Otsotsa 2:26 - Ohwihwim Olehe

^26-28 Nga, moare la á hwiŋ okpogre le, moarehwĩ la a kpo ayakplo ba ame e klo ma-me nga a ta ohuhuhi, ame é shri edgu ekʼpo ba Adugu a shri a da me angyiŋ é ba e shri é da mo. Ame é shri ekʼpo é da mo eshri ba émbre moare, okyku o da mo a ri ekʼpo eshri mo la opi ba amgbaŋ, nga moa á gom mo okyukyukyku eka ba eshyẽ ba ongyum. Nga ame é shri amdzi endigiŋ é shri é da mo.

Otsotsa 2:26 Referans Kwoze

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Otsotsa 22:5

Okyukyku ó wo ahe lo nga mbo, nga émgbuovo ta la ayimom ba olum á wo owlama ahe lo nga mbo, okyku eshi Adigi-odne Ahogbrẽ angyiŋ á ba a dzu ayimom mo, nga moa á ri ekʼpo eka moanyuŋ-areŋ gbagbu gbagbu-amo.

1 Eyohana 5:5

Ayi a kpo a gbu baŋ a kpo a gre obiŋ hi lo? O wo le are la a bmi ba adlidzi ba Eyesu a wo Anwye ba Ahogbrẽ sha a kpo a gbu baŋ a kpo a gre obiŋ hi.

Eyohana 6:29

Eyesu a tno mo ma a lu mi le, Otum ba Ahogbrẽ a klo bimi e kpo, a klo bimi e bmi ba adlidzi ta la are baŋ a hom ŋa otum.

Amatiyu 24:13

Ambo are la a zga gble o tsa onda amom-abgo le, aŋa á hwiŋ oshla.

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Otsotsa 3:12

Are la a hwiŋ okpogre, ame é daŋ a dzu emgbakha anyuŋ-akulu ba Ahogbrẽ me, nga aŋa á zgi á sku lo ku-ku nga mbo. Nga ame é ta eshko ba Ahogbrẽ me ta la eshko ba osku ba Ahogbrẽ me, ba moa a la a bzi lo ma Orushalima olehe. Alo ó zgi Ongyeŋ okro ba Ahogbrẽ me angyiŋ ó ba o ba. Ame é shri ashko he lo é bre egʼba baŋ. Nga ame é ta eshko elehe me é bre egʼba baŋ.

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

1 Eyohana 3:23

A jygu gi odaŋ a lu ma agi e bmi ba adlidzi ta la eshko ba Anwye baŋ Eyesu Ekristi, nga e la e klo egi eka ba Ekristi a jygu gi odaŋ.

Eyakubu 2:20

Adro arehwĩ! Aŋo o klo moa a tsa ŋo obmi ba adlidzi la o wo ta la otum mbo, ba alo o wo otum ototno angyiŋ?

MoaOroma 8:37

O mbo, agi e kpo e gre ayakplo hi lo mvye, okyku baŋ a la a klo gi angyiŋ!

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

Otsotsa 21:7

Ame nga é dzu Ahogbrẽ ba areyaŋ a mbo la a kpo a gre, nga aŋa á dzu anwye me.

MoaIbrani 3:6

Ambo okyku ba Ekristi a wo Anwye adlidzi, ba odne Ahogbrẽ o wo abgo baŋ. Agi e dzu eka ba odne baŋ o wo ba agi e kom oghwo-esõ ma-me la osheshye le, la esõ ekyekyeŋ okyku ekplo ba agi e ka ayi ozhẽ okyku lo.

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.

1 Eyohana 2:19

Moa edgu moarehwĩ he lo, moa a wo moarehwĩ ba ogʼba bi angyiŋ mbo. Moa a wo a ba ogʼba bi angyiŋ e mbi, moa a dzu ka la gi. Ambo moa a dzu gi a zga. Alo o tsa zhezheŋ ba akyeŋ a mbo eshki mo a wo a ba ogʼba bi mbo.

1 MoaEtasolonika 3:5

Okyku eka he angyiŋ ame e hom Etimoti otum. Alo o gre me eshri esõ angyiŋ a mo, okyku eka he ame e hom ŋa otum okyku o daŋ a yi odzudzu bimi okro obmi ba adlidzi. Adlidzi, alo o wo eka ba Eshitaŋ a bile gimi nga ba otum bi o wo otum ba ototno angyiŋ mbo!

Amatiyu 10:22

Areyaŋ a mbo á tla gimi okyku me. Ambo are la a ta esõ akpyli o tsa omba amom-abgo le, aŋa á gro.