Otsotsa 12:11 - Ohwihwim Olehe

¹¹ Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 12:11 Referans Kwoze

Eyohana 16:33

Ame e lu ohe lo e da gimi okyku o da gimi e hwiŋ opyapyaŋ ba eso okro me. O ka, obiŋ hi ó kpo gimi ewu, ambo agimi e ghwo eso! Ame e sheŋ e kpo e gre obiŋ hi bgu!

1 Eyohana 5:5

Ayi a kpo a gbu baŋ a kpo a gre obiŋ hi lo? O wo le are la a bmi ba adlidzi ba Eyesu a wo Anwye ba Ahogbrẽ sha a kpo a gbu baŋ a kpo a gre obiŋ hi.

1 MoaOkorinti 15:57

Ambo agi e vye la Ahogbrẽ baŋ a la a shri okpogre a da gi okro Adigi-odne Eyesu Ekristi!

Otsotsa 2:26

Nga, moare la á hwiŋ okpogre le, moarehwĩ la a kpo ayakplo ba ame e klo ma-me nga a ta ohuhuhi, ame é shri edgu ekʼpo ba Adugu a shri a da me angyiŋ é ba e shri é da mo. Ame é shri ekʼpo é da mo eshri ba émbre moare, okyku o da mo a ri ekʼpo eshri mo la opi ba amgbaŋ, nga moa á gom mo okyukyukyku eka ba eshyẽ ba ongyum. Nga ame é shri amdzi endigiŋ é shri é da mo.

MoaOroma 16:20

O wo bimi e la e tspi eka he angyiŋ le, Ahogbrẽ á ngli ayga á ba a sha Eshitaŋ adga bimi mbo. Okpoghwo ba Adigi-odne Eyesu o dzu ka la gimi.

Otum 20:24

Ambo ame e sko eso me e da lo e dzu ekplokyeŋ mbo. Okyku eshi ame e klo o bli otum ba Adigi Eyesu a shri a da me, ba ame e kpo. Otum ozgi egŋe Oshpaodzadzi ba okpoghwo ba Ahogbrẽ.

1 Eyohana 4:4

Ambo agimi anwye me, agimi e wo moarehwĩ ba Ahogbrẽ angyiŋ, nga agimi e sheŋ e kpo e gre moare la a sheŋ akpro ma Ahogbrẽ angyiŋ a hom mo otum bgu. Okyku eshi aŋa la a wo esõ bimi a wo ekʼpo a gre aŋa la a wo esõ moarehwĩ ba obiŋ hi.

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.

Otsotsa 3:12

Are la a hwiŋ okpogre, ame é daŋ a dzu emgbakha anyuŋ-akulu ba Ahogbrẽ me, nga aŋa á zgi á sku lo ku-ku nga mbo. Nga ame é ta eshko ba Ahogbrẽ me ta la eshko ba osku ba Ahogbrẽ me, ba moa a la a bzi lo ma Orushalima olehe. Alo ó zgi Ongyeŋ okro ba Ahogbrẽ me angyiŋ ó ba o ba. Ame é shri ashko he lo é bre egʼba baŋ. Nga ame é ta eshko elehe me é bre egʼba baŋ.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Oluka 14:26

Areyaŋ a mbo la a klo o lu me ma le, o dzu omgbybi baŋ a tla adaŋ, ta la anaŋ, ta la ashe baŋ, pa la moanwye baŋ, pa la moanáŋ, ta la eshri baŋ a mbo.

Otsotsa 11:7

Ambla ba moa a su odlo lo a khwo bgu le, ebyi la e zgi enzhe la e gyuŋ mgbyimgbyimgbyiŋ, e kpo ambgu pa la mo. Aŋa á kpo á gre mo nga á bga mo.

Otsotsa 1:2

Eyohana a lu oshpa ayakplo baŋ a ka pyeŋ. Oshpa baŋ he lo o wo eshri oshpa ba Ahogbrẽ a shri a ba ta la adlidzi ba Eyesu Ekristi a tsa.

Otum 21:13

Ambo a tno ma a zhĩ gi a lu mi le, Agimi e kpo eshi eka he? Agimi e wo okũ nga e kpla me eso e gbu okyku eshi? Ame e bmi okyku o da mo a bʼbu me endzi sha Orushalima mbo, ambo ame e bmi okyku o kpu okyku Adigi-odne Eyesu.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 6:9

Ambla he nga Anwye Ekylu a ngʼga onono ba ibu ba otno. Nga ame e ka esõ ba moare ba moa a sheŋ a bga mo okũ ba ambgu. Moa a bga moahi lo okyku ba moa a su odlo ba Ahogbrẽ, nga okyku ba moa a zgi egŋe baŋ la adlidzidzi.

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otsotsa 12:17

Ambla he nga esõ e tpi emabi egagre lo ayi ta la ashe lo e gre eshri. Okyku eka he nga, aŋa a gre okyku o ta eko pa la moaembre ba ashe he lo la a ra. Moahi lo angyiŋ a wo moa la a kpaŋ odaŋ ba Ahogbrẽ, nga a tspi kyekye ta la oshpa ba adlidzi ba Eyesu a shri a ba.