Otsotsa 22:16 - Ohwihwim Olehe

¹⁶ Ame Eyesu e hom anwyeadga me otum okyku o daŋ a su odlo he lo a ygi gimi arehwĩ ba Eklisiya lo pyeŋ. Ame e wo arehwĩ ba ogu ba Adawuda, nga ame angyiŋ e wo ambzi endigiŋ la e shka ayi.

Otsotsa 22:16 Referans Kwoze

Otsotsa 5:5

Ambla he nga akyeŋ eshki moandakʼpo a ba a nyuŋ me a lu mi le, Aŋo o wu okũ mbo, aŋo o ka! Embdze ba ogu ba Eyahuda, a wo anyuŋ are ba embre ba Adawuda angyiŋ, aŋa a sheŋ a hwiŋ okpogre, aŋa á kpo á gbu baŋ a ngʼga onono lo, nga baŋ a hwile ashye akpa lo.

2 Ebitru 1:19

Okyku eka he agi e bmi ta la odlo ba moarehwĩ ba Ahogbrẽ a hom mo otum, a lu a ta ma-ma o ta angyiŋ. Alo o wo odzi ba agimi a mbo e ngli atuŋ e gno lo, okyku eshi odlo he lo o wo eka ba emgbuovo la e shka ayi evbu, ma-me o tsa Onda ba ayi a kre, nga ba ambzi ba endigiŋ a ba a shka ayi esõ bimi.

Otsotsa 1:4

Akpa he lo a zgi abgo ba Eyohana a yi abgo ba moaEklisiya efoha ba egʼba obiŋ ba Asiya. Okpoghwo ta la opyapyaŋ la o zgi okro ba Ahogbrẽ o ba, o dzu o bimi. Ahogbrẽ he lo angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba a ba. Okpoghwo ta la opyapyaŋ he lo nga o zgi okro ba egbga efoha la e wo egi ayi ba emgbakyiŋ oreŋ ba Ahogbrẽ a mbo,

Otsotsa 22:20

Are la a zgi egŋe baŋ eshri odlo he lo pyeŋ a lu mi le, Adlidzi angyiŋ! Ame e wo osusku oba-ba! Alo o dzu eka he lo. Aŋo Adigi-odne Eyesu aŋo o ba!

Amatiyu 22:42

Agimi e tne aga anyu eshri ba Emisiya? A wo a ba ogu ba ayi angyiŋ? Moa a tno ma a lu mi le, Aŋa a wo a ba ogu ba Adawuda angyiŋ.

Otsotsa 22:6

Ambla he nga anwyeadga lo a lu odlo pa la me a lu mi le, Odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo. Nga Adigi-odne Ahogbrẽ la a la a shri Ogbgaodzi baŋ a shri a da moarehwĩ baŋ a hom mo otum angyiŋ, a hom anwyeadga baŋ otum okro ba moawaghrẽ baŋ okyku o da mo a yi eka ba ekplo la é ba e kpo é ta adzadzi.

Otsotsa 1:1

Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Amatiyu 2:2

Anwye able ba moa a mbre ŋa, baŋ angyiŋ á ba a dzu anyuŋ-areŋ moaEyahuda a wo ayaŋ? Agi e ka eyi enzo baŋ omba ba alo e zgi egi etne. Okyku eka he agi e ba okyku o hlu ŋa eshko.

Otsotsa 3:22

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya!

Otsotsa 3:13

O wo ba agimi e wo la atuŋ ma le, e ngli atuŋ e gno odlo ba Ogbgaodzi o la o lu o ygi moaEklisiya.

Otsotsa 3:6

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya efoha!

MoaOroma 9:5

Moa a zgi ogu moadimo ba ogbyi. Ekristi nga, moa a mbre ŋa ogu mo angyiŋ. Agi e hlu Ahogbrẽ la a ri ekʼpo eshri ekployaŋ a mbo eshko gbagbu-amo! Amin.

Otsotsa 22:11

Nga areyaŋ a mbo la a la a kpo obi, a dzu ma ta la obi baŋ. Nga areyaŋ a mbo la a kpo eshre, a dzu ma ta la eshre baŋ, nga areyaŋ a mbo la a kpo odzi, a dzu ma ta la odzi baŋ. Nga areyaŋ a mbo la a wo la esesla, a dzu ma la esesla baŋ.

Otsotsa 22:1

Anwyeadga he lo nga a tsa me ondzu ba ami ba esõ. Alo o wo zhezheŋ eka amihĩ. Alo o zgi emgbakyiŋ oreŋ ba Ahogbrẽ ta la Anwye Ekylu angyiŋ o ba.

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

Oluka 1:78

Okyku eshi, Ahogbrẽ bi a la a ka gi ayiekŋe, nga a wo eso ble-ble. Aŋa á da ayimom ba oshla á tra gi.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Amatiyu 22:45

O wo ba Adawuda a mbo a bzi ŋa ma Adaŋ-odne le, Emisiya a kpo anyu a dzu a ba ogu ba Adawuda?

Amatiyu 1:1

Akpa he a wo akpa ba ogu ba moa a mbre Eyesu Ekristi. Aŋa a wo a ba ogu ba Adawuda ta la ogu ba Ebrahim angyiŋ.

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

MoaOroma 15:12

Eshaya a lu mi le, Arehwi ba ogu ba Ejese aŋa á ba. Moa á daŋ a ba okyku o daŋ a ri ekʼpo eshri moa la a wo moaEyahuda mbo, Nga moa á sko ŋa á ba a daŋ a dzu okayiozhẽ mo.

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

Oluka 20:44

Adawuda a mbo a bzi ŋa Adigi-odne. A kpo anyu a sa a dzu a ba ogu ba Adawuda?