Otsotsa 2:11 - Ohwihwim Olehe

¹¹ O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

Otsotsa 2:11 Referans Kwoze

Otsotsa 20:6

Moa la a hwiŋ ozhẽ a kso eku omba ba oksoeku ba ori he lo moa á wo la oraŋ ma, nga moa á hwiŋ owlama nzenze. Eku ba oha é wo la ekʼpo eshri mo mbo ku-ku. Moa á dzu moandakʼpo olu ba Ahogbrẽ, ta la Ekristi, nga moa á ri ekʼpo ka la ŋa okyku eyi ezbi.

Otsotsa 21:8

Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

Otsotsa 20:14

Ambla he nga, moa a shri eku ta la obiŋ ba moarehwĩ la a kpu, a shri a ygi enzheovo. Eku ba oha lo angyiŋ e wo enzheovo he lo.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Otsotsa 13:9

Agimi e ngli atuŋ e gno odlo o wo ba agimi e wo la atuŋ ba o gno odlo!

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

Amatiyu 11:15

Agimi e ngli atuŋ e gno o wo bimi e wo atuŋ ba o gno odlo ma le!

Amatiyu 13:9

Eyesu a sa a lu mi le, Agimi e ngli atuŋ e gno o wo bimi e wo la atuŋ ba o gno odlo ma!

Amarku 4:9

Eyesu a nyuŋ moare a lu mi le, Agimi e kpo atuŋ ba o gno odlo le, e ngli e gno.

Oluka 8:8

Eyiebze nga e gro e gbu obiŋ la o wo odzadzi, nga e hlu e kpo ashri adzadzi. Eshriyaŋ a mbo e kpo eyi endgaekyeŋ. Ambla he nga Eyesu a lu mi le, Agimi e ngli atuŋ e gno, o wo bimi e wo la atuŋ ba o gno odlo ma!

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.

Otsotsa 3:6

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya efoha!

Otsotsa 3:12

Are la a hwiŋ okpogre, ame é daŋ a dzu emgbakha anyuŋ-akulu ba Ahogbrẽ me, nga aŋa á zgi á sku lo ku-ku nga mbo. Nga ame é ta eshko ba Ahogbrẽ me ta la eshko ba osku ba Ahogbrẽ me, ba moa a la a bzi lo ma Orushalima olehe. Alo ó zgi Ongyeŋ okro ba Ahogbrẽ me angyiŋ ó ba o ba. Ame é shri ashko he lo é bre egʼba baŋ. Nga ame é ta eshko elehe me é bre egʼba baŋ.

Otsotsa 3:13

O wo ba agimi e wo la atuŋ ma le, e ngli atuŋ e gno odlo ba Ogbgaodzi o la o lu o ygi moaEklisiya.

Otsotsa 21:7

Ame nga é dzu Ahogbrẽ ba areyaŋ a mbo la a kpo a gre, nga aŋa á dzu anwye me.

Amarku 7:16

O wo bimi e wo atuŋ ma ba o gno odlo, e ngli e gno.]