Otsotsa 3:4 - Ohwihwim Olehe

⁴ Ambo moakyeŋ eshki bimi fi osku ba Esadi, moa a kpaŋ aknye mo a da lo a bili la erum mbo. Agimi é dzi pa la me la ariga akyle, okyku eshi agimi e tse ma ba agimi e kpo eka he lo.

Otsotsa 3:4 Referans Kwoze

Otsotsa 7:9

Ambla he ame e zhiŋ ayi nga ame e ka eshki nzenze. Arekyeŋ a tsi moare la a wo eshki lo a gbu mbo! Moa a zgi obiŋyaŋ a mbo ta la embreyaŋ a mbo, ta la olomyaŋ a mbo. Nga moa a tspi egi ayi ba emgbakyiŋ ba oreŋ, ta la egi ayi ba Anwye Ekylu. Moa a ygi ariga akyle angyiŋ. Nga moa a kom ánjyge elgi abgo mo.

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.

Otsotsa 6:11

Moa a shri ariga akyle a shri a da areyaŋ a mbo eshki mo. Moa a lu a da mo ma moa a dzu a dum ple ayga, okyku o da eygi ba moare la a kpo otum pa la mo, pa la moanimo ba moa á ba a bga mo eka ba moa a bga moahi lo, e bli ayga dne.

Otsotsa 19:14

Moanwyeakyuŋ ba Ongyeŋ nga a dzi a lu ŋa ma. Moa a vre ényma ekyle nga moa a ygi elili ekyle.

Otsotsa 4:4

Nga emgbakyiŋ oreŋ ekʼpoeha la anyi ehwõ, moa a ta emgbakyiŋ oreŋ he lo a kpaŋ a ghwo eshe-shyẽ. Moandakʼpo ekʼpoeha la anyi a dzu émgbakyiŋ ba oreŋ he lo. Moa a ygi áriga akyle, nga moa a shki ekpmyeshri ba azurfa.

Otsotsa 3:18

Ame e shri ebra angyiŋ e shri e doŋ. O raŋ o gre boŋ o gbmo azurfa okro me. Azurfa he lo a wo zhezheŋ, alo á doŋ o gbu angyiŋ. Nga aŋo o gbmo aknye akyle okyku o doŋ o ygi nga okyku o doŋ o shki oso la o ta ŋo anzi. Nga o gbmo agum o ta ayi boŋ, okyku o doŋ o ka okro.

Otsotsa 19:8

Moa a bmi baŋ a ygi aknye ba elili la a wo pse, nga ba alo a shka ayi. Elili he lo angyiŋ e wo otum ba ayakplodzi ba moarehwĩ ba Ahogbrẽ.

Eyahuda 1:23

Agimi e sko mo e sku ovo okyku o da mo a hwiŋ oshla. Agimi e ka moahwõ ayiekŋe la eyli, ambo e tla ayakplo ba eshre ba odlobi ba moa a la a kpo.

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

Amarku 16:5

Moashe lo a mbli ongybi a ka nga, moa a ka ola anwye la a ygi ariga kyekyle a dzu agba obgori ongybi lo eshyẽ. Nga eyli e kpo mo.

Oluka 20:35

ambo moarealom, pa la moashe la a tse ma ba moa á ba a kso mo ongybi nga moa á ba a dzu ma omba mi lo, moa á kyu eble nga mbo.

Amatiyu 10:11

Omba bimi e gbu osku, o mbo le anwye osku, agimi e yi odne are la a wo anyu eŋo, nga e dzu ka la ŋa, o tsa onda ba agimi e kso okro lo.

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.

2 MoaEtasolonika 1:5

Ohe lo angyiŋ o wo otsotsa ba ombgu ba odlodzi ba Ahogbrẽ. Nga eshri ohe lo, aŋa á da gimi é tse ma okyku o da gimi e hwiŋ Oreŋ baŋ ba agimi e kpo ewu okyku lo.

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

Otsotsa 14:4

Moahi lo angyiŋ a wo moarehwĩ la a shri eshri mo a zga shasha, nga moa a kpo akplokyeŋ pa la moashe a ka mbo ku-ku, moa a kyu moashe a ka mbo. Moa angyiŋ la a lu Anwye Ekylu lo ma a yi okroyaŋ a mbo baŋ a la a yi. Moa a sheŋ a shla mo eshki moarehwĩ. Nga moa angyiŋ a wo moarehwĩ ba moa a shri mo a ndba Ahogbrẽ ta la Anwye Ekylu ori.