Otsotsa 13:11 - Ohwihwim Olehe

¹¹ Ambla he nga ame e ka ebyi la e wo ebi ekyeŋ e sa e zgi obiŋ eshyẽ e ba. E wo la agzo aha ma. Agzo lo a wo eka ba agzo ba anwye ekylu, ambo e lu odlo eka ba emabi egagre lo.

Otsotsa 13:11 Referans Kwoze

Amatiyu 7:15

Agimi e nyuŋ e kpo-kpo pa la moarehwĩ la a la a sheŋ akpro, ma Ahogbrẽ angyiŋ a hom mo otum. Moa á ba okro bimi la akpa ba ekylu egi edzi, ambo moa a wo ebuakam angyiŋ egi eshyẽ.

Otsotsa 17:6

Ame e ka e bmye ba ashe he lo a wa amanzhli ba moarehwĩ ba Ahogbrẽ ta la amanzhli ba moarehwĩ ba moa a bga mo okyku ba moa a kpaŋ odlo ba Eyesu. Amanzhli he lo a kpo ŋa ayi. Omba ba ame e ka ŋa, ame e ka egbregbre e gre eshri.

Otsotsa 16:13

Ambla he nga ame e ka egbga ba eshre etra. Moa a wo eka ba áwyle. Moa a zgi anyu ba anyuŋ emabi ta la anyu ba ebyi la e wo ebi, ta la anyu ba arehwĩ la a sheŋ akpro ma Ahogbrẽ a hom ŋa otum.

Otsotsa 13:17

Arekyeŋ a kpo a gbu baŋ a gbmo emakyeŋ, o mbo le a shri emakyeŋ a shri a gbmo mbo, o wo le a wo la egŋe he lo ma ayga dne. Egŋe he lo e wo eshko ba ebyi la e wo ebi lo, o mbo le alamba la a wo okyku eshko ba ebyi he lo angyiŋ.

Otsotsa 11:7

Ambla ba moa a su odlo lo a khwo bgu le, ebyi la e zgi enzhe la e gyuŋ mgbyimgbyimgbyiŋ, e kpo ambgu pa la mo. Aŋa á kpo á gre mo nga á bga mo.

MoaOroma 16:18

Okyku eshi moa la a kpo eka he lo, moa a la a lu Ekristi Adigi-odne angyiŋ e ma mbo, ambo moa a lu eshri emo angyiŋ. Moa a la a lu arareŋ odlo nga moa a la a bile moarehwi la a wo la adlidzi ma.

Otsotsa 12:17

Ambla he nga esõ e tpi emabi egagre lo ayi ta la ashe lo e gre eshri. Okyku eka he nga, aŋa a gre okyku o ta eko pa la moaembre ba ashe he lo la a ra. Moahi lo angyiŋ a wo moa la a kpaŋ odaŋ ba Ahogbrẽ, nga a tspi kyekye ta la oshpa ba adlidzi ba Eyesu a shri a ba.

2 MoaEtasolonika 2:4

Aŋa á tla ekployaŋ a mbo la e wo e ba Ahogbrẽ ta la ekployaŋ a mbo ba moa a la a hlu lo eshko. Aŋa á ka eŋa anyuanyuŋ a gre mo pyeŋ. Nga á yi á dzu Anyuŋ-akulu ba Ahogbrẽ nga á bzi eŋa Ahogbrẽ.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.

Otsotsa 13:1

Ambla he nga ame e ka ebyi la e wo ebi, e zgi anyuŋ-ondzu lo. E wo la agzo okʼpo ta la ashri afoha. Ekpmye-shri e wo agzoyaŋ a mbo. Moa a ta eshko ebi a bre ashri baŋ.

Otsotsa 13:4

Moarehwĩ pyeŋ moa a hlu emabi egagre lo eshko okyku baŋ a shri ekʼpo baŋ pyeŋ a shri a da ebyi he lo. Moa a la a hlu ebyi he lo eshko a lu mi le, Ayi a wo eka ba ebyi he lo? Ayi a kpo ambgu ta la ebyi he lo a gbu?