Otsotsa 13:14 - Ohwihwim Olehe

¹⁴ Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 13:14 Referans Kwoze

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 18:23

Moa á ka ayimom ba ovo osku he lo eshyẽ ku-ku nga mbo, nga enzi ba anwyeshe ta la enzi ba anwyealom la a kyu ashe, moa á gno lo osku he lo ku-ku nga mbo. Ayga moarehwĩ boŋ la a ta ekyku a wo oshye pyeŋ a gre obiŋ hi. Nga aŋo o bile moarehwĩ ba obiŋ hi pyeŋ la agum boŋ ba akpro!

Otsotsa 16:2

Anwyeadga ba ori a gre nga a zhiŋ olom la o wo atku baŋ a ygi obiŋ hi. Ambla he nga éro la e ngro eshri e zgi egʼba moare la a wo la egŋe ba ebyi la e wo ebi lo ma, pa la moare la a hlu ambgu ba ebyi lo eshko.

Otsotsa 15:2

Ambla he nga ame e sa e ka atam ami la a shka ayi leleleŋ, nga a kŋe a bga ta la ovo. Nga ame e ka moare la a kpo a gre ebyi la e wo ebi ta la ambgu ba ebyi he lo, nga moa a kpo a gre are ba moa a shri eshko baŋ a shri a di la alamba lo. Moahi lo a tspi akaŋ atam la a shka ayi leleleŋ lo. Moa a kom égbani ba Ahogbrẽ a shri a da mo abgo.

Otsotsa 14:11

Odzo ba ovo la ó ba o kpo mo ewu lo ó yi ongyeŋ gbagbu-amo. Olulum ta la okyukyu odzudum ó wo ma mbo okyku moa la a hlu ebyi lo ta la ambgu ba ebyi lo eshko, ta la areyaŋ a mbo la a yga egŋe ba eshko ba ebyi he lo.

Otsotsa 14:9

Anwyeadga ba otra a lu moanwyeadga aha he lo okũ nga a lu la enzi egagre a lu mi le, Areyaŋ a mbo la a hlu ebyi he lo ta la ambgu ba ebyi he lo eshko nga a sa a bre egŋe he lo ondaŋ baŋ, o mbo le obgo baŋ le,

Otsotsa 13:15

Moa a bmi okyku o da ebyi ba oha e hlu ayaŋ ba esõ e ygi ambgu ba ebyi ba ori lo, okyku o da ambgu he lo a kpo a gbu nga a kpla egba, nga okyku o da lo a bga moare la a tla okyku o hlu lo eshko.

2 MoaEtasolonika 2:4

Aŋa á tla ekployaŋ a mbo la e wo e ba Ahogbrẽ ta la ekployaŋ a mbo ba moa a la a hlu lo eshko. Aŋa á ka eŋa anyuanyuŋ a gre mo pyeŋ. Nga á yi á dzu Anyuŋ-akulu ba Ahogbrẽ nga á bzi eŋa Ahogbrẽ.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 13:1

Ambla he nga ame e ka ebyi la e wo ebi, e zgi anyuŋ-ondzu lo. E wo la agzo okʼpo ta la ashri afoha. Ekpmye-shri e wo agzoyaŋ a mbo. Moa a ta eshko ebi a bre ashri baŋ.

Otsotsa 16:13

Ambla he nga ame e ka egbga ba eshre etra. Moa a wo eka ba áwyle. Moa a zgi anyu ba anyuŋ emabi ta la anyu ba ebyi la e wo ebi, ta la anyu ba arehwĩ la a sheŋ akpro ma Ahogbrẽ a hom ŋa otum.