Otsotsa 9:15 - Ohwihwim Olehe

¹⁵ Ambla he nga moa a se moanwyeadga anyi lo. Moa a nyuŋ a kpo okyku omba he lo ta la onda ba oha ba eyi he lo, okyku o da mo a bga ogʼba okyeŋ eshki ba egʼba etra ba moarehwĩ ba obiŋ hi pyeŋ.

Otsotsa 9:15 Referans Kwoze

Otsotsa 9:18

Ovo ta la odzo, ta la eŋe la e bmye ovo e gre eshri, moa a zgi anyu ba ényma lo, nga moa angyiŋ a bga ogʼba okyeŋ eshki ba egʼba etra ba moarehwĩ ba obiŋ hi.

Otsotsa 8:7

Anwyeadga ba ori a hlu egbaru baŋ. Ambla he nga ehre-ogbu pa la ovo, la moa a kŋe lo a bga pa la amanzhli, moa a gile a ygi obiŋ. Ambla he nga ogʼba okyeŋ eshki ba egʼba etra ba obiŋ hi o ri ovo. Nga ogʼba okyeŋ eshki ba egʼba etra ba akiki a mbo o ri ovo, nga asoso pyeŋ a ri ovo.

Otsotsa 8:9

Ambla he nga ogʼba okyeŋ eshki ba egʼba etra, ba ama la a wo la esõ ma anyuŋ-ondzu a kpu. Nga ogʼba okyeŋ eshki ba egʼba etra ba amgblami a jygi.

Otsotsa 9:10

Moa a kpo éghre, ta la ekʼpi eka ba ekʼpi ba énaŋ. Nga moa a wo la ekʼpo ma okyku o kpo moare ewu la éghre mo he lo angyiŋ okyku ehwa etno.

Otsotsa 9:5

Ambo moa a da engomagba he lo ekʼpo okyku o da mo a bga moarehwĩ he lo mbo ku-ku. Ambo moa a da mo ekʼpo okyku o da mo a kpo mo ewu okyku ehwa etno sha. Avulo ba engomagba he lo a wo eka ba avulo ba enaŋ e fu are.

Otsotsa 8:8

Ambla he nga anwyeadga ba oha a hlu egbaru baŋ. Moa a shri ekplokyeŋ la e wo eka ba anyuŋ-akũ la a ri ovo a shri a ta anyuŋ-ondzu. Ambla he nga ogʼba okyeŋ eshki ba egʼba etra ba anyuŋ-ondzu o zhiŋ o dzu amanzhli.

Otsotsa 8:10

Ambla he nga anwyeadga ba otra a hlu egbaru baŋ. Eyi enzo egagre ekyeŋ la e tra eka ovo obze, e gʼbu e zgi ongyeŋ e gbu obiŋ e khwo nga e shki ogʼba okyeŋ eshki ba egʼba etra ba éhwla ta la anzhe ba ami.

Otsotsa 20:7

Ambla ba eyi ezbi e khwo moa á ngla Eshitaŋ á sku enzhe la e gyuŋ mgbyimgbyimgbyiŋ he lo.