Otsotsa 11:11 - Ohwihwim Olehe

¹¹ Ambla ba elum etra la ogbu nga, Ahogbrẽ a da ayaŋ ba esõ a ba a gre esõ mo, nga moa a kso. Nga moare pyeŋ la a ka ekplo la e kpo moa a kpo eyli a gre eshri.

Otsotsa 11:11 Referans Kwoze

MoaOroma 8:11

O wo ba Ogbgaodzi ba Ahogbrẽ la o kso Eyesu eku o wo ma eso bimi le, aŋa la a kso Eyesu eku, á sa á kso gimi a mbo eku ibu ba ekʼpo ba Ogbgaodzi la o wo eso bimi.

MoaOroma 8:2

okyku eshi odaŋ ba Ogbgaodzi la o shri eso o da gi, nga o la o shri gi o kŋe o bga ta la Ekristi Eyesu, o zgi me o sku odaŋ ba odlobi ta la eku.

Otsotsa 11:9

Moarehwĩ ba obiŋyaŋ a mbo ta la ba embreyaŋ a mbo, ta la ba olomyaŋ a mbo, moa á tspi á ka ekom moa la a su odlo ba Ahogbrẽ ayi okyku elum etra la ogbu, nga moa á bmi á da mo á ngybi mo mbo ku-ku.

Otum 5:5

Ebitru a lu odlo eka he a khwo nga, Ahananiya a tsi a gbu obiŋ nga a kpu, nga moare la a gno oshpa lo mvye a kpo eyli.

Otum 5:11

Moare la a lu Ahogbrẽ ma mvye, pa la moa la a gno ekplo la e kpo, moa a kpo eyli nzenze.

Otsotsa 11:13

Omba he lo nga, obiŋ o zhga ara nzenze. Nga moa a jygi ogʼba okyeŋ eshki ba egʼba okʼpo ba osku he lo. Omba ba obiŋ o zhga ara, moarehwĩ ezbi efoha a kpu. Eyli e kpo moare la a ra, okyku eka he nga moa a hlu Ahogbrẽ la a wo Ongyeŋ eshko okyku ekʼpo baŋ.