa la mo.

Eyohana 18:17

Anwyeshe la a wo ayizhẽ lo a zhĩ Ebitru a lu mi le, Aŋo o wo akyeŋ eshki moanwyeotum ba alom mi lo angyiŋ mbo? Ebitru a tno ma a lu mi le, Ame e wo akyeŋ eshki mo mbo!

Eyohana 11:16

Otoma la a wo Ahli a nyuŋ moanwyeotum la a kpo otum ka la ŋa a lu mi le, Agimi e da gi pyeŋ e yi ta la Andakʼpo, okyku o da gi e kpu otsotse ka la ŋa!

Amarku 14:33

Nga a sla Ebitru, ta la Eyakubu, ta la Eyohana. Omba he lo esõ e kpo ŋa ewu e gre eshri.

Amarku 9:2

Ambla ba elum efĩ nga, Eyesu a da Ebitru, ta la Eyakubu, ta la Eyohana a vre anyuŋ akũ-akyeŋ ka la ŋa. Omba moa a wo akũ lo otsotse nga, Eyesu a zhiŋ egi ayi moanwyeotum atra he lo.

Amarku 5:37

Eyesu a bmi arekyeŋ a dzi ka la ŋa mbo o wo le Ebitru, ta la Eyakubu, ta la Eyohana anáŋ Eyakubu.

Amatiyu 9:9

Eyesu a kso a sku okro he lo. Omba baŋ a la a bre a yi nga, aŋa a ka alomakyeŋ la a yga ewaŋ, aŋa a ri Amatiyu. A wo aku ba oyga ewaŋ. Eyesu a nyuŋ Amatiyu a lu mi le, Aŋo o lu me ma. Amatiyu a kso nga, a lu Eyesu ma.

2 Eyohana 1:1

Akpa he lo a zgi abgo ba Andakʼpo, A yi okro Ashe moa a sla ŋa pa la moanwye baŋ, ba ame e klo mo la adlidzi. Ame sha angyiŋ mbo, ambo moare pyeŋ la a yi adlidzi moa a klo gimi,

1 MoaOkorinti 15:7

Ambla he nga a da Eyakubu a ka ŋa, ambla he nga a da moa la a nyum oshpa pyeŋ a ka ŋa.

Eyohana 14:22

Eyahuda, ahi lo angyiŋ a wo Eyahuda Eskariyoti mbo, a nyuŋ Eyesu a lu mi le, Adigi-odne, okyku eshi aŋo ó ba o hwile eshyẽ boŋ ó da gi angyiŋ e ka, okyku eshi aŋo ó hwile lo ó da obiŋ hi angyiŋ o ka mbo?