Otsotsa 22:12 - Ohwihwim Olehe

¹² Eyesu a lu mi le, Agimi e ngli atuŋ e gno! Ame é ta adzadzi é ba! Nga ame é shri egbre é da areyaŋ a mbo eka ekplo baŋ a kpo angyiŋ.

Otsotsa 22:12 Referans Kwoze

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

1 MoaOkorinti 3:14

O wo ba ekplo ba are a mbdzi a fu ahwim lo e dzo mbo le, are he lo á hwiŋ egbre.

1 MoaOkorinti 3:8

Are la a fu, ta la are la a ygi ami, moa a wo ondundum mbo. Ahogbrẽ á shri egbre ba areyaŋ a mbo á daŋ eka ba otum baŋ a kpo angyiŋ.

Otsotsa 22:7

Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!

MoaOroma 14:12

Areyaŋ a mbo eshki bi, á lu ekployaŋ a mbo baŋ a kpo ababgo baŋ á ba a da Ahogbrẽ.

Otsotsa 11:18

Esõ e tpi moaevbu ayi nzenze, Okyku eshi alo o wo omba boŋ ó tsa mo olom boŋ angyiŋ. Nga ba moa á ba a sõ moa la a kpu ombgu angyiŋ. Nga alo o wo omba ba o shri egbre o shri o da moawaghrẽ boŋ la a wo moarehwĩ ba Ahogbrẽ a hom mo otum angyiŋ, Pa la moarehwĩ boŋ pyeŋ, moa la a wo agagre pa la moa la a wo afifi, Pa la moa la a kpo eyli boŋ pyeŋ. Omba he angyiŋ o wo odzi ba moa a bga moa la a jygi obiŋ hi!

Otsotsa 20:12

Nga ame e ka moa la a sheŋ a kpu, moa la a gbu eshko, pa la moa la a wo emakyeŋ ma mbo. Moa pyeŋ a tspi egi ayi ba emgbakyiŋ oreŋ lo. Moa a hwile akpekpa. Ambla he nga moa a sa a hwile akpakyeŋ, akpa he lo angyiŋ a wo akpa ba moa la a wo la esõ ma. Nga moa á sõ moa la a kpu ombgu eka ba ekplo ba moa a kpo, eka ba moa a ta lo akpekpa lo.

Otsotsa 22:20

Are la a zgi egŋe baŋ eshri odlo he lo pyeŋ a lu mi le, Adlidzi angyiŋ! Ame e wo osusku oba-ba! Alo o dzu eka he lo. Aŋo Adigi-odne Eyesu aŋo o ba!

Otsotsa 2:23

Ame é sa é bga moanwye baŋ. Nga moaEklisiya pyeŋ moa á yi ba ame angyiŋ e wo are la a yi aga esõ moarehwĩ ta la ayakplo ba moa a la a klo. Areyaŋ a mbo á hwiŋ egbre okro me eka ekplo baŋ a kpo.

Otsotsa 3:11

Ame é ba ambla fi. O kpaŋ ekployaŋ a mbo boŋ o wo la alo ma okyku o da arekyeŋ a ngʼga egbre ba okpogre boŋ ó hwiŋ mbo.