Otsotsa 14:7 - Ohwihwim Olehe

⁷ A lu odlo la enzi egagre a lu mi le, Agimi e kpo eyli ba Ahogbrẽ nga e hlu ŋa eshko okyku ekʼpo baŋ! Okyku eshi omba baŋ á sõ moarehwĩ ba obiŋ hi pyeŋ ombgu o kpo bgu. Okyku eka he nga, agimi e kʼpu obiŋ egi ayi ba Ahogbrẽ la a kpo Ongyeŋ ta la obiŋ hi, ta la onyuŋ-ondzu, ta la anzhe ami, nga e hlu ŋa eshko!

Otsotsa 14:7 Referans Kwoze

Otsotsa 15:4

Adigi-odne, ayi angyiŋ a kpo eyli boŋ mbo? Ayi á ba a tla okyku o daŋ a su ekʼpo boŋ? Okyku eshi aŋo sha angyiŋ o wo la esesla. Moarehwĩ ba obiŋ hi pyeŋ moa á ba Nga á hlu ŋo eshko egi ayi boŋ. Okyku eshi areyaŋ a mbo a ka otum ba odlodzi boŋ o kpo.

Otsotsa 11:18

Esõ e tpi moaevbu ayi nzenze, Okyku eshi alo o wo omba boŋ ó tsa mo olom boŋ angyiŋ. Nga ba moa á ba a sõ moa la a kpu ombgu angyiŋ. Nga alo o wo omba ba o shri egbre o shri o da moawaghrẽ boŋ la a wo moarehwĩ ba Ahogbrẽ a hom mo otum angyiŋ, Pa la moarehwĩ boŋ pyeŋ, moa la a wo agagre pa la moa la a wo afifi, Pa la moa la a kpo eyli boŋ pyeŋ. Omba he angyiŋ o wo odzi ba moa a bga moa la a jygi obiŋ hi!

Otsotsa 4:11

Aŋo Adigi-odne, ta la Ahogbrẽ bi! Aŋo o tse ma Boŋ o yga esesla, ohlueshko, ta la ekʼpo, Okyku eshi aŋo angyiŋ o kpo ekployaŋ a mbo, Nga moa a hwiŋ odzudzu ta la esõ okyku okoklo boŋ angyiŋ.

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.

Otsotsa 18:10

Moa a kpo eyli ewu baŋ a la a kpo, okyku eka he moa a tspi ogyugyuŋ nga a lu mi le, Ekplo ayiekŋe! Ekplo la e ngro eshri! Aŋo anyuŋ-osku Ababilo la o wo ogagre nga o wo la ekʼpo! Omba ba awa akyekyeŋ sha moa a sheŋ ŋo ombgu boŋ!

Otsotsa 16:9

Moa a dzõ moare la ovo la o bmye ovo o gre eshri, nga moare he lo a ta ogbukyu a ygi eshko ba Ahogbrẽ la a wo la ekʼpo eshri ba elolo he lo. Ambo moa a ka a nyiŋ odzudzu mo mbo nga moa a hlu ŋa eshko okyku ekʼpo baŋ mbo.

Otsotsa 4:9

Ombamba pyeŋ ba ébyi enyi he lo e la e fu abmo ba esesla, ta la abmo ba ohlueshko, ta la abmo ba ovye a la a ygi are la a dzu emgbakyiŋ ba oreŋ, aŋa á dzu ma gbagbu gbagbu-amo.

Otum 14:15

Okyku eshi agimi e kpo eka he? Agi e wo moarehwi eka bimi angyiŋ! Agi e ba ahe okyku o nyum Oshpaodzadzi angyiŋ e ygi gimi, nga okyku o da gimi e kyu ayakplo ototno bimi e la e kpo hi abgo nga e lu Ahogbrẽ la a wo eso ma, Ahogbrẽ la a kpo ongyeŋ ta la obiŋ, ta la anyuŋ-ondzu, ta la ekployaŋ a mbo la e wo ma.

Otsotsa 19:5

Ambla he nga enzi e zgi emgbakyiŋ ba oreŋ e ba e lu mi le, Agimi moawaghrẽ ba Ahogbrẽ pyeŋ, pa la moarehwĩ pyeŋ moa la a wo agagre pa la moa la a wo afifi nga ba moa a kpo eyli ba Ahogbrẽ, e hlu Ahogbrẽ bi eshko!

Otsotsa 8:10

Ambla he nga anwyeadga ba otra a hlu egbaru baŋ. Eyi enzo egagre ekyeŋ la e tra eka ovo obze, e gʼbu e zgi ongyeŋ e gbu obiŋ e khwo nga e shki ogʼba okyeŋ eshki ba egʼba etra ba éhwla ta la anzhe ba ami.

Oluka 17:18

Moa a mbo a bla a ba okyku o vye la Ahogbrẽ mbo? Azhẽ he lo sha angyiŋ a ba?

Otsotsa 18:19

Moa a fa obiŋ a tsiŋ eshri nga moa a wu okũ nga a gbu ogbrẽ. Moa a gbu ogbrẽ a lu mi le, Ekplo ayiekŋe! Ekplo la e ngro eshri angyiŋ e wo ta la anyuŋ-osku he lo. Osku he lo angyiŋ o shri angyiŋ o da areyaŋ a mbo la a wo la amgblami ma! O ka, ekployaŋ a mbo ba osku he lo e jygi omba ba awa akyeŋ sha!

Otsotsa 18:17

Nga omba ba awa akyakyeŋ sha angyiŋ, angyiŋ he lo a jygi! Moandakʼpo ba amgblami pa la moa la a dzi amgblami, pa la moare la a kpo otum amgblami, pa la moahwõ la a la a hwiŋ algo mo anyuŋ-ondzu, moa a tspi la ogyugyuŋ,

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.