Otsotsa 14:1 - Ohwihwim Olehe

¹ Ambla he nga ame e zhiŋ e ka nga, ame e ka Anwye Ekylu a tspi Aku ba Ezayoŋ. Moarehwĩ ezbi endga la ekʼpoenyi la anyi a tspi ka la ŋa ma. Moa a ta eshko baŋ ta la eshko ba Adaŋ ondaŋ mo.

Otsotsa 14:1 Referans Kwoze

Otsotsa 3:12

Are la a hwiŋ okpogre, ame é daŋ a dzu emgbakha anyuŋ-akulu ba Ahogbrẽ me, nga aŋa á zgi á sku lo ku-ku nga mbo. Nga ame é ta eshko ba Ahogbrẽ me ta la eshko ba osku ba Ahogbrẽ me, ba moa a la a bzi lo ma Orushalima olehe. Alo ó zgi Ongyeŋ okro ba Ahogbrẽ me angyiŋ ó ba o ba. Ame é shri ashko he lo é bre egʼba baŋ. Nga ame é ta eshko elehe me é bre egʼba baŋ.

Oluka 12:8

Ame e lu e da gimi, areyaŋ a mbo la a zgi egŋe me egi ayi moare baŋ a wo a me angyiŋ le, Anwye Arehwĩ a mbo á kpo ekakahelo angyiŋ okyku ŋa egi ayi moanwyeadga ba Ahogbrẽ.

MoaOroma 9:33

ba odlo ba Ahogbrẽ o lu eshri lo o lu mi le, Agimi e ka, ame e shri ezhim ba moare á ba a sheŋ evgo ma angyiŋ é shri é zga osku ba Ezayoŋ. Moa á sheŋ evgo ezhim he lo. Nga moare la a bmi ba adlidzi ka la ŋa le, moa á gbu anzi mbo.

Otsotsa 14:14

Ambla he nga ame e zhiŋ e ka, ame e ka etabro ekyle. Ema la e ka eka ba arehwĩ e dzu etabro lo. Okpmyeshri ba azurfa o wo eshri baŋ, nga elenje la e wo hihihli e wo abgo baŋ.

Otsotsa 15:5

Ambla he nga ame e ka Anyuŋ-akulu la a wo Ongyeŋ a hwile, nga ame e ka abro ba Ahogbrẽ a dzu ma Anyuŋ-akulu lo.

Otsotsa 6:8

Ame e zhiŋ e ka nga, ame e ka enyma la e wo ehwĩ mlemle. Eshko ba are la a vre lo e ri Eku, nga are la a ri Ahades a la a lu ŋa ma osususku. Moa a shri ekʼpo eshri ogʼba okyeŋ eshki ba egʼba enyi ba obiŋ hi a shri a da mo, okyku o da mo a kpo otum ta la akõ, ta la aguembyle, ta la ololo, ta la ébyi ba akla la e wlu ayi, okyku o da mo a bga moare.

Otsotsa 4:1

Omba he lo nga, ame e sa e ka edgu okokakyeŋ nganga. Ame e ka ayizhẽ a hwile. Nga enzi la e zhle eka ba egbaru, e la e lu odlo pa la me ayga, e lu mi le, O vre o ba ongyeŋ ahe, nga ame e tsa ŋo ekplo la é ba e kpo ambla ba ohi lo o kpo.

Otsotsa 14:3

Moa a tspi a zhiŋ ayi a ka emgbakyiŋ oreŋ ta la ébyi enyi pa la moandakʼpo, moa a fu abmo alahe, arekyeŋ a mbo a nye lo a gbu mbo, o wo le moare ezbi endga, la ekʼpoenyi la anyi lo sha. Moa a sheŋ a shla moahi lo a sku obiŋ hi bgu.

Otsotsa 22:4

Nga moa á ka eyayi baŋ, nga moa á ta eshko baŋ á bre ondaŋ mo.