Otsotsa 3:15 - Ohwihwim Olehe

¹⁵ A lu mi le, Ame e yi ayakplo boŋ o kpo. Ame e yi boŋ o ka o bʼbu mbo, o mbo le o ka o bmye ovo mbo. Ame e klo e mbi boŋ o wo okyeŋ eshki he lo e gre eshri!

Otsotsa 3:15 Referans Kwoze

MoaOroma 12:11

Areyaŋ a mbo a kpo otum ngre, nga a kpo oreŋ mbo. Areyaŋ a mbo a kpo otum Ahogbrẽ la osheshye.

Amatiyu 6:24

Arekyeŋ a kpo a gbu baŋ a dzu awaghrẽ ba moarehwĩ aha mbo. O dzu omgbybi baŋ a klo akyakyeŋ sha. O dzu omgbybi baŋ a dzu akyeŋ a zga nga a kŋe eshri baŋ a bga ta la akyeŋ. O wo ekakahelo angyiŋ ka la gimi. Agimi é kpo é gbu bimi é sko Ahogbrẽ ta la angyiŋ, e da mo a ri ekʼpo eshri bimi otsotse mbo.

Eyakubu 1:8

okyku eshi aŋa a la a fu eha ekployaŋ a mbo baŋ a kpo.

Otsotsa 2:4

Ambo aŋo o klo me ohuhuhi eka boŋ o klo me oriori mbo. Okyku eka he nga, ame e gno oraŋ ka la ŋo mbo.

Amatiyu 24:12

Odlobi ó gom ó ta ma-ma omba he lo o gre eshri nga, oklo moare nzenze ó ngʼba ó sku emo.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

MoaEfilibi 1:9

Olu me okyku gimi angyiŋ o wo ohe lo. Ame e la e fa olu okyku o da oklo bimi o ta ma-ma ombayaŋ a mbo, ta la oyioyi ba adlidzi ta la okaobmye zhezheŋ,

2 MoaOkorinti 12:20

Ame e fu eso eha, o dzu mbo, omba ba ame e gbu a mi le, ame é hwiŋ gimi la edgu odzudzukyeŋ ondundum, o dzu mbo agimi a mbo é hwiŋ me la edgu odzudzukyeŋ ondundum. Ame e ka eka ba ame é ba e hwiŋ oklaodlo ta la efpu, ta la esõ-ebi, ta la okloeshri, ta la odzi, ta la onjygu, ta la onyomegʼba, ta la oslaokro.

Amatiyu 10:37

Areyaŋ a mbo la a klo adaŋ, ta la anaŋ a gre me le, aŋa a wo ekplokyeŋ angyiŋ egi ayi me mbo, nga are-yaŋ a mbo la a klo moanwye baŋ a gre me le, aŋa a wo ekplo-kyeŋ angyiŋ egi ayi me mbo.

Otsotsa 3:1

Ogbgaodzi o sa o lu mi le, Aŋo o ta anwyeadga ba Eklisiya ba Esadi akpa, o lu mi le, Oshpa he lo o wo oshpa la o zgi abgo ba are la a kom egbga efoha ba Ahogbrẽ, ta la eyi enzo efoha abgo baŋ. A lu mi le, Ame e yi ayakplo boŋ o la o kpo. Nga ame e yi boŋ o gbu eshko okyku boŋ o yi o wo la esõ ma, ambo egyagi a mbo aŋo o sheŋ o kpu!

Otsotsa 2:2

A lu mi le, Ame e yi ayakplo boŋ o kpo, nga ame e yi eka boŋ o zga ayi ngre nga o kpo otum, nga o wo la esõ la e wo eheheŋ. Ame e yi boŋ o la o kpo ekpom pa la moarehwĩ ba ototno mbo. Nga agimi e sheŋ e mbga moarehwĩ la a bzi emo ma moare la a nyum oshpa e ka bgu, ambo moa a wo moare la a nyum oshpa angyiŋ mbo. Nga aŋo o ka lo o bmye ba moa a wo moare la a sheŋ akpro angyiŋ.

2 MoaEtasolonika 1:3

O raŋ o gre ba agi e vye la Ahogbrẽ okyku gimi anáŋ ombamba pyeŋ! O raŋ o gre ba agi e kpo eka he lo, okyku eshi obmi ba adlidzi bimi o la o ta ma o ta-ta, nga oklo ba agimi e wo la alo ma okyku moahwõ a mbo o la o ta ma-ma.

1 MoaOkorinti 16:22

Areyaŋ a mbo la a klo Adigi-odne mbo le, a ba eshri baŋ! Amaranata, o dzu, Adigi-odne o ba!

Otsotsa 3:16

Ambo okyku boŋ o wo zizizgi sha, aŋo o ka o bmye ovo angyiŋ mbo, nga aŋo o bʼbu mbo, o ra tsi sha ba ame e ta ŋo anyu me, e ygi a bi eka ba akyi!