MoAfisu 6:24 - Ohwihwim Olehe

²⁴ Okpoghwo ba Ahogbrẽ o dzu pa la moare pyeŋ la a klo Adigi-odne Eyesu Ekristi la oklo la o khwo nga mbo.

MoAfisu 6:24 Referans Kwoze

Amatiyu 22:37

Eyesu a tno ŋa ma a lu mi le, O dzu omgbybi boŋ o klo Adigi-odne Ahogbrẽ boŋ la esõ boŋ pyeŋ, la oshye boŋ pyeŋ, la aga boŋ pyeŋ.

2 MoaOkorinti 8:12

O wo bimi e wo la ozgayi okyku o kpo o ghwo le, Ahogbrẽ á yga okpoghwo bimi la aga ekplo bimi e wo la alo ma. Aŋa á ka ayi ozhẽ okyku ekplo bimi e gbaŋ lo mbo.

Etitu 3:15

Moare la a wo pa la me pyeŋ moa a shko ŋo. Aŋo o shko moakyegiazba la a wo la obmi ba adlidzi ma okyku gi. Okpoghwo ba Ahogbrẽ o dzu ka la gimi pyeŋ.

Etitu 2:7

Aŋo eshrishri eŋo nga, o raŋ o gre boŋ angyiŋ o dzu egŋe okyku o da moahwõ a nye ayakplodzi okro boŋ. Aŋo nga o kpo adlidzi nga o zga ayi onyenye boŋ lo.

2 Etimoti 4:22

Adigi-odne a dzu ka la ŋo, nga okpoghwo ba Ahogbrẽ o dzu ka la gimi pyeŋ.

2 MoaOkorinti 13:14

Okpoghwo ba Adigi-odne Eyesu Ekristi ta la oklo ba Ahogbrẽ, ta la ekpom ba Ogbgaodzi o dzu ka la gimi pyeŋ.

2 MoaOkorinti 8:8

Ame e ka e jygu odaŋokyeŋ angyiŋ mbo, ambo ame e lu e da gimi eka ba moakyeŋ a kpo a ghwo la moahwõ la eso ekyekyeŋ, okyku o da me e ka adlidzi ba edgu oklo bimi angyiŋ.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

MoaIbrani 13:25

Okpoghwo ba Ahogbrẽ o dzu ka la gimi pyeŋ.

MoaOkolosi 4:18

Ame e ta engla he lo ababgo me angyiŋ. Oshko he lo o zgi abgo ba Oblus. Agimi e gre esõ aslika me e ghre mbo! Okpoghwo ba Ahogbrẽ o dzu ka la gimi.

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

MoAfisu 6:23

Ahogbrẽ Adigi, ta la Adigi-odne Eyesu Ekristi, moa a shri opyapyaŋ ta la oklo ta la obmi ba adlidzi a shri a da moanáŋ pyeŋ.

MoaEfilibi 1:1

Akpa he lo a zgi abgo Oblus ta la Etimoti, moawaghrẽ ba Ekristi Eyesu. Alo a wo okyku moarehwĩ la a lu Ahogbrẽ ma pyeŋ la a dzu osku ba Efilibi, moa la a bmi ba adlidzi ta la Ekristi Eyesu, pa la moandakʼpo ba Eklisiya, pa la moa la a kpo a ghwo la mo.