Otum 1:11 - Ohwihwim Olehe

¹¹ Moa a zhĩ a lu mi le, Agimi arehwĩ ba Egalili, okyku eshi agimi e tspi ahe e la e ka ahrẽ? Eka bimi eka ba moa a sko Eyesu a gre Ongyeŋ, ekakahelo, aŋa á ba a sa á zgi Ongyeŋ lo a ba.

Otum 1:11 Referans Kwoze

Otsotsa 1:7

Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

1 MoaEtasolonika 4:16

Moarehwĩ á gno enzi ba obzi. Moa á gno enzi anyuŋ anwyeadga ba Ahogbrẽ, ta la enzi ba angzo ba Ahogbrẽ. Nga Adigi-odne ababgo baŋ á gile á zgi Ongyeŋ á ba! Ambo moa la a kpu la obmi ba adlidzi la eshko Ekristi, moa á kso mo angyiŋ ori.

Amarku 13:26

Nga Anwye Arehwĩ á ra á tspa nga á gile etabro la ekʼpo, la esesla, á ba.

Eyohana 14:3

Ambla ba ame e gre e yi e nyuŋ okro e kpo okyku gimi bgu le, ame é sa é bla é ba nga é yga gimi, okyku o da gimi e dzu okro ba ame e wo ma.

Amatiyu 25:31

Omba ba Anwye Arehwĩ á ba a ba eka Anyuŋ-areŋ, pa la moanwyeadga ba Ahogbrẽ, á dzu emgbakyiŋ ba oreŋ baŋ.

Amatiyu 24:30

Nga moa á ka otsotsa ba oba-ba ba Anwye Arehwĩ ongyeŋ. Omba he lo nga, egu andandandim mvye ba obiŋ hi, moa á wu okũ, nga moa á ka Anwye Arehwĩ etabro ba ongyeŋ baŋ a gile a ba la ekʼpo, ta la esesla egagre.

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

1 MoaEtasolonika 1:10

nga okyku o dzu o bli oba-ba ba Anwye baŋ á zgi Ongyeŋ á ba. Anwye baŋ lo angyiŋ a wo Eyesu baŋ a kso ŋa a sku eku. Eyesu angyiŋ aŋa á shla gi abgo olom ba Ahogbrẽ la ó ba o ba.

Oluka 21:27

Omba he lo angyiŋ, Anwye Arehwĩ á ba a gnyu. Á ba la etabro, la ekʼpo egagre, pa la ayimom ba esesla.

Otum 13:31

Moare la a dzi ka la ŋa a zgi Orushalima a gre Egalili, moa a ka ŋa engyi oshushku. Moahi lo angyiŋ a wo moaegŋe egi ayi moarehwi ba Esrayila.

Oluka 24:5

Eyli e kpo moashe lo nga moa a kŋe a shki obiŋ, ambo moare lo a zhĩ a lu mi le, Okyku eshi agimi e klo are la a wo eso ma eshki moa la a kpu?

Otum 3:12

Omba ba Ebitru a ka eka he nga, a nyuŋ eshki a lu mi le, Agimi arehwĩ ba Esrayila, okyku eshi agimi e da ekplo he lo e dzu egbregbre ka la gimi nga e la e ka gi dzo? Eka bimi e ka, la ekʼpo bi o mbo okyku bi e wo moarehwi ba Ahogbrẽ angyiŋ agi e da alom hi a dzi?

Otum 2:7

moa a ka egbregbre a gre eshri nga moa a lu mi le, Moare la a lu odlo he lo mvye, moa a wo moarehwi ba Egalili angyiŋ!

Amarku 14:70

Ambo Ebitru a dzu evom gaŋ. Ambla fi nga moa la a wo osusku a nyuŋ ŋa a lu mi le, Aŋo o kpo o gbu boŋ o dzu evom mbo. Aŋo o wo eshki moanwyeotum ba Eyesu angyiŋ okyku eshi aŋo o zgi Egalili angyiŋ o ba.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amarku 16:19

Ambla ba Eyesu Adigi a lu odlo pa la moanwyeotum baŋ okʼpoakyeŋ a khwo nga, moa a sko ŋa a gre Ongyeŋ, nga a dzu obgori ba Ahogbrẽ.

Otum 1:2

ma-me o tsa onda baŋ a gre Ongyeŋ. Omba baŋ a gre Ongyeŋ a wo mbo, a nye moa la a nyum oshpa baŋ a sla, la ekʼpo ba Ogbgaodzi.

Otum 1:9

Ambla baŋ a lu eka he a khwo nga, moa a sko ŋa a gre Ongyeŋ. Moa la a nyum oshpa a la a ka ŋa dzo omba baŋ a yi, ambo moa a dzu nga moa a ka etabro e ba e shki ŋa.

Otum 3:21

O dzu omgbybi baŋ a dzu Ongyeŋ ayga o tsa baŋ a nyiŋ ekployaŋ a mbo, eka ba Ahogbrẽ a lu a da moarehwi baŋ a hom otum ogbyigbyi.

MoaIbrani 9:28

Ozhẽ he lo angyiŋ moa a shri Ekristi a shri a ndba odgo okyeŋ okyku o daŋ a sko odlobi moarehwĩ nzenze. Aŋa á bla á ba odgo oha okyku o sko odlobi angyiŋ nga mbo, ambo okyku o shla moa la a la a dzu a bli ŋa angyiŋ a mo.