Biblia Todo Logo
Bib sou entènèt

- Piblisite -




Otsotsa 16:10 - Ohwihwim Olehe

10 Ambla he nga anwyeadga ba otno a zhiŋ olom la o wo atku baŋ a ygi emgbakyiŋ oreŋ ba ebyi la e wo ebi he lo. Evbu e shki oreŋ ba ebyi lo pyeŋ, nga moare a la a taŋ azhga anyu okyku avuolo.

Gade chapit la Kopi




Otsotsa 16:10
22 Referans Kwoze  

Eyi enzo he lo e hwile enzhe lo e khwo nga, odzo o zgi enzhe lo kyukyukyu eka ba odzo o la o zgi aku la a ri ovo. Ahrẽ pyeŋ a gbu evbu okyku odzo la o zgi enzhe he lo.


Moare e mbi la ba alo o raŋ o gre moa a hwiŋ Oreŋ Ongyeŋ, moa á se mo á ygi egi edzi, okro la o hwĩ evbu kpyke. Ahe lo, moa á wu okũ, nga á taŋ azhga anyu.


Moa á ka ayimom ba ovo osku he lo eshyẽ ku-ku nga mbo, nga enzi ba anwyeshe ta la enzi ba anwyealom la a kyu ashe, moa á gno lo osku he lo ku-ku nga mbo. Ayga moarehwĩ boŋ la a ta ekyku a wo oshye pyeŋ a gre obiŋ hi. Nga aŋo o bile moarehwĩ ba obiŋ hi pyeŋ la agum boŋ ba akpro!


Okyku eshi Ahogbrẽ a shri oklo ba o bli ayakplo baŋ a klo, a shri a zga esõ mo. A da mo a kpo lo la esõ ekyekyeŋ, nga moa a shri ekʼpo mo a shri a da ebyi lo okyku o daŋ a ri oreŋ lo, o tsa ba odlo ba Ahogbrẽ o bli.


Areŋ nga a nyuŋ moanwye-odne baŋ a lu mi le, Agimi e bʼbu ŋa endzi abgo, ta la adga, nga e shri ŋa e ndbi e ta evbu. Ahe lo nga, aŋa á wu okũ á taŋ azhga anyu.


Ambla he nga anwyeadga la a wo oshye a sko ezhim la e wo eka ba anyuŋ eghwo a khwo nga a shri lo a ndba a ta anyuŋ-ondzu. Nga a lu mi le, Moa a ndba Ababilo anyuŋ-osku he lo a mbo á ta ekakahelo angyiŋ. Nga moa á ka ŋa nga mbo ku-ku!


Agimi é wu okũ é gre eshri, nga é taŋ azhga anyu omba ba agimi e ka Ebrahim, ta la Eshaku, ta la Eyakubu, pa la moarehwi ba Ahogbrẽ a hom mo otum, a dzu Oreŋ Ahogbrẽ, ambo moa á hwile gimi ayizhẽ mbo!


Adaŋ-odne lo á kplu ŋa agbu. Nga á daŋ a hwiŋ egbre baŋ pa la moa la a bile moare. A mi lo aŋa á wu okũ nga á taŋ azhga anyu.


Odlo he lo o klo okaombye. Ashri afoha he lo angyiŋ a wo akukũ afoha. Ashe lo a dzu akukũ he lo angyiŋ. Ashri afoha a wo moanyuŋ-areŋ afoha angyiŋ.


Nga moa á shri moareabi á ygi embili ovo la e bmye ovo e gre eshri, nga moa á wu okũ á taŋ azhga anyu.


Á kpo nga á shri mo á ygi embili ovo la e bmye ovo nzenze. Ahe lo, moa á wu okũ nga á taŋ azhga anyu.


A ta enzi la anyuŋ enzi a lu mi le, Ashe lo a tsi a gbu! Ababilo agagre a tsi a gbu! Ohuhuhi nga ábili ta la egbgabi ba eshre sha e la e yi ibu baŋ a mo. Edgu awunuyaŋ a mbo la a wo eshre, moa a la a ta eygu mo osku lo eshyẽ,


Ambo moarehwĩ ba obiŋ hi, moa á gno oraŋ ta la eku ba moarehwĩ aha he lo. Moa á kpo ovye nga moa á shri ototno á shri á kom emo, okyku eshi moarehwĩ aha ba Ahogbrẽ a hom mo otum he lo, moa a byiŋ ewu nzenze a shri a ta moarehwĩ ba obiŋ hi.


Ekom mo nga é lom anyuŋ ozhẽ ba anyuŋ osku he lo. Ahe lo angyiŋ moa a gŋe Adimo-odne egŋe aki omba la o sheŋ o gre mi. Osku lo o wo eka ba osku ba Osodom o mbo le obiŋ ba Amasla.


Ambo aŋo o tsi moare la a wo ogʼba ba egi edzi ba Anyuŋ-akulu lo ko mbo. O mbga egi he lo ko mbo, okyku eshi egi he lo e wo okyku moaevbu angyiŋ. Moa á dzi Osku ba Esesla he lo okyku ehwa ekʼpoenyi la ehwa eha.


Agimi e fa olbi e da moarehwĩ pyeŋ. Agimi e klo moa la a bmi ba adlidzi otsotse ka la gimi. Nga agimi e la e kpo eyli ba Ahogbrẽ, nga e fa olbi e da Ekeza.


Ambla he nga anwyeadga ba onyi a hlu egbaru baŋ. Nga ogʼba okyeŋ eshki ba egʼba etra ba olulum ta la o ba ohwa, ta la o ba eyi enzo, moa a tra lo. Okyku eka he nga ogʼba okyeŋ eshki ba egʼba etra ba ayimom, alo o blu. Ogʼba okyeŋ egʼba etra ba omba ba olulum, ayimom o wo ma mbo, okyukyku a mbo o wo ekakahelo.


Swiv nou:

Piblisite


Piblisite