Otsotsa 12:10 - Ohwihwim Olehe

¹⁰ Ambla he nga ame e gno anyuŋ enzi e zgi Ongyeŋ e lu mi le, Ohuhuhi angyiŋ oshla ba Ahogbrẽ o ba! Nga ohuhuhi angyiŋ Ahogbrẽ la a wo Anyuŋ-areŋ a tsa ekʼpo baŋ! Ohuhuhi nga Emisiya baŋ a tsa moare ekʼpo baŋ! Okyku eshi are la a tspi egi ayi ba Ahogbrẽ olulum ta la okyukyku nga a klo odlo pa la moanigi, moa a se ŋa a sku Ongyeŋ bgu.

Otsotsa 12:10 Referans Kwoze

Oluka 22:31

Esima, Esima! O ngli atuŋ o gno! Eshitaŋ e yga ekʼpo okyku o mbga ŋo eka ba areagbi a la a sla eyi esekʼpa a la a sku asusku.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Otsotsa 2:26

Nga, moare la á hwiŋ okpogre le, moarehwĩ la a kpo ayakplo ba ame e klo ma-me nga a ta ohuhuhi, ame é shri edgu ekʼpo ba Adugu a shri a da me angyiŋ é ba e shri é da mo. Ame é shri ekʼpo é da mo eshri ba émbre moare, okyku o da mo a ri ekʼpo eshri mo la opi ba amgbaŋ, nga moa á gom mo okyukyukyku eka ba eshyẽ ba ongyum. Nga ame é shri amdzi endigiŋ é shri é da mo.

2 MoaOkorinti 12:9

A tno ma a lu mi le, Okpoghwo me o tse ŋo ma okyku eshi ekʼpo me e wo oshye e gre pyeŋ omba ba oshye boŋ o sheŋ o nye. Ame e wo la ovye ma e gre eshri okyku ba ame e nyom egʼba okyku osheŋonye me, okyku o da me e ka okpokpaŋ ba ekʼpo ba Ekristi eshri me.

Oluka 11:2

Eyesu a nye mo ma moa a fa olu a lu mi le, Aŋo Adigi, O da gi e sko eshko boŋ e zga la esesla. O da Oreŋ boŋ o ba.

Amatiyu 26:64

Eyesu a tno ŋa ma a lu mi le, Aŋo o lu shasha. Ambo ame e lu e da gimi, omba ó yi o ba ba agimi é ba e ka Anwye Arehwĩ á dzu obgori ba Ahogbrẽ la a wo ekʼpo pyeŋ, nga aŋa á gile etabro ba ongyeŋ á sa á ba!

Amatiyu 6:10

O da Oreŋ boŋ o ba. O da gi e kpo ayakplo boŋ o klo obiŋ hi, Eka ba moa a la a kpo la a wo Ongyeŋ.

Etitu 2:3

Nga o nyuŋ moakpoatsoŋ-ashe a mbo ekakahelo. O lu o da mo a kpo ayakplo eka moashe la a kpaŋ eshri mo adzadzi okyku Ahogbrẽ. Moa a kpo onjygu nga a dzu moawaghrẽ ba ami anab mbo. Ambo o raŋ o gre ba moa a nye ekplo la e wo edzi,

1 MoaOkorinti 5:4

Omba ba agimi e shki otsotse, aga me a mbo a wo ka la gimi otsotse, okro ekʼpo ba Adigi-odne Eyesu Ekristi la a wo ka la gi.

Otsotsa 7:10

Moa a lu angyangyeŋ la enzi egagre a lu mi le, Agi e hwiŋ oshla okro ba Anwye Ekylu ta la Ahogbrẽ bi la a dzu emgbakyiŋ ba oreŋ.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.