Otsotsa 16:15 - Ohwihwim Olehe

¹⁵ Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

Otsotsa 16:15 Referans Kwoze

Otsotsa 3:18

Ame e shri ebra angyiŋ e shri e doŋ. O raŋ o gre boŋ o gbmo azurfa okro me. Azurfa he lo a wo zhezheŋ, alo á doŋ o gbu angyiŋ. Nga aŋo o gbmo aknye akyle okyku o doŋ o ygi nga okyku o doŋ o shki oso la o ta ŋo anzi. Nga o gbmo agum o ta ayi boŋ, okyku o doŋ o ka okro.

2 Ebitru 3:10

Olum Onda ba Adigi-odne ó gnyu ognyu eka ba asi a la a gnyu ognyu. Onda mi lo ongyeŋ pyeŋ ó blu eka akyuŋ la a zhle. Nga ayakplo la a wo ongyeŋ moa á yla lo la ovo la o vu olo. Nga obiŋ hi ta la ekployaŋ a mbo la e wo ma é dom ya.

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.

2 MoaOkorinti 5:3

Ambla ba moa a ghwo gi alo egʼba le, agi é gbaŋ egʼba mbo ku-ku.

Amarku 14:38

Eyesu a nyuŋ mo a lu mi le, E kʼpu nga e fa olu okyku o da gimi e tsu e gbu obile mbo. Ame e yi ba agimi e bmi pa la me esõ bimi, ambo egʼba e shki gimi ami.

Otum 20:31

Agimi e nyuŋ e ka, nga e tne aga e ka adzadzi, ame la amanyi ayi me nzenze e la e nye areyaŋ a mbo eshki bimi olulum, ta la okyukyku ma-me eyi etra.

1 MoaEtasolonika 5:6

Okyku eka he o raŋ o gre ba agi e la e ndze enu eka moahwõ mbo. O raŋ o gre ba agi e dzu ayi nga e nyuŋ eshri bi e zga.

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

Amatiyu 26:41

Agimi e kʼpu nga e fa olu, okyku o da gimi e tsu e gbu ombambga mbo. Ame e ka, agimi e bmi la esõ bimi, ambo, agimi e da egʼba e shki gimi ami.

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

1 MoaEtasolonika 5:4

Ambo agimi anáŋ, agimi e wo evbu angyiŋ mbo, okyku eka he agimi e da Olum lo o gnyu gimi ognyu eka ba asi a la a gnyu moare mbo.

Otsotsa 3:11

Ame é ba ambla fi. O kpaŋ ekployaŋ a mbo boŋ o wo la alo ma okyku o da arekyeŋ a ngʼga egbre ba okpogre boŋ ó hwiŋ mbo.

Otsotsa 22:7

Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!