Otsotsa 19:11 - Ohwihwim Olehe

¹¹ Ambla he nga ame e ka Ongyeŋ o hwile nga enyma ekyle e wo ma. Are la a vre lo moa a la a bzi ŋa Oshasha ta la Adlidzi. Aŋa a la a sõ ombgu nga a la a ta eko la adlidzi.

Otsotsa 19:11 Referans Kwoze

Otsotsa 6:2

Ame e zhiŋ e ka nga, ame e ka enyma ekyle. Are la a vre enyma he lo a kom ota obgo, nga moa a shri okpmyeshri a shri a daŋ. Aŋa a zgi eka ba are la a ta eko nga a kpo a gre, nga okyku o daŋ a ri moare.

Otsotsa 3:14

Ogbgaodzi o sa o lu mi le, Aŋo o ta anwyeadga ba Eklisiya ba Eladosiya akpa o lu mi le, Oshpa lo o wo oshpa la o zgi abgo ba Amin angyiŋ. Aŋa a wo are la a zgi egŋe ba adlidzi. Aŋa angyiŋ a wo esĩ ba ekployaŋ a mbo ba Ahogbrẽ a kpo.

Otsotsa 4:1

Omba he lo nga, ame e sa e ka edgu okokakyeŋ nganga. Ame e ka ayizhẽ a hwile. Nga enzi la e zhle eka ba egbaru, e la e lu odlo pa la me ayga, e lu mi le, O vre o ba ongyeŋ ahe, nga ame e tsa ŋo ekplo la é ba e kpo ambla ba ohi lo o kpo.

Otsotsa 3:7

Ogbgaodzi o sa o lu mi le, Aŋo o ta anwyeadga ba Eklisiya ba Efiladelfiya akpa o lu mi le, Oshpa he lo o wo oshpa la o zgi abgo ba are la a wo la esesla, nga a wo la adlidzi. Emakuli ba Adawuda e wo abgo baŋ angyiŋ. Aŋa angyiŋ a la a hwile ayizhẽ lo, nga arekyeŋ a shki lo a gbu mbo. Nga aŋa angyiŋ a la a shki lo, nga are-kyeŋ a hwile lo a gbu mbo.

Otsotsa 1:5

ta la okro ba Eyesu Ekristi la a wo egŋe ba adlidzi. Aŋa angyiŋ a wo Anwye ba moa a mbre ŋa ori, nga ba moa a kso ŋa eku. Aŋa angyiŋ a wo are la a ri ekʼpo eshri moareŋ ba obiŋ hi pyeŋ. Aŋa a la a klo gi. Nga ibu ba eku baŋ angyiŋ a shla gi abgo ba odlobi bi, nga a da gi e dzu oreŋ ba moandakʼpo olu ba Ahogbrẽ okyku o da gi e kpo Ahogbrẽ baŋ la a wo Adaŋ, otum. Esesla ta la ekʼpo, e dzu e ba Eyesu Ekristi gbagbu gbagbu-amo! Amin.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Otsotsa 11:19

Moa a hwile Anyuŋ-akulu ba Ahogbrẽ. Akulu he lo a wo Ongyeŋ. Nga moa a ka akpati ba ohwihwim la o wo ma Anyuŋ-akulu baŋ lo. Ambla he nga ayimom a la a fa ngzangzangza, nga akyuŋ nzenze a ta, nga angyum-ogbu a ta, nga obiŋ o zhga ara, nga ehre-ogbu e ygi obiŋ nzenze.

Eyohana 1:51

Nga Eyesu a nyuŋ mo a lu mi le, Ame e lu adlidzi e da gimi, agimi é ka Ongyeŋ ó hwile, nga moanwyeadga ba Ahogbrẽ a ta oya eshri Anwye Arehwĩ!

Otsotsa 19:19

Ambla he nga ame e ka ebyi la e wo ebi lo, pa la moanyuŋ-areŋ ba obiŋ hi, pa la moanwyeakyuŋ mo, moa a pla emo a shki okyku o da mo a ta eko ta la are la a vre enyma lo, pa la moanwyeakyuŋ baŋ.

Otsotsa 19:21

Moa a bga moanwyea-kyuŋ mo la akõ la a zgi anyu ba are la a vre enyma lo. Nga moawunu a ri ebyi lo eka ba moa a ri a gbu.