Otsotsa 4:11 - Ohwihwim Olehe

¹¹ Aŋo Adigi-odne, ta la Ahogbrẽ bi! Aŋo o tse ma Boŋ o yga esesla, ohlueshko, ta la ekʼpo, Okyku eshi aŋo angyiŋ o kpo ekployaŋ a mbo, Nga moa a hwiŋ odzudzu ta la esõ okyku okoklo boŋ angyiŋ.

Otsotsa 4:11 Referans Kwoze

Otsotsa 5:12

Nga moa a fu ambo la anyuŋ enzi a lu mi le, Anwye Ekylu ba moa a bga lo a tse ma baŋ a hwiŋ Ekʼpo ta la angyiŋ, ta la okaobmye, ta la oshye, Ta la esesla, ta la ohlueshko!

Otsotsa 10:6

nga a kʼpi ashum la eshko ba Ahogbrẽ la á dzu ma gbagbu gbagbu-amo, nga aŋa angyiŋ a kpo Ongyeŋ ta la ekployaŋ a mbo la e wo Ongyeŋ ta la obiŋ hi, ta la ekployaŋ a mbo la e wo obiŋ hi, ta la anyuŋ-ondzu ta la ekployaŋ a mbo la e wo anyuŋ-ondzu lo. Anwyeadga lo nga a lu mi le, Ongingli ó wo ma ku-ku nga mbo!

Otsotsa 14:7

A lu odlo la enzi egagre a lu mi le, Agimi e kpo eyli ba Ahogbrẽ nga e hlu ŋa eshko okyku ekʼpo baŋ! Okyku eshi omba baŋ á sõ moarehwĩ ba obiŋ hi pyeŋ ombgu o kpo bgu. Okyku eka he nga, agimi e kʼpu obiŋ egi ayi ba Ahogbrẽ la a kpo Ongyeŋ ta la obiŋ hi, ta la onyuŋ-ondzu, ta la anzhe ami, nga e hlu ŋa eshko!

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

MoaIbrani 1:10

A sa a lu mi le, Okũ oriori, aŋo Adigi-odne angyiŋ o kpo obiŋ hi, Nga la abgo boŋ angyiŋ, aŋo o kpo ongyeŋ pyeŋ.

MoaOroma 11:36

Aŋa angyiŋ a kpo ekployaŋ a mbo, aŋa nga a da ekployaŋ a mbo e wo ma okyku eŋa. Ekekʼpo e dzu okyku Ahogbrẽ gbagbu-amo! Amin.

MoAfisu 3:9

Nga alo o wo okyku o da moare pyeŋ a ka eka ba moa á ba a kpo otum ta la ohwihwim ba Ahogbrẽ a hwim a ghre ma. Ahogbrẽ la a kpo ayakplo pyeŋ, a ghre eshyẽ he lo omba la o sheŋ o gre he lo pyeŋ,

Otum 14:15

Okyku eshi agimi e kpo eka he? Agi e wo moarehwi eka bimi angyiŋ! Agi e ba ahe okyku o nyum Oshpaodzadzi angyiŋ e ygi gimi, nga okyku o da gimi e kyu ayakplo ototno bimi e la e kpo hi abgo nga e lu Ahogbrẽ la a wo eso ma, Ahogbrẽ la a kpo ongyeŋ ta la obiŋ, ta la anyuŋ-ondzu, ta la ekployaŋ a mbo la e wo ma.

Otum 17:24

Ahogbrẽ la a kpo obiŋ hi ta la ekployaŋ a mbo, aŋa angyiŋ a wo Adigi-odne ba Ongyeŋ ta la obiŋ hi. Aŋa a la a dzu Anyuŋ-akulu moa a mbdzi lo la abgo mbo.

Otsotsa 5:2

Nga ame e ka anyuŋ anwyeadga. Aŋa a lu odlo la anyuŋ enzi egagre a lu mi le, Ayi a kpo a gbu baŋ a ngʼga onono lo nga a hwile ashye akpa he lo?

MoaIbrani 1:2

Ambo omba ba amom-abgo ekpyemgbyeŋ he, a lu odlo ka la gi ozhẽ ba Anwye baŋ. Ahogbrẽ a daŋ a dzu are la a wo la ekployaŋ a mbo ma. Nga okro ba Anwye baŋ he lo angyiŋ aŋa a kpo obiŋ hi pyeŋ.

Otsotsa 19:1

Ambla he nga ame e gno ekplokyeŋ la e kpo akyuŋ eka ba enzi egagre ba anyuŋ eshki moarehwĩ la a wo Ongyeŋ. Moa a lu mi le, E hlu Ahogbrẽ eshko! Oshla ta la esesla ta la ekʼpo moa a wo a ba Ahogbrẽ bi angyiŋ!