Otsotsa 13:13 - Ohwihwim Olehe

¹³ Ebyi la e wo ebi ba oha lo e kpo anyuŋ ayakplo ba egbregbre. Alo e da ovo o zgi ongyeŋ o ba obiŋ hi egi ayi moarehwĩ pyeŋ.

Otsotsa 13:13 Referans Kwoze

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

Otsotsa 16:14

Egbga ba eshre etra he lo e wo egbga ba ábili la a kpo ayakplo ba egbregbre. Egbga etra he lo e zgi e gre ekro moanyuŋ-areŋ obiŋ hi pyeŋ, okyku o pla mo o shki okyku eko ba moa á ba a ta anyuŋ olum onda ba Ahogbrẽ ba ekʼpo pyeŋ.

Otsotsa 20:9

Moa a ngla nzenze a bli obiŋ hi, nga moa a ta apu moarehwĩ ba Ahogbrẽ ta la osku ba Ahogbrẽ a klo lo, a kpaŋ. Ambo ovo o gile o zgi Ongyeŋ o ba o ri mo pyeŋ.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Otsotsa 11:5

O wo ba arekyeŋ a zga esõ ba o ta mo etsa le, ovo ó zgi anyu mo ó ba o jygi moafpu mo. Nga ekakahelo angyiŋ, areyaŋ a mbo la a zga esõ ba o ta mo etsa le, moa á bga ŋa.

2 Etimoti 3:8

Eka ba Ejane ta la Ejamba a tla odlo ba Omusa, ozhezhẽ he lo moa edgu moarehwĩ he lo a la a tla adlidzi. Esõ moahi lo e la e ka ayakplo e bmye mbo nga moa a dzu osheŋonye angyiŋ ozhẽ ba obmi ba adlidzi he lo.

Amatiyu 16:1

MoaEfarisi, pa la moaEsaduki, moa a ba okro Eyesu. Moa a klo o kpyi ŋa. Okyku eka he nga moa a zhĩ ŋa okyku o daŋ a kpo ekplo egbregbre la é tsa baŋ a wo arehwĩ ba Ahogbrẽ a hom ŋa otum.