Otsotsa 7:15 - Ohwihwim Olehe

¹⁵ Okyku eka he angyiŋ, moa a tspi egi ayi ba emgbakyiŋ oreŋ ba Ahogbrẽ, nga moa a la a hlu ŋa eshko anyuŋ-akulu baŋ la olulum ta la okyukyku. Are la a dzu emgbakyiŋ ba oreŋ he lo, aŋa ababgo baŋ á kpaŋ mo la ekʼpo baŋ.

Otsotsa 7:15 Referans Kwoze

Otsotsa 22:3

Nga ekplokyeŋ ba Ahogbrẽ a ta ogbukyu a ygi lo é hwiŋ ozhẽ é yi osku he lo mbo ku-ku. Emgbakyiŋ oreŋ ba Ahogbrẽ ta la ba Anwye Ekylu lo é dzu osku he lo. Nga moawaghrẽ baŋ á hlu ŋa eshko.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

Otsotsa 22:5

Okyukyku ó wo ahe lo nga mbo, nga émgbuovo ta la ayimom ba olum á wo owlama ahe lo nga mbo, okyku eshi Adigi-odne Ahogbrẽ angyiŋ á ba a dzu ayimom mo, nga moa á ri ekʼpo eka moanyuŋ-areŋ gbagbu gbagbu-amo.

Otsotsa 11:19

Moa a hwile Anyuŋ-akulu ba Ahogbrẽ. Akulu he lo a wo Ongyeŋ. Nga moa a ka akpati ba ohwihwim la o wo ma Anyuŋ-akulu baŋ lo. Ambla he nga ayimom a la a fa ngzangzangza, nga akyuŋ nzenze a ta, nga angyum-ogbu a ta, nga obiŋ o zhga ara, nga ehre-ogbu e ygi obiŋ nzenze.

Otsotsa 7:9

Ambla he ame e zhiŋ ayi nga ame e ka eshki nzenze. Arekyeŋ a tsi moare la a wo eshki lo a gbu mbo! Moa a zgi obiŋyaŋ a mbo ta la embreyaŋ a mbo, ta la olomyaŋ a mbo. Nga moa a tspi egi ayi ba emgbakyiŋ ba oreŋ, ta la egi ayi ba Anwye Ekylu. Moa a ygi ariga akyle angyiŋ. Nga moa a kom ánjyge elgi abgo mo.

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

MoaIbrani 8:1

Okũ odlo ba agi e la e lu o lu mi le, Agi e wo la anyuŋ-andakʼpo olu ba Ahogbrẽ la a wo edgu ahe lo. A la a dzu obgori ba emgbakyiŋ Ahogbrẽ be Esesla Ongyeŋ.

1 MoaOkorinti 3:16

Agimi e yi bimi e wo akulu ba Ahogbrẽ angyiŋ, nga ba Ogbgaodzi ba Ahogbrẽ o la o dzu eshyẽ bimi mbo?

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 4:8

Ayaŋ a mbo eshki ba ebyi enyi he lo a wo la angʼbo afĩ. Ayi a shki angʼbo he lo egi eshyẽ ta la egi edzi pyeŋ. Moa a la a fu abmo la olulum ta la okyukyku. Moa a la a lu mi le, Adigi-odne Ahogbrẽ la a wo ekʼpo pyeŋ, esesla, esesla, esesla okyku ŋa. Aŋa a wo ma ayga, nga aŋa a sa a wo ma ohuhuhi, nga aŋa angyiŋ á sa á ba.

Otsotsa 4:9

Ombamba pyeŋ ba ébyi enyi he lo e la e fu abmo ba esesla, ta la abmo ba ohlueshko, ta la abmo ba ovye a la a ygi are la a dzu emgbakyiŋ ba oreŋ, aŋa á dzu ma gbagbu gbagbu-amo.

Otsotsa 13:6

Alo e ta ogbukyu o ygi Ahogbrẽ, nga e dzĩ eshko ba Ahogbrẽ, nga e dzĩ okro ba Ahogbrẽ a dzu ma pa la moarehwĩ baŋ la a dzu ma Ongyeŋ.

Otsotsa 21:22

Ambo ame e ka Anyuŋ-akulu osku lo mbo, okyku eshi Adigi-odne Ahogbrẽ la a wo ekʼpo pyeŋ, ta la Anwye Ekylu angyiŋ, moa a wo Anyuŋ-akulu ba osku lo.