Otsotsa 19:7 - Ohwihwim Olehe

⁷ Agimi e da gi e kpo ovye nga e vye. Agimi e da gi e hlu ŋa eshko okyku ekʼpo baŋ! Okyku eshi omba ba o bʼbu eble ba Anwye Ekylu o kpo bgu. Nga anwyeshe baŋ a sheŋ a nyuŋ eŋa a vu abgo.

Otsotsa 19:7 Referans Kwoze

Otsotsa 21:9

Akyeŋ eshki moanwyeadga afoha la a wo la atku afoha, la a bli la elolo efoha ba amom-abgo lo, a ba okro me nga a lu mi le, O ba o da me e tsa ŋo Anwyeshe lo. Aŋa angyiŋ a wo ashe ba Anwye Ekylu.

Otsotsa 21:2

Nga ame e ka Osku ba Esesla, alo angyiŋ o wo Orushalima ohe, alo o zgi okro ba Ahogbrẽ Ongyeŋ o ba. Moa a nyuŋ lo a kpo nga, a dzu a kʼpu eka ba anwyeshe a ghwo anzho a dzu a bli anwyealom baŋ.

2 MoaOkorinti 11:2

Ame e wo la oklo nzenze eso me okyku gimi, eka ba Ahogbrẽ a mbo a wo la oklo nzenze eso baŋ okyku gimi. Agimi e wo eka eyi anwyeshe ba adlidzi ba ame e kpo eshra baŋ e zga arekyeŋ la a ri Ekristi.

Amatiyu 22:2

A lu mi le, Oreŋ Ongyeŋ, o wo eka ba areŋ a kpo abgo okyku ba anwye baŋ a kyu ashe.

Otsotsa 19:9

Ambla he nga anwyeadga lo a lu pa la me a lu mi le, O ta o lu mi le, Moarehwĩ ba moa a bzi mo okyku oriabgo eble ba Anwye Ekylu moa a wo la ognoraŋ ma. Anwyeadga lo a sa a lu odlo a ta ma a lu mi le, Odlo he lo o wo odlo adlidzi ba Ahogbrẽ angyiŋ.

MoAfisu 5:32

Moa a hwile anyuŋ adlidzi a ta edzi ibu odlo ba Ahogbrẽ he lo. Ame e lu odlo he lo eshri ba Ekristi ta la Eklisiya.

Eyohana 3:29

Anwyeshe a wo okyku anwyealom angyiŋ. Akyeŋazba anwyealom lo a la a tspi a gno ogno sha. A gno oraŋ omba baŋ a gno enzi ba anwyealom. Ame e gno oraŋ nzenze okyku eka he lo angyiŋ.

MoAfisu 5:23

Okyku eshi arealom a wo la ekʼpo eshri ashe baŋ eka ba Ekristi a mbo a wo la ekʼpo eshri ba Eklisiya. Ekristi angyiŋ a wo Areoshla ba Eklisiya la e wo egʼba baŋ angyiŋ.

Oluka 12:36

eka ba moanwye-odne la a dzu a kʼpu adimo-odne o tsa baŋ a zgi oriabgo a ba. O wo baŋ a ba a ta enzi le, moa á kso nga á hwile ayizhẽ okyku ŋa shoshoŋ.

MoaEfilibi 3:3

Agi angyiŋ e wo moarehwĩ ba moa a sheŋ ongyum ba adlidzi, moa angyiŋ mbo, okyku eshi agi e la e hlu Ahogbrẽ eshko ozhẽ ba Ogbgaodzi angyiŋ, nga agi e la e kpo ovye ibu odzudzu bi okro ba Ekristi Eyesu. Agi e sko okpo-kpo ba egʼba e zga akplokyeŋ mbo.

Amatiyu 1:20

Omba baŋ a wo aga a la a tne eshri lo nga, anwyeadga ba Adigi-odne a ba okro baŋ onze, nga a nyuŋ ŋa a lu mi le, Oyusufu, aŋo ba ogu ba Adawuda, aŋo o fu eha ba o sko ashe boŋ Emeri mbo. Ogbgaodzi angyiŋ o shri onyi lo o daŋ.

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.