Otsotsa 18:16 - Ohwihwim Olehe

¹⁶ Nga moa á lu mi le, Ekplo ayiekŋe! Ta la ekplo la e ngro eshri angyiŋ okyku osku ogagre he lo. Aŋa a la a bʼbu aknye ba elili la a wo ahwĩ mlemle, ta la abme mbwi eka ba areŋ. Nga aŋa a la a shki eŋa la aknye ba moa a dze azurfa, ta la ézhim la e wo la egbmo nzenze, ta la epal ma!

Otsotsa 18:16 Referans Kwoze

Otsotsa 17:4

Ashe lo a ygi aknye la a wo ahwĩ mlemle ta la abme mbwi eka ba areŋ. Moa a dze anzho ba azurfa ta la ézhim la e wo la egbmo nzenze, ta la ézhim la e shka ayi aknye lo. Ashe he lo a kom etku ba azurfa obgo baŋ. Anzho la a wo eshre a bli etku lo slu. Alo angyiŋ a tsa edgu eshre baŋ a la a kpo.

Otsotsa 18:19

Moa a fa obiŋ a tsiŋ eshri nga moa a wu okũ nga a gbu ogbrẽ. Moa a gbu ogbrẽ a lu mi le, Ekplo ayiekŋe! Ekplo la e ngro eshri angyiŋ e wo ta la anyuŋ-osku he lo. Osku he lo angyiŋ o shri angyiŋ o da areyaŋ a mbo la a wo la amgblami ma! O ka, ekployaŋ a mbo ba osku he lo e jygi omba ba awa akyeŋ sha!

Otsotsa 17:3

Ogbgaodzi o ri oshye me, ambla he nga anwyeadga lo a shri me a gre akla. Ahe lo ame e ka ashekyeŋ a dzu edgu ebyikyeŋ la e wo ebme. Moa a ta ashko la a wo abi a bre egʼba ba ebyi la e wo ebi lo pyeŋ. Ebyi he lo e wo ashri afoha, ta la agzo okʼpo.

Otsotsa 18:18

nga moa a lu odlo angyangyeŋ omba ba moa a ka odzo ba osku lo o ri ovo. Moa a lu mi le, Oskukyeŋ eka ba anyuŋ-osku hi ó wo ma ku-ku nga mbo!