Otsotsa 21:12 - Ohwihwim Olehe

¹² Anyuŋ ogli ogagre la o hlu o wo ma. Ayizhẽ otsko a wo ma, nga moanwyeadga otsko moa a tspi ayizhẽ otsko lo. Moa a ta ashko ba egu otsko ba Esrayila ayizhẽ otsko lo.

Otsotsa 21:12 Referans Kwoze

Otsotsa 21:25

Ayizhẽ otsko ba osku he lo, á dzu ayimom ombamba pyeŋ. Moa á shki ayizhẽ lo mbo ku-ku okyku eshi okyukyku ó wo ahe lo mbo ku-ku.

Otum 26:7

Egu bi otsko he lo, moa a la a hlu Ahogbrẽ eshko olulum ta la okyukyku, nga moa a la a ka ayi ozhẽ okyku ohwihwim he lo. Okyku okayiozhẽ he lo angyiŋ, aŋo anyuŋ-areŋ, moaEyahuda a la a klo odlo pa la me!

MoaIbrani 1:14

Moanwyeadga lo a wo eshi angyiŋ? Moa pyeŋ, moa a wo egbga la e la e hlu Ahogbrẽ eshko angyiŋ. Ahogbrẽ nga a la a hom mo otum okro moarehwĩ la á ba a hwiŋ oshla, okyku o da mo a kpo a ghwo la mo.

Oluka 16:22

Eliyazaru a kpu nga moanwyeadga ba Ahogbrẽ a shri ŋa a gre okro Ebrahim, okro moa a la a kpo abgo ma Ongyeŋ. Ambo omba ba are angyiŋ a kpu moa a ngybi ŋa o khwo nga.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Amatiyu 18:10

O raŋ o gre bimi e dzĩ akyeŋ eshki moanwye afifi hi lo mbo. Moanwyeadga ba Ahogbrẽ la a kʼpu mo moa a wo egi ayi Adugu la a wo Ongyeŋ ombamba pyeŋ. [

Otsotsa 21:13

Ayizhẽ atra a wo agbayaŋ a mbo. Ayizhẽ atra a wo egi etne, nga atra a wo egi ero, nga atra a wo egi esu, nga atra a wo egi olum-ore.

Otsotsa 21:15

Anwyeadga la a lu odlo pa la me a wo la opi ba azurfa ba ombganzho okyku o daŋ a mbga osku he lo ta la ayizhẽ, ta la ogli ba osku he lo.

Otsotsa 22:14

Moa la a ndza áriga mo a da lo a dzu akyle, moa á gno oraŋ, okyku eshi moa á wo ozhẽ ma ba o ri agbro ba esĩ aki ba esõ, nga moa á wo ozhẽ ba o sõ ayizhẽ otsko lo o yi osku he lo eshyẽ.