Otsotsa 21:7 - Ohwihwim Olehe

⁷ Ame nga é dzu Ahogbrẽ ba areyaŋ a mbo la a kpo a gre, nga aŋa á dzu anwye me.

Otsotsa 21:7 Referans Kwoze

2 MoaOkorinti 6:18

Ahogbrẽ la a wo ekʼpo pyeŋ, a lu mi le, Ame é dzu adigimi, Nga agimi é dzu moanwyealom me pa la moanwye-alashle me.

MoaIbrani 8:10

Ohuhuhi, ohwihwim he lo angyiŋ o wo ohwihwim ba ame é hwim pa la moarehwĩ ba Esrayila. Adigi-odne a lu mi le, Ambla ba elum he lo, Ame é shri odaŋ me é ghwo esõ mo, Nga ame é ta lo esõ mo. Ame é dzu Ahogbrẽ mo, Nga moa á dzu moarehwĩ me.

Otsotsa 21:3

Ame e gno enzi egagre la e zgi okro ba emgbakyiŋ ba oreŋ e la e lu odlo. E lu mi le, Ohuhuhi, odne ba Ahogbrẽ o wo pa la moarehwĩ angyiŋ a mo! Aŋa á dzu pa la mo nga moa á dzu moarehwĩ baŋ. Ahogbrẽ ababgo baŋ a mbo á dzu pa la mo, nga aŋa á dzu Ahogbrẽ mo.

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

Amatiyu 19:29

Nga areyaŋ a mbo la a dzu adne a zga, pa la moanáŋ-alalom, o mbo le moanáŋ-alashle, o mbo le adaŋ, o mbo le anaŋ, o mbo le moanwye, o mbo le agbi a zga okyku me le, aŋa á hwiŋ ayakplo he lo eka engyi endgaekyeŋ omba la ó ba mi, nga aŋa á hwiŋ esõ ba gbagbu-amo.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.

Otsotsa 2:25

Ambo o raŋ o gre ba agimi e kom ekplo bimi e wo la alo ma gble ma-me o tsa onda ba ame é ba e ba.

Amarku 10:17

Omba ba Eyesu pa la moanwyeotum baŋ a klo o kso o yi egi ehwõ, are angyiŋ-akyeŋ a knye a ba a kʼpu egi ayi baŋ nga a zhĩ ŋa a lu mi le, Andakʼpo ba Shasha, ame é kpo eshi okyku o da me e hwiŋ esõ ba gbabgu-amo?

Amatiyu 25:21

Adaŋ-odne a lu mi le, Ame e vye la ŋo, aŋo o wo anwye-odne adzadzi. Aŋo o tsa me adlidzi ekplo etsitsi, okyku eka he, ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

MoaOroma 8:14

Moare ba Ogbgaodzi ba Ahogbrẽ o la o kpo otum pa la mo, moa a wo moanwye Ahogbrẽ angyiŋ.

MoaOroma 8:19

Ekployaŋ a mbo ba Ahogbrẽ a kpo obiŋ hi, moa a la a ka ayi ozhẽ okyku o da Ahogbrẽ a tsa moanwye la a wo a baŋ.

2 MoaOkorinti 6:16

Nga akulu ba Ahogbrẽ a kpo anyu a wo ozhẽ okyekyeŋ ta la okpko ba moaevbu? Okyku eshi agi e wo akulu ba Ahogbrẽ la a wo la eso ma angyiŋ! Eka ba Ahogbrẽ ababgo baŋ a mbo a lu mi le, Ame é kpo odne me pa la mo nga é dzu eshki mo. Ame é dzu Ahogbrẽ mo, nga moa a mbo á dzu moarehwi me.