Otsotsa 21:8 - Ohwihwim Olehe

⁸ Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

Otsotsa 21:8 Referans Kwoze

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Otsotsa 22:15

Moa la a tpi ayi pa la moa la a kpo ololo, pa la moa la a kpo ayakplo ba eshre, pa la moa la a bga ebga, pa la moa la a hlu okpko eshko, pa la moa la a la a gno oraŋ ta la osheŋ akpro nga ba moa a la a sheŋ akpro, moa á tspi egi edzi ba osku he lo.

1 Eyohana 3:15

Areyaŋ a mbo la a tla anáŋ le, aŋa a wo are la a bga ebga angyiŋ. Agimi e yi ba are la a bga ebga a wo la esõ ba gbagbu ma mbo.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

MoaIbrani 13:4

Areyaŋ a mbo a ka eble la ololbi. O dzu omgbybi ba moarealom pa la moashe, moa a kpo adlidzi ta la emo, okyku eshi Ahogbrẽ á sõ moa la a wo eshre pa la moa la a ta ekpa ombgu.

1 Etimoti 4:2

Onyenye he o ba ozhẽ moare la a sheŋ akpro, nga moa a la a bile moare. Enzi ba esõ mo e sheŋ e kpu, nga alo e sheŋ e zhĩ.

Amatiyu 8:26

Eyesu a tno mo ma a lu mi le, Okyku eshi agimi e la e kpo eyli eka he? Obmi ba adlidzi bimi o wo otsitsi anyu eka he! A lu eka he a khwo nga a kso a shrom ogbga ta la ondzami a da mo a dum. Nga okro o dum.

Otsotsa 9:21

Moarehwĩ he lo moa a kyu ebga abgo mbo. Moa a dzu gaŋ ta la ololo moa a la a kpo, ta la ayakplo ba eshre ba moa a la a kpo, nga moa a la a si esi.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

Amatiyu 10:28

Moarehwĩ la a bga egʼba agimi e kpo eyli mo mbo, okyku eshi moa a wo ekʼpo ma ba moa a bga esõ arehwĩ mbo. Ambo agimi e kpo eyli Ahogbrẽ la a kpo a gbu baŋ a bga egʼba pyeŋ, ta la esõ a mbo enzheovo.

1 Eyohana 2:22

Ayi angyiŋ a wo are la a sheŋ akpro? Are la a lu mi ma Eyesu a wo Ekristi mbo angyiŋ a wo are la a sheŋ akpro. Are he lo a wo Afpu ba Ekristi angyiŋ. Aŋa a tla Ada ta la Anwye a mbo pyeŋ.

1 Eyohana 5:10

Okyku eka he areyaŋ a mbo la a bmi ba adlidzi ta la Anwye ba Ahogbrẽ le, aŋa a wo la egŋe he lo esõ baŋ. Ambo areyaŋ a mbo la a bmi ba adlidzi pa la Ahogbrẽ mbo le, aŋa a sko Ahogbrẽ a daŋ a dzu are ba akpro, okyku eshi aŋa a bmi ta la egŋe ba Ahogbrẽ a zgi eshri ba Anwye baŋ mbo.

Otsotsa 2:2

A lu mi le, Ame e yi ayakplo boŋ o kpo, nga ame e yi eka boŋ o zga ayi ngre nga o kpo otum, nga o wo la esõ la e wo eheheŋ. Ame e yi boŋ o la o kpo ekpom pa la moarehwĩ ba ototno mbo. Nga agimi e sheŋ e mbga moarehwĩ la a bzi emo ma moare la a nyum oshpa e ka bgu, ambo moa a wo moare la a nyum oshpa angyiŋ mbo. Nga aŋo o ka lo o bmye ba moa a wo moare la a sheŋ akpro angyiŋ.

2 MoaEtasolonika 2:9

Areabi lo á ba la ekʼpo ba Eshitaŋ nga á kpo edgu ayakplo ba egbregbre andandandim. Nga á zgi egŋe andandandim ba egbregbre la e wo akpro.

MoaIbrani 12:24

Agimi e sheŋ e ba okro ba Eyesu. Aŋa angyiŋ a kpo ohwihwim olehe he lo. Nga agimi e ba okro ba moa a shri amanzhli a shri a hre ma. Alo a tsa gi ayakplo la a wo adzadzi a gre ayakplo ba amanzhli ba Ahabila a tsa.

Etitu 1:16

Moa a la a lu ma moa a yi Ahogbrẽ, ambo odzudzu mo lo o kpo evom odlo mo. Moa a bli la efpu esõ mo pa la moare, nga moa a la a tsi Ahogbrẽ a ghwo ayi mbo. Moa a ka a kpo ekplokyeŋ la e wo edzi a gbu mbo.

Otsotsa 9:17

Nga okoka ba ame e ka, ame e ka ényma lo, pa la moanwyeakyuŋ la a vre lo. Ombyli ba ahwre ba moa a wo la alo ma o wo obme mbwi eka ba ovo, nga o sa ahwĩ mlemle eka ba etu. Nga o sa o wo abme mlemle eka ba eri ba azhi. Ashri ba ényma lo a wo eka ba ashri ba émbdze. Ovo ta la odzo, ta la eŋe la e bmye ovo e gre eshri e zgi anyu mo.

Otsotsa 14:10

are he lo á wa ami anab ba Ahogbrẽ. Ami he lo angyiŋ a wo olom ba Ahogbrẽ. Aŋa á zhiŋ lo gbugbu, a ygi aridi ba olom baŋ! Moare pyeŋ la a kpo eka he lo, moa á kpo mo ewu ovolaovẽsla egi ayi ba moanwyeadga ba esesla, ta la Anwye Ekylu.

Otsotsa 21:27

Ambo ekplo-kyeŋ ba eshre é gre é yi osku he lo eshyẽ mbo ku-ku. Are la a la a kpo ayakplo ba anzi ta la are la a sheŋ akpro, á yi osku he lo mbo. O wo le moarehwĩ ba moa a ta ashko mo akpa ba esõ, ba Anwye Ekylu lo dne á ba a yi osku he lo.

Amatiyu 25:25

Ame e kpo eyli boŋ. Okyku eka he, ame e gre e yi e kʼpa enzhe nga e shri lo e ghre ma. O yga amgbaŋ boŋ.

Amarku 9:44

Enzheovo lo akpadzidzi la a wo ma á kpu mbo, ovo lo ó rum nga mbo.]