Otsotsa 6:12 - Ohwihwim Olehe

¹² Ambla he nga ame e ka Anwye Ekylu. A sa a ngʼga onono ba ibu ba ofĩ. Ambla he nga obiŋ hi o zhga ara nzenze. Olum nga o zhiŋ o dzu ohwĩ eka ba oknye ohwĩ. Ohwa nga o zhiŋ o dzu obme eka ba amanzhli.

Otsotsa 6:12 Referans Kwoze

Amatiyu 24:29

Ambla ba ewu ba omba he lo nga, olum ó sa ó gbu evbu. Ohwa nga ó tra nga mbo ku-ku. Eyi enzo nga é gʼbu é zgi ongyeŋ é ygi obiŋ. Ayakplo egbregbre la a wo ongyeŋ nga, á gʼbu a sku ozhẽ mo.

Otsotsa 16:18

Ayimom ba angyum-ogbu a tra wayawaya, nga akyuŋ a kpo, nga akyuŋ ba angyum-ogbu a ta, nga obiŋ o zhga ara la a gbu moare eyli. Edgu ozhgara-obiŋ he lo o kpo ondakyeŋ a zga omba ba moa a kpo arehwĩ obiŋ hi mbo ku-ku. Obiŋ hi o zhga ara ondakyeŋ eka he ku-ku o ka mbo!

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.

Otsotsa 8:5

Ambla he nga anwyeadga lo a sko atku ba ama la a shka efpi a khwo nga, a fa ovo la o wo ambgu a bli atku lo. Ambla he nga aŋa a shri lo a ndba a ta obiŋ hi. Angyum-ogbu nga a ta akyuŋ, nga akyuŋ a zhle nzenze, ayimom ba angyum-ogbu a shka ayi ŋaŋaŋla, nga obiŋ hi o zhga ara.

Amatiyu 24:7

Obiŋ ó kpo ambgu ta la obiŋ. Oreŋ ó kpo ambgu ta la oreŋ. Embyle é kpo, nga obiŋ ó zhga ara okroyaŋ a mbo.

Amarku 15:33

La olum o vu eshri evbu e hwĩ eka awa atra.

Amatiyu 28:2

Omba he lo nga, obiŋ o zhga ara. Anwyeadga ba Adigi-odne a gile a zgi Ongyeŋ a ba, a byiŋ ayaŋ a sku anyu ongybi lo, nga a dzu ma.

Amatiyu 27:54

Omba ba andakʼpo ba moanwyeakyuŋ, pa la moanwyea-kyuŋ la a kʼpu Eyesu ka la ŋa, moa a ka ba obiŋ o zhga ara, ta la ayakplo egbregbre la a kpo nga, moa a kpo eyli nzenze. Nga moa a lu mi le, Adlidzi angyiŋ baŋ a wo Anwye Ahogbrẽ.

Amatiyu 27:45

Omba ba olum o vu eshri, obiŋ pyeŋ o gnyu o hwĩ evbu, ma-me eka awa atra.

Amatiyu 11:21

Eyesu a nyuŋ esku eha hi lo, a lu mi le, Aŋo Okoroziŋ, ta la Ebetseda, a ba eshri bimi! O wo moa a kpo edgu ayakplo ba egbregbre moa a kpo hi Ataya, ta la Esidoŋ angyiŋ e mbi, moare a sheŋ a ygi ashezhga aknye nga a fa otutuŋ a ygi egʼba okyku o tsa ba moa a ghwo obiŋ odlobi mo.

Otsotsa 8:12

Ambla he nga anwyeadga ba onyi a hlu egbaru baŋ. Nga ogʼba okyeŋ eshki ba egʼba etra ba olulum ta la o ba ohwa, ta la o ba eyi enzo, moa a tra lo. Okyku eka he nga ogʼba okyeŋ eshki ba egʼba etra ba ayimom, alo o blu. Ogʼba okyeŋ egʼba etra ba omba ba olulum, ayimom o wo ma mbo, okyukyku a mbo o wo ekakahelo.

Otsotsa 16:8

Ambla he nga anwyeadga ba onyi a zhiŋ olom la o wo atku baŋ a shri a ygi olulum. Nga moa a bmi a da olum o dzõ moare la ovo la o bmye ovo nzenze.