Otsotsa 11:15 - Ohwihwim Olehe

¹⁵ Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 11:15 Referans Kwoze

Otsotsa 12:10

Ambla he nga ame e gno anyuŋ enzi e zgi Ongyeŋ e lu mi le, Ohuhuhi angyiŋ oshla ba Ahogbrẽ o ba! Nga ohuhuhi angyiŋ Ahogbrẽ la a wo Anyuŋ-areŋ a tsa ekʼpo baŋ! Ohuhuhi nga Emisiya baŋ a tsa moare ekʼpo baŋ! Okyku eshi are la a tspi egi ayi ba Ahogbrẽ olulum ta la okyukyku nga a klo odlo pa la moanigi, moa a se ŋa a sku Ongyeŋ bgu.

Otsotsa 10:7

Ambo ambla ba anwyeadga ba ofoha a hlu egbaru baŋ, omba he lo angyiŋ, Ahogbrẽ á ba a kpo otum ta la ayakplo baŋ a shri a zga esõ baŋ, eka baŋ a lu a da moa-waghrẽ baŋ, la a wo moarehwĩ baŋ a hom mo otum.

Otsotsa 19:1

Ambla he nga ame e gno ekplokyeŋ la e kpo akyuŋ eka ba enzi egagre ba anyuŋ eshki moarehwĩ la a wo Ongyeŋ. Moa a lu mi le, E hlu Ahogbrẽ eshko! Oshla ta la esesla ta la ekʼpo moa a wo a ba Ahogbrẽ bi angyiŋ!

Oluka 1:33

Á dzu Anyuŋ-areŋ ogu ba Eyakubu gbagbu-amo. Oreŋ baŋ ó khwo ku-ku mbo.

Otsotsa 16:17

Ambla he nga anwyeadga ba ofoha a zhiŋ olom la o wo atku baŋ a ygi ahrẽ. Nga enzi egagre e zgi emgbakyiŋ ba oreŋ la e wo Anyuŋ-akulu e lu mi le, O khwo!

MoaIbrani 1:8

Ahogbrẽ a lu odlo eshri Anwye lo a lu mi le, Aŋo Ahogbrẽ, emgbakyiŋ oreŋ boŋ é dzu ma gbagbu-amo! Nga la adlidzi angyiŋ aŋo o la o ri ekʼpo oreŋ boŋ.

Otsotsa 19:6

Ambla he nga ame e gno enzi eka ba enzi ba eshki nzenze. E wo eka ba akyuŋ ba ami a dze awro ézhim la e wo egagre. E wo eka ba akyuŋ ba angyum-ogbu. Ame e gno ba moa a lu mi le, E hlu Ahogbrẽ eshko! Okyku eshi Adigi-odne la wo Ahogbrẽ bi ba ekʼpo pyeŋ angyiŋ a wo Anyuŋ-areŋ!

Otsotsa 15:4

Adigi-odne, ayi angyiŋ a kpo eyli boŋ mbo? Ayi á ba a tla okyku o daŋ a su ekʼpo boŋ? Okyku eshi aŋo sha angyiŋ o wo la esesla. Moarehwĩ ba obiŋ hi pyeŋ moa á ba Nga á hlu ŋo eshko egi ayi boŋ. Okyku eshi areyaŋ a mbo a ka otum ba odlodzi boŋ o kpo.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 9:13

Ambla he nga anwyeadga ba ofĩ a hlu egbaru baŋ. Ame nga e gno enzi, alo e zgi émvygi ba ambgu ba azurfa la a tspi egi ayi ba Ahogbrẽ.

Otsotsa 9:1

Ambla he nga anwyeadga ba otno a hlu egbaru baŋ. Ame e ka eyi enzo e gʼbu e zgi ongyeŋ e gbu obiŋ. Moa a shri emakuli ba enzhe la e gyuŋ mgbyimgbyimgbyiŋ a shri a daŋ.

Otsotsa 8:12

Ambla he nga anwyeadga ba onyi a hlu egbaru baŋ. Nga ogʼba okyeŋ eshki ba egʼba etra ba olulum ta la o ba ohwa, ta la o ba eyi enzo, moa a tra lo. Okyku eka he nga ogʼba okyeŋ eshki ba egʼba etra ba ayimom, alo o blu. Ogʼba okyeŋ egʼba etra ba omba ba olulum, ayimom o wo ma mbo, okyukyku a mbo o wo ekakahelo.

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Oluka 15:6

nga á ba odne. Á gbu odne ta la alo, á bzi moakyeŋazba, pa la moaekpazhi baŋ á lu mi le, Agimi e kpo ovye pa la me, okyku eshi ame e hwiŋ ekylu me la e blu!

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Otum 4:26

Moareŋ ba obiŋ hi a fu eshri, Nga moa la a ri oreŋ a hwim Eshri Adigi-odne, ta la Emisiya baŋ.