Otsotsa 20:8 - Ohwihwim Olehe

⁸ Nga á yi okroyaŋ a mbo obiŋ hi, nga á bile moarehwĩ ba obiŋ hi pyeŋ. Moarehwĩ he lo angyiŋ a wo Ogogu ta la Amagogu. Eshitaŋ é shri mo pyeŋ é ba okyku o da mo a ta eko. Moa a wo nzenze eka ba endase ba akaŋ anyuŋ-ondzu.

Otsotsa 20:8 Referans Kwoze

Otsotsa 16:14

Egbga ba eshre etra he lo e wo egbga ba ábili la a kpo ayakplo ba egbregbre. Egbga etra he lo e zgi e gre ekro moanyuŋ-areŋ obiŋ hi pyeŋ, okyku o pla mo o shki okyku eko ba moa á ba a ta anyuŋ olum onda ba Ahogbrẽ ba ekʼpo pyeŋ.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 20:3

Anwyeadga he lo a shri ŋa a ndba a ta enzhe la e gyuŋ mgbyimgbyimgbyiŋ. A klu lo a khwo nga a reŋ lo, okyku o daŋ a bile moarehwĩ ba obiŋ hi ku-ku nga mbo ma-me eyi ezbi. Ambla he nga moa á ngla ŋa okyku omba fi sha.

MoaIbrani 11:12

Aŋa a sheŋ a kpu bgu, ambo okro alom he akyakyeŋ embre moanwye e ba. Moanwye lo a wo nzenze eka ba eyi enzo la e wo ahrẽ, ta la endase ba moa a tsi lo a khwo mbo la e wo akaŋ anyuŋ-ondzu.

Otsotsa 7:1

Ambla he nga ame e ka moanwyeadga anyi. Moa a tspi emvygi enyi ba obiŋ hi. Moa a nyom ogbga o hlu okroyaŋ a mbo obiŋ hi, okyku o da ogbga o gʼbu obiŋ hi ta la anyuŋ-ondzu, ta la akiki mbo.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.