Otsotsa 14:6 - Ohwihwim Olehe

⁶ Ambla he nga ame e ka anwyeadgakyeŋ a la a knye ahrẽ, ta la Oshpaodzadzi ba gbagbu-amo. A shri lo okyku o su lo o ygi moarehwĩ ba obiŋ hi, pa la moarehwĩ ba obiŋyaŋ a mbo, ta la embreyaŋ a mbo, pa la moarehwĩ ba olomyaŋ a mbo, pa la moarehwĩ pyeŋ.

Otsotsa 14:6 Referans Kwoze

Amarku 16:15

Eyesu a nyuŋ mo a lu mi le, Agimi e ngla obiŋ hi, nga e nyum Oshpaodzadzi e da moarehwi obiŋ hi mvye.

Otsotsa 8:13

Ambla he nga ame e ka asu a la a ta oya. Ame e gno, alo a lu odlo la anyuŋ enzi a lu mi le, Ekplo ongroshri! Ekplo ongroshri! Alo é wo ekplo ewu é gre eshri okro moare la a dzu obiŋ hi omba ba enzi egbaru ba moanwyeadga atra ahwõ é zhle.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

2 MoaEtasolonika 2:16

Nga Adigi-odne Eyesu Ekristi ta la Ahogbrẽ la a wo Adigi la a klo gi, okyku okpoghwo baŋ a shri oshye-esõ ba gbagbu-amo ta la okayiozhẽ la o wo odzi a shri a da gi,

Otsotsa 13:7

Moa a bmi okyku o daŋ a kpo ambgu pa la moarehwĩ ba Ahogbrẽ, nga okyku o daŋ a kpo a gre mo. Ambla he nga moa a shri ekʼpo eshri embreyaŋ a mbo ta la olomyaŋ a mbo, pa la moarehwĩ ba obiŋyaŋ a mbo a shri a daŋ.

MoaIbrani 13:20

Ahogbrẽ a kso Adigi-odne Eyesu eku. Aŋa angyiŋ a wo Anyuŋ Are la a kpaŋ ékylu okyku eku baŋ a kpu. Ibu eku lo angyiŋ moa a klu ohwihwim ba gbagbu-amo.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

Amatiyu 10:27

Nga ayakplo ba ame e la e lu e da gimi agʼbaha me ka la gimi sha, e bla lo e lu egi ayi moare mvye. Nga ayakplo bimi e gno emvygi, agimi e su lo.

Otsotsa 10:11

Nga moa a lu a da me a lu mi le, O raŋ o gre boŋ o bla o nyum oshpa ba odlo ba Ahogbrẽ o tsa moarehwĩ nzenze ta la embre nzenze, ta la elom nzenze, pa la moareŋ.

1 Ebitru 1:25

Ambo odlo ba Adigi-odne ó ra ó dzu ma gbagbu-amo. Oshpaodzadzi angyiŋ o shri odlo he lo o shri o kom gimi.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.

Otsotsa 10:7

Ambo ambla ba anwyeadga ba ofoha a hlu egbaru baŋ, omba he lo angyiŋ, Ahogbrẽ á ba a kpo otum ta la ayakplo baŋ a shri a zga esõ baŋ, eka baŋ a lu a da moa-waghrẽ baŋ, la a wo moarehwĩ baŋ a hom mo otum.