Otsotsa 14:10 - Ohwihwim Olehe

¹⁰ are he lo á wa ami anab ba Ahogbrẽ. Ami he lo angyiŋ a wo olom ba Ahogbrẽ. Aŋa á zhiŋ lo gbugbu, a ygi aridi ba olom baŋ! Moare pyeŋ la a kpo eka he lo, moa á kpo mo ewu ovolaovẽsla egi ayi ba moanwyeadga ba esesla, ta la Anwye Ekylu.

Otsotsa 14:10 Referans Kwoze

Otsotsa 16:19

Anyuŋ osku he lo a gʼba eŋa egʼba etra. Nga moa a kypi esku ba obiŋ hi lo pyeŋ. Ahogbrẽ a tne aga ba anyuŋ-osku ba Ababilo. Ahogbrẽ a daŋ a wa ami anab atku baŋ he lo. Ami anab he lo a wo olom baŋ la o vu olo nzenze angyiŋ.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

Otsotsa 18:6

O kpo ka la ŋa eka baŋ a mbo a kpo ka la ŋo. O bla ekplo baŋ a kpo ka la ŋo, o kpo ŋa ma engyi eha. O ta ewu baŋ ma engyi eha, eka baŋ a kpo ŋo ewu.

Otsotsa 21:8

Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Eyahuda 1:7

Agimi e tne aga eshri ba Osodom ta la Ogomora, ta la esku la e wo osusku ta la lo. Moarehwĩ ba ekro he lo moa a kpo eka ba moanwyeadga ba egbga a kpo. Moa a ta ekpa nga moa a kpo ayakplo la a wo shasha mbo. Okyku eka he, ewu mo angyiŋ e dzu ovo ba gbagbu-amo. Nga alo o kpo okyku o sa o nye moahwõ pyeŋ.

Otsotsa 18:3

okyku eshi aŋa a shri ami anab baŋ a shri a da moare pyeŋ, nga a da mo a kpo ayi ta la lo. Obile ogagre ba ogroayi ta la ayakplo ba eshre angyiŋ a wo ahi lo. Moanyuŋ-areŋ ba obiŋ hi, moa a kpo ayakplo ba eshre ka la ŋa. Okyku baŋ a gro ayi a gre eshri, moa la a ta ekyku obiŋ hi moa a gbu angyiŋ okyku ŋa.

Amatiyu 26:39

Eyesu a kye a gre fi nga, a dzu obiŋ, nga a ghwo eshri obiŋ nga, a fa olu a lu mi le, Adugu, o wo ba alo o kpo o gbu e mbi, o sko ewu he lo o sku me! O kpo ekplo ba ame e klo angyiŋ mbo, ambo o kpo ekplo boŋ o klo.

Amatiyu 20:22

Eyesu a tno mo ma a lu mi le, Agimi e yi ekplo bimi e vẽ okyku lo mbo. Ewu ba moa á ba a kpo me, agimi é kpo lo é gbu? Moa a tno ŋa ma a lu mi le, Agi é kpo lo é gbu.

Amarku 8:38

O wo ba arekyeŋ a kpo anzi okyku me ta la odlo me omba ba odlobi nzenze he lo le, Anwye Arehwĩ á kpo anzi okyku are he lo, onda baŋ á ba a ba la ayimom ba esesla ba Adaŋ, pa la moanwyeadga ba Ahogbrẽ.

Otum 10:22

Moa a tno ma a lu mi le, Andakʼpo Okoniliyu angyiŋ a hom gi otum. Aŋa a wo arehwĩ adzadzi angyiŋ. Aŋa a la a hlu Ahogbrẽ eshko, nga moaEyahuda a fa olbi a daŋ nzenze. Anwyeadga ba Ahogbrẽ a nyuŋ ŋa a lu mi ma aŋa a bzi ŋo okyku o doŋ o ba o yi odne baŋ, okyku o doŋ o lu ekplo la e wo ma o daŋ a gno.

2 MoaEtasolonika 1:7

Nga aŋa á shri odzudum á da gimi la e la e kpo ewu, nga á shri odzudum á da gi a mbo. Aŋa á kpo ohe lo omba ba Adigi-odne Eyesu a zgi Ongyeŋ a ba. Eyesu á ba la moanwyeadga baŋ la a wo la ekʼpo a gre eshri,

Otsotsa 15:7

Ambla he nga akyeŋ eshki ba ébyi enyi lo, a shri étku ba azurfa efoha a shri a da moanwyeadga afoha. Étku lo e bli slu la olom ba Ahogbrẽ. Ahogbrẽ á dzu ma gbagbu gbagbu-amo.

Otsotsa 19:15

Akõ la a ri hihihli nga a zgi anyu baŋ. La alo angyiŋ aŋa á ba a kpo a gre moarehwĩ ba obiŋ hi pyeŋ. Aŋa nga á ri ekʼpo eshri mo la ekʼpo la e gre pyeŋ. Nga aŋa á da ami anab ba olom la o vu olo ba Ahogbrẽ ba ekʼpo pyeŋ, o zgi ibu ba moa a hwile ami anab ma o ba.

Otsotsa 20:14

Ambla he nga, moa a shri eku ta la obiŋ ba moarehwĩ la a kpu, a shri a ygi enzheovo. Eku ba oha lo angyiŋ e wo enzheovo he lo.

Amarku 9:44

Enzheovo lo akpadzidzi la a wo ma á kpu mbo, ovo lo ó rum nga mbo.]