Otsotsa 17:11 - Ohwihwim Olehe

¹¹ Nga ebyi la e wo ebi la e wo la esõ ma ayga he lo, e wo la esõ ma nga mbo. Alo angyiŋ e wo anyuŋ-areŋ ba ofote. Aŋa a zgi eshki mo afoha ba oriori, ambo moa a sa á bga ŋa.

Otsotsa 17:11 Referans Kwoze

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 13:3

Eshri ba ebyi lo ekyeŋ, e wo eka ba moa a bga lo. Ambo ero la e ngro eshri he lo e sheŋ e shaŋ. Moarehwĩ ba obiŋ hi pyeŋ moa a ka egbregbre nga moa a lu ebyi he lo ma.

Otsotsa 13:10

Areyaŋ a mbo ba moa a sheŋ a zga ba moa á vu ŋa, moa á vu ŋa omgbybi. Nga areyaŋ a mbo ba moa a sheŋ a zga ba moa á bga ŋa, moa á bga ŋa omgbybi la akõ. Okyku eka he, o raŋ o gre ba moarehwĩ ba Ahogbrẽ a ghwo esõ, nga ba moa a tspi osheshye ta la obmi ba adlidzi mo.

Otsotsa 13:12

E kpo otum ta la anyuŋ ekʼpo ba ebyi la e wo ebi ba ori he lo egi ayi baŋ. Nga e vu obiŋ hi, pa la moarehwĩ ba obiŋ hi e da mo a hlu ebyi ba ori eshko. Ebyi ba ori he lo e wo ero la e ngro eshri ma, ambo e sheŋ e shaŋ.