Otsotsa 21:23 - Ohwihwim Olehe

²³ Osku he lo o klo ayimom ba olum ta la ayimom ba ohwa mbo, okyku eshi ayimom ba esesla ba Ahogbrẽ a la a tra osku he lo, nga Anwye Ekylu angyiŋ a wo emgbuovo ba osku he lo.

Otsotsa 21:23 Referans Kwoze

Otsotsa 22:5

Okyukyku ó wo ahe lo nga mbo, nga émgbuovo ta la ayimom ba olum á wo owlama ahe lo nga mbo, okyku eshi Adigi-odne Ahogbrẽ angyiŋ á ba a dzu ayimom mo, nga moa á ri ekʼpo eka moanyuŋ-areŋ gbagbu gbagbu-amo.

Otsotsa 21:11

Alo o shka ayi la ayimom ba Ahogbrẽ. Osku lo o shka ayi eka ba ézhim la e wo egbmo nzenze. O wo eka ba ejaspa, nga o wo zhezheŋ eka ba amihĩ.

Eyohana 1:9

Alo angyiŋ a wo ayimom ba adlidzi la a ba obiŋ hi, nga a la a tra moare mvye.

Otsotsa 18:1

Ambla he nga ame e ka anwyeadgakyeŋ a zgi Ongyeŋ a ba obiŋ. A wo la anyuŋ ekʼpo ma. Ayimom baŋ nga a shki obiŋ hi pyeŋ.

Oluka 2:32

Aŋa a wo ayimom okyku o tsa moa la a wo moaEyahuda mbo ozhẽ boŋ, Nga okyku o shri esesla o shri o kom moarehwi boŋ ba Esrayila.

Otsotsa 21:25

Ayizhẽ otsko ba osku he lo, á dzu ayimom ombamba pyeŋ. Moa á shki ayizhẽ lo mbo ku-ku okyku eshi okyukyku ó wo ahe lo mbo ku-ku.

Eyohana 5:23

Okyku eka he moare mvye moa á hlu Anwye lo eshko eka ba moa a la a hlu Ada eshko. Areyaŋ a mbo la a hlu Anwye eshko mbo le, o dzu eka baŋ a tla o hlu Ahogbrẽ la a hom ŋa otum eshko.

Eyohana 1:18

Arekyeŋ a ka Ahogbrẽ a ka ondakyeŋ mbo ku-ku. Arekyakyeŋ la a wo okyekyeŋ ta la Ahogbrẽ, nga baŋ a dzu egbaŋ ba Adaŋ, a ba a lu oshpa a da gi zhezheŋ.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

Eyohana 1:4

Odlo o wo eso egʼba baŋ, nga eso he lo angyiŋ e shri ayimom e kom moare.

Otum 22:11

Ame e vga ayi okyku ayimom lo. Okyku eka he moa la a dzi pa la me moa a shri me opi a shri a gre Adamasku eshyẽ.

Amarku 8:38

O wo ba arekyeŋ a kpo anzi okyku me ta la odlo me omba ba odlobi nzenze he lo le, Anwye Arehwĩ á kpo anzi okyku are he lo, onda baŋ á ba a ba la ayimom ba esesla ba Adaŋ, pa la moanwyeadga ba Ahogbrẽ.

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Eyohana 17:24

Ada! Aŋo o sheŋ o shri mo o da me bgu, okyku eka he ame e klo mo á dzu okro ba ame é dzu ma okyku o da mo a ka ayimom ba esesla me, ibu ayimom ba esesla boŋ o shri o da me okyku eshi aŋo o klo me ayga moa a kpo obiŋ hi.

Otsotsa 5:6

Ambla he nga ame e ka Anwye Ekylu a tspi agʼbaha ba emgbakyiŋ ba oreŋ. Nga ebyi enyi pa la moandakʼpo, moa a dzu a ta ŋa a kpaŋ. Anwye Ekylu a wo eka ba moa a bga lo. Anwye Ekylu he lo a wo la agzo afoha, ta la ayi afoha. Moa angyiŋ a wo egbga efoha ba Ahogbrẽ ba moa a hom mo otum a gre okroyaŋ a mbo obiŋ hi.

Otsotsa 7:17

Okyku eshi Anwye Ekylu la a wo esheshyẽ ba emgbakyiŋ ba oreŋ, aŋa angyiŋ á ba a kpaŋ mo, nga aŋa á tsa mo ozhẽ la o yi okro ba anzhe ami ba esõ. Nga Ahogbrẽ á khwa mo amanyi pyeŋ á sku ayi mo.

Otsotsa 14:4

Moahi lo angyiŋ a wo moarehwĩ la a shri eshri mo a zga shasha, nga moa a kpo akplokyeŋ pa la moashe a ka mbo ku-ku, moa a kyu moashe a ka mbo. Moa angyiŋ la a lu Anwye Ekylu lo ma a yi okroyaŋ a mbo baŋ a la a yi. Moa a sheŋ a shla mo eshki moarehwĩ. Nga moa angyiŋ a wo moarehwĩ ba moa a shri mo a ndba Ahogbrẽ ta la Anwye Ekylu ori.