Otsotsa 19:10 - Ohwihwim Olehe

¹⁰ Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 19:10 Referans Kwoze

Eyohana 5:39

Agimi e klo aga Akpa ba Ahogbrẽ okyku eshi agimi e la e ka eka bimi é ba e hwiŋ eso ba gbagbu okyku lo. Akpa ba Ahogbrẽ lo a mbo a lu odlo eshri me!

MoaIbrani 1:14

Moanwyeadga lo a wo eshi angyiŋ? Moa pyeŋ, moa a wo egbga la e la e hlu Ahogbrẽ eshko angyiŋ. Ahogbrẽ nga a la a hom mo otum okro moarehwĩ la á ba a hwiŋ oshla, okyku o da mo a kpo a ghwo la mo.

Otsotsa 4:10

Nga moandakʼpo ekʼpoeha la anyi he lo, moa a tsu a ygi obiŋ egi ayi ba emgbakyiŋ ba oreŋ, nga moa a la a hlu ŋa eshko la á dzu ma gbagbu gbagbu-amo. Moa a ndba ekpmyeshri ba oreŋ mo a ygi egi ayi ba emgbakyiŋ ba oreŋ nga a lu mi le,

Otsotsa 12:17

Ambla he nga esõ e tpi emabi egagre lo ayi ta la ashe lo e gre eshri. Okyku eka he nga, aŋa a gre okyku o ta eko pa la moaembre ba ashe he lo la a ra. Moahi lo angyiŋ a wo moa la a kpaŋ odaŋ ba Ahogbrẽ, nga a tspi kyekye ta la oshpa ba adlidzi ba Eyesu a shri a ba.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

1 Eyohana 5:10

Okyku eka he areyaŋ a mbo la a bmi ba adlidzi ta la Anwye ba Ahogbrẽ le, aŋa a wo la egŋe he lo esõ baŋ. Ambo areyaŋ a mbo la a bmi ba adlidzi pa la Ahogbrẽ mbo le, aŋa a sko Ahogbrẽ a daŋ a dzu are ba akpro, okyku eshi aŋa a bmi ta la egŋe ba Ahogbrẽ a zgi eshri ba Anwye baŋ mbo.

MoaIbrani 12:25

Agimi e nyuŋ e kpo-kpo nga e tla o ngli atuŋ o gno odlo baŋ a la a lu mbo. Okyku eshi moarehwĩ la a tla o ngli atuŋ o gno odlo ba Ahogbrẽ ba arekyeŋ a la a lu obiŋ hi, moa a gro mbo ku-ku. Nga o wo ba agi e tla odlo ba are la a dzu Ongyeŋ a la a lu he, agi e ka é ra abgo é gro mbo ku-ku!

Amatiyu 4:10

Omba he lo Eyesu a tno ŋa ma a lu mi le, Aŋo Eshitaŋ o ngʼba o sku me! Okyku eshi Odlo Ahogbrẽ o lu mi le, O hlu Adigi-odne Ahogbrẽ boŋ sha eshko, nga o lu ŋa ma!

Otsotsa 14:7

A lu odlo la enzi egagre a lu mi le, Agimi e kpo eyli ba Ahogbrẽ nga e hlu ŋa eshko okyku ekʼpo baŋ! Okyku eshi omba baŋ á sõ moarehwĩ ba obiŋ hi pyeŋ ombgu o kpo bgu. Okyku eka he nga, agimi e kʼpu obiŋ egi ayi ba Ahogbrẽ la a kpo Ongyeŋ ta la obiŋ hi, ta la onyuŋ-ondzu, ta la anzhe ami, nga e hlu ŋa eshko!

Otsotsa 15:4

Adigi-odne, ayi angyiŋ a kpo eyli boŋ mbo? Ayi á ba a tla okyku o daŋ a su ekʼpo boŋ? Okyku eshi aŋo sha angyiŋ o wo la esesla. Moarehwĩ ba obiŋ hi pyeŋ moa á ba Nga á hlu ŋo eshko egi ayi boŋ. Okyku eshi areyaŋ a mbo a ka otum ba odlodzi boŋ o kpo.

Otum 10:43

Moarehwi ba Ahogbrẽ a hom otum vye a lu eshri baŋ a lu mi ma areyaŋ a mbo la a bmi ba adlidzi ka la ŋa, moa a kyu ŋa abgo odlobi baŋ okro ekʼpo ba eshko baŋ.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

MoaEfilibi 3:3

Agi angyiŋ e wo moarehwĩ ba moa a sheŋ ongyum ba adlidzi, moa angyiŋ mbo, okyku eshi agi e la e hlu Ahogbrẽ eshko ozhẽ ba Ogbgaodzi angyiŋ, nga agi e la e kpo ovye ibu odzudzu bi okro ba Ekristi Eyesu. Agi e sko okpo-kpo ba egʼba e zga akplokyeŋ mbo.

Oluka 24:44

Ambla he nga, a nyuŋ mo a lu mi le, Ame e lu edgu ayakplo he angyiŋ e da gimi omba ba ame e yi e wo ka la gimi. Ekployaŋ a mbo ba moa a ta eshri me odaŋ ba Omusa, ta la akpekpa moarehwi ba Ahogbrẽ a hom mo otum, ta la Akpa ba Ohlueshko, o dzu omgbybi ba alo é bli.

Oluka 1:19

Anwyeadga ba Ahogbrẽ a tno ma a lu mi le, Ame angyiŋ e wo Egabilu. Ame e la e tspi egi ayi ba Ahogbrẽ ombamba pyeŋ. Aŋa angyiŋ a hom me otum okyku o da me e lu Oshpaodzadzi he lo e doŋ,

Amarku 5:22

Ojayiru andakʼpo ba anwyeakulu, omba baŋ a ka Eyesu nga a ba a kʼpu obiŋ egi ayi baŋ.

Otum 13:27

Moarehwi la a dzu Orushalima pa la moandakʼpo mo, moa a yi baŋ angyiŋ a wo Areoshla mbo. Nga moa a ka odlo Ahogbrẽ moa a la a tsi onda Asabatyaŋ a mbo a bmye mbo. Odlo he lo o wo odlo moarehwi ba Ahogbrẽ a hom mo otum a lu, eshri obobga moa a bga Eyesu, odlo lo o bli.

1 Eyohana 5:21

Agimi anwye me, agimi e ngʼba e sku moahogbrẽ ba akpro!

1 MoaEtasolonika 5:15

E nyuŋ e kpo-kpo, o wo ba anáŋ a kpo eshki bimi odlobi le, a bla ŋa a kpo ŋa mbo, ambo ombamba pyeŋ e hwiŋ esõ bimi nga e kpo ayakplo adzi ta la egimi ta la areyaŋ a mbo.

MoAfisu 5:15

Okyku eka he, e nyuŋ o kpo-kpo ta la odzudzu bimi. E dzu eka moarehwĩ la a wo evbu mbo, ambo e dzu eka moarehwĩ la a wo la eda ma.

2 MoaOkorinti 8:7

Agimi e wo la angyiŋ e gre eshri okyku ekployaŋ a mbo ba agimi e wo la alo ma ozhẽ ba obmi ba adlidzi, ta la odlo ba anyu,, ta la oyioyi, ta la ozgayi ba okpoghwo, ta la oklo bimi okyku gi. Okyku eka he agi e klo bimi e dzu la okpoghwo angyiŋ ibu edgu otum ba oklo he lo.

Amarku 7:25

Ashekyeŋ a wo ma, ba ogbgabi o kpo otum ta la anwye-alashle baŋ. A gno oshpa ba Eyesu a ba osku mo, ebuebu nga a gre okro baŋ nga a kʼpu obiŋ egi ayi baŋ.

MoAfisu 5:33

Ambo o wo eshri bimi a mbo. O raŋ o gre ba arealomyaŋ a mbo a klo ashe baŋ eka baŋ a klo eshri baŋ. Nga o raŋ o gre ba asheyaŋ a mbo a fa olbi a da alom baŋ.

Otsotsa 1:1

Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Otsotsa 19:9

Ambla he nga anwyeadga lo a lu pa la me a lu mi le, O ta o lu mi le, Moarehwĩ ba moa a bzi mo okyku oriabgo eble ba Anwye Ekylu moa a wo la ognoraŋ ma. Anwyeadga lo a sa a lu odlo a ta ma a lu mi le, Odlo he lo o wo odlo adlidzi ba Ahogbrẽ angyiŋ.