Otsotsa 16:14 - Ohwihwim Olehe

¹⁴ Egbga ba eshre etra he lo e wo egbga ba ábili la a kpo ayakplo ba egbregbre. Egbga etra he lo e zgi e gre ekro moanyuŋ-areŋ obiŋ hi pyeŋ, okyku o pla mo o shki okyku eko ba moa á ba a ta anyuŋ olum onda ba Ahogbrẽ ba ekʼpo pyeŋ.

Otsotsa 16:14 Referans Kwoze

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

1 Etimoti 4:1

Ogbgaodzi o lu zhezheŋ o lu ma moabze á tla ozhẽ ba Eyesu omba ba amom-abgo. Nga moa á fa olbi á da egbgabi la e sheŋ akpro, nga moa á yga onyenye ba ábili.

Otsotsa 20:8

Nga á yi okroyaŋ a mbo obiŋ hi, nga á bile moarehwĩ ba obiŋ hi pyeŋ. Moarehwĩ he lo angyiŋ a wo Ogogu ta la Amagogu. Eshitaŋ é shri mo pyeŋ é ba okyku o da mo a ta eko. Moa a wo nzenze eka ba endase ba akaŋ anyuŋ-ondzu.

1 Eyohana 5:19

Agi e yi ba agi e wo moanwye ba Ahogbrẽ angyiŋ. Nga obiŋ hi pyeŋ o wo abgo ba ekʼpo ba Areabi.

Eyakubu 3:15

Edgu okaobmye he lo o zgi ongyeŋ angyiŋ o ba mbo ku-ku. Edgu okaobmye he lo o wo okaobmye ba obiŋ hi angyiŋ, nga alo o wo okaobmye ba aga ba egʼba angyiŋ, nga alo o wo okaobmye ba egbgabi.

Otsotsa 16:16

Ambla he nga, egbga lo e da moanyuŋ-areŋ pyeŋ a pla a shki okro ba moa a bzi lo la olom ba Eyahuda ma Armagido.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

2 MoaEtasolonika 2:9

Areabi lo á ba la ekʼpo ba Eshitaŋ nga á kpo edgu ayakplo ba egbregbre andandandim. Nga á zgi egŋe andandandim ba egbregbre la e wo akpro.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

MoaOroma 1:8

Ekplo ba oriori, ame e vye la Ahogbrẽ eshko Eyesu Ekristi okyku gimi, okyku eshi obiŋ hi mvye moa a gno oshpa ba obmi ba adlidzi bimi.

Otsotsa 16:7

Ambla he nga ame e gno enzi la e zgi ambgu ba oshriondba e lu mi le, Adigi-odne, Ahogbrẽ ba ekʼpo pyeŋ! Ombgu boŋ o sõ, o wo la adlidzi ta la odlodzi ma!

Otsotsa 13:3

Eshri ba ebyi lo ekyeŋ, e wo eka ba moa a bga lo. Ambo ero la e ngro eshri he lo e sheŋ e shaŋ. Moarehwĩ ba obiŋ hi pyeŋ moa a ka egbregbre nga moa a lu ebyi he lo ma.

Otsotsa 6:17

Okyku eshi anyuŋ olum onda ba ombgu he lo o ba bgu, nga ayi a kpo a gbu baŋ a nyom olum he lo a gbu?

Oluka 2:1

Omba ba Agustu a wo Ekeza, anyuŋ andakʼpo ba obiŋ Oroma, a jygu odaŋ ma areyaŋ a mbo la a wo obiŋ baŋ a da mo a ta eshko baŋ okyku otsutsi.

Amatiyu 24:14

Nga Oshpaodzadzi la o wo eshri Oreŋ Ongyeŋ moa á nyum lo obiŋ hi pyeŋ, okyku o zgi egŋe alo okyku o da moare a gno. Ambla he nga, omba lo ó bli.