Otsotsa 21:1 - Ohwihwim Olehe

¹ Ambla he nga ame e ka ongyeŋ ohe ta la obiŋ ohe. Ongyeŋ ba ori ta la obiŋ ba ori o dam, nga anyuŋ-ondzu a mbo a blu.

Otsotsa 21:1 Referans Kwoze

2 Ebitru 3:13

Ambo Ahogbrẽ a sheŋ a hwim okyku ongyeŋ olehe ta la obiŋ olehe. Ahe lo, odlodzi o wo ma. Agi nga e dzu e bli lo.

Otsotsa 21:5

Ambla he nga are la a dzu emgbakyiŋ ba oreŋ a lu mi le, Nga ohuhuhi, ame é da ekployaŋ a mbo e dzu elehe! Nga a sa a lu pa la me a lu mi le, O ta odlo he lo akpa, okyku eshi odlo he lo o wo adlidzi angyiŋ nga o wo odlo la o raŋ o gre ba moa a bmi ta la lo angyiŋ.

2 Ebitru 3:10

Olum Onda ba Adigi-odne ó gnyu ognyu eka ba asi a la a gnyu ognyu. Onda mi lo ongyeŋ pyeŋ ó blu eka akyuŋ la a zhle. Nga ayakplo la a wo ongyeŋ moa á yla lo la ovo la o vu olo. Nga obiŋ hi ta la ekployaŋ a mbo la e wo ma é dom ya.

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.

Otsotsa 13:1

Ambla he nga ame e ka ebyi la e wo ebi, e zgi anyuŋ-ondzu lo. E wo la agzo okʼpo ta la ashri afoha. Ekpmye-shri e wo agzoyaŋ a mbo. Moa a ta eshko ebi a bre ashri baŋ.

MoaOroma 8:21

Moa la a ka ayi ozhẽ ba ondakyeŋ moa a shla ekployaŋ a mbo abgo ba ovovrẽ, nga okyku o da mo a hwiŋ odzudum moanwye ba Ahogbrẽ.

Otsotsa 6:14

Ahrẽ nga a blu eka ba anyuŋ ogbga ogbu o bʼba aku o ta ayimom hu. Nga akũyaŋ a mbo ta la anwye-obiŋyaŋ a mbo, moa a gʼbu a sku okro ba moa a wo ma.