MoAfisu 6:21 - Ohwihwim Olehe

²¹ Etikiku la a wo anigi ba adlidzi, aŋa nga a wo awaghrẽ ba adlidzi ibu otum ba Adigi-odne. Aŋa á shri oshpa ekployaŋ a mbo eshri me á shri á da gimi okyku o da gimi e yi eka ba ame e wo otum he lo e la e kpo.

MoAfisu 6:21 Referans Kwoze

Otum 20:4

Esopate, anwye Ebiru, aŋa a zgi Eberiya. Aristaku, ta la Esakundu, moa a zgi Etasolonika, moa a gre ka la ŋa. Egayu a zgi Edabe, Etimoti, ta la Etikiku, ta la Otrofimu moa a zgi obiŋ ba Asiya. Moahi lo a mbo a gre ta la Oblus.

2 Etimoti 4:12

Ame e hom Etikiku otum e daŋ a gre Afisu.

Etitu 3:12

Omba ba ame e hom Atema o mbo le Etikiku otum okro boŋ le, o zga gble o ba o ka me osku ba Enikapoli. Ame e zga esõ ba o dzu ahe lo omba ba afpe.

2 Ebitru 3:15

Agimi e ka oheheŋ ba Adigi-odne a shri a da gimi okyku o da gimi e hwiŋ ozhẽ ba o hwiŋ oshla, eka ba anigi la a ri Oblus a sheŋ a ta gimi akpa la okaobmye ba Ahogbrẽ a shri a daŋ.

1 Ebitru 5:12

Esilvanu angyiŋ a kpo a ghwo la me, a da me e ta etaŋ akpa he lo. Ame e sko ŋa e zga eka anáŋ la a wo la adlidzi. Ame e klo e shĩ gimi nga e zgi egŋe eka ba odlo he lo o wo okpoghwo ba adlidzi ba Ahogbrẽ angyiŋ. Agimi e tspi osheshye ta la alo.

Efilimo 1:16

Okyku eshi, ohuhuhi aŋa a wo awaghrẽ sha angyiŋ mbo, ambo aŋa a gre awaghrẽ. A wo anigi angyiŋ okŋeobga ba Ekristi. Ame e ka ŋa la owlama nzenze! Aŋa á wo la owlama ka la ŋo á gre me a mbo nganga. A wo awaghrẽ nga a sa a wo anigi okŋeobga ba Adigi-odne!

1 Etimoti 4:6

O wo boŋ o la o nye moanáŋ eka he angyiŋ le, aŋo ó dzu anwyeotum ba adlidzi ba Ekristi Eyesu, omba boŋ o la o vgi esõ boŋ la edlo ba obmi ba adlidzi ta la onyenye ba adlidzi boŋ o lu lo ma.

MoaOkolosi 1:7

Agimi e gno lo abgo ba Ebafara, aŋa angyiŋ a wo anwye-odne bi ba agi e klo ŋa. Aŋa nga a wo are la a kpo otum la adlidzi okyku Ekristi okyku gimi angyiŋ.

1 MoaOkorinti 4:17

Okyku eka he lo angyiŋ, ame e hom Etimoti otum okro bimi. Aŋa a wo anwye me eshko ba Adigi-odne ba ame e klo ŋa nga la a wo adlidzi. Á dzũ gimi eka ozhẽ ba ame e la e sõ ibu ba eso elehe la e wo okro ba Ekristi Eyesu, nga ba ame e la e nye Eshki ba Ekristi okroyaŋ a mbo.

MoaEfilibi 1:12

Agimi anáŋ, ame e klo ba agimi e yi ba ayakplo la a kpo pa la me a kpo a ghwo la ovrevre Oshpaodzadzi.