MoAfisu 6:19 - Ohwihwim Olehe

¹⁹ Nga e fa olu a mbo okyku me okyku o da Ahogbrẽ a tsa me, okyku omba ba ame e nyum oshpa baŋ la osheshye nga okyku o da moare a yi eshyẽ ba Oshpaodzadzi baŋ omba ba ame e klo o lu odlo.

MoAfisu 6:19 Referans Kwoze

MoaOkolosi 4:3

Nga e fa olu okyku gi a mbo, okyku o da Ahogbrẽ a hwile gi ozhẽ la o wo odzi, okyku o da gi e nyum oshpa ba odlo baŋ, nga e lu eshyẽ ba Ekristi. Okyku ohe lo angyiŋ ame e lom aku ohuhuhi.

Otum 4:29

Adigi-odne o wo boŋ o bmi le, o gno eka ba moa a klo o ta gi eyli, nga o da gi moanwye boŋ e nyum oshpa boŋ la oshye eso.

2 MoaEtasolonika 3:1

Ekplo ba amom-abgo, ame e vẽ gimi anáŋ, agimi e fa olu okyku gi, okyku o da oshpa ba Adigi-odne o ngla o tsu o yi oshoshoŋ, nga okyku o da moare a ka lo la olbi, eka ba moa a kpo ta la lo agʼbaha bimi.

1 MoaEtasolonika 5:25

Agimi anáŋ e fa olu okyku gi a mbo.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

Otum 4:31

Ambla moa a fa olu a khwo nga, okro moa a shki ma lo o suŋ. Ahogbrẽ a bli mo la Ogbgaodzi nga moa a nyum oshpa Ahogbrẽ la oshye-esõ.

1 MoaEtasolonika 2:2

Agimi e yi eka ba moa a kpo gi ewu, nga moa a dzĩ gi osku ba Efilibi omba ba agi e ba okro bimi osku ba Etasolonika a wo mbo. Ambo Ahogbrẽ a shri oshye-esõ a shri a da gi okyku o da gi e lu Oshpaodzadzi la o zgi okro ba Ahogbrẽ e ygi gimi. Oklaodlo o wo ma egyagi a mbo agi e lu.

2 MoaOkorinti 8:7

Agimi e wo la angyiŋ e gre eshri okyku ekployaŋ a mbo ba agimi e wo la alo ma ozhẽ ba obmi ba adlidzi, ta la odlo ba anyu,, ta la oyioyi, ta la ozgayi ba okpoghwo, ta la oklo bimi okyku gi. Okyku eka he agi e klo bimi e dzu la okpoghwo angyiŋ ibu edgu otum ba oklo he lo.

MoAfisu 1:9

Ahogbrẽ a kpo ekplo baŋ a sheŋ a shri a zga esõ baŋ angyiŋ. A hwile gi ekplo baŋ a hwim a ghre ma baŋ á ba a bli lo ozhẽ ba Ekristi.

1 MoaOkorinti 4:1

O raŋ o gre ba agimi e sko gi e zga eka moawaghrẽ ba Ekristi angyiŋ. Moa a shri eshyẽ ba adlidzi ba Ahogbrẽ a ghwo gi angyiŋ abgo.

Otum 28:31

A nyum oshpa ba Oreŋ Ahogbrẽ nga a nye moare eshri Adigi-odne Eyesu Ekristi. A lu odlo osheshye ta la esõ-egbubiŋ.

Otum 19:8

Oblus a gre anwyeakulu moaEyahuda. Aŋa a la a nyum oshpa osheshye a da moare, nga a la a kla odlo pa la mo. A zga gble okyku o da mo a ka Oreŋ ba Ahogbrẽ a bmye. A kpo eha etra ahe lo.

Otum 13:46

Ambo ekakahelo, Oblus ta la Abarnaba, moa a nyum oshpa osheshye a lu mi le, O dzu omgbybi moa a nyum oshpa ba Ahogbrẽ a ygi gimi ori. Agimi e gno lo nga e tla lo. Agimi e ka owlama eso ba gbagbu-amo mbo, okyku eka he agi é dzu gimi é zga nga é yi okro moa la a wo moaEyahuda mbo.

Efilimo 1:22

Ambla he nga aŋo o klo aku o zga ma okyku me, okyku eshi ame e ka ayi ozhẽ ba Ahogbrẽ á ba a gno olu bimi nga baŋ á ba a hwile ozhẽ okyku o da me e bmre e ba okro bimi.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

2 MoaOkorinti 3:12

Okyku okayiozhẽ ba agi e wo la alo ma he lo, o da gi e shye eso e gre eshri.

1 MoaOkorinti 1:5

Okyku eshi okro ba okŋeobga ba Ekristi he lo angyiŋ, agimi e gbu angyiŋ ekployaŋ a mbo ta la odlo bimi e la e lu, ta la oyioyi bimi.

Otum 14:3

Moa la a nyum oshpa moa a dzu ahe lo omba nzenze. Moa nyum oshpa ba Adigi-odne osheshye. Moa a lu mi ma oshpa mo eshri okpoghwo ba Ahogbrẽ o wo adlidzi angyiŋ okyku eshi aŋa a shri ekʼpo a da mo a la a kpo ayakplo ba egbregbre.

Otum 9:27

Abarnaba a ba a kpo a ghwo a ŋa nga a shri ŋa a gre okro moa la a nyum oshpa, nga a lu a da mo eka ba Eshawlu a ka Adigi-odne ozhẽ, nga ba Adigi-odne a lu odlo ka la ŋa. Nga a lu a da mo eka ba Eshawlu a nyum oshpa ba Eyesu osku ba Adamasku la eso ekyekyeŋ.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

2 MoaOkorinti 7:4

Ame e bmi ka la gimi e gre eshri, okyku eka he ame e gno oraŋ ka la gimi. Eka ba ame e kpo ewu nzenze a mbo, ame e wo la okayiozhẽ, nga ame e bli la ovye e gre eshri.

2 MoaOkorinti 1:11

okyku eshi agimi e la e kpo e ghwo la gi okro olu bimi. Okyku eka he nga olu nzenze bimi e la e fa okyku gi, moa á yga lo. Ahogbrẽ nga á shri owlama á shri á da gi, nga moare nzenze moa á si enzi mo ongyeŋ nga á vye la ŋa okyku gi.

1 MoaOkorinti 2:7

Okaobmye ba ame e kpo otum ta la lo hi, o wo eshyẽ ba okaobmye ba Ahogbrẽ angyiŋ. Moa a ghre moarehwi la edgu okaobmye he lo. Ahogbrẽ a sheŋ a sla lo okyku o da gi e hwiŋ ekekʼpo. Aŋa a kpo ohe lo ayga moa a kpo obiŋ hi.

MoaOroma 15:30

Ame e shĩ gimi anáŋ, eshko Adigi Eyesu Ekristi, ta la oklo ba Ogbgaodzi o shri o ba, agimi e fa olu ngre-ngre pa la me, okyku me.

Otum 18:26

A lu odlo osheshye anwyeakulu moaEyahuda. Omba moa Ebriskila ta la Akila a gno odlo baŋ nga, moa a shri ŋa a gre odne nga moa a sla odlo Ahogbrẽ adzadzi a daŋ a ka.

Otum 4:13

Moandakʼpo la a sõ ombgu a ka egbregbre a gre eshri ba Ebitru ta la Eyohana moa a lu odlo la eyli mbo. Moa a sa a ka egbregbre moa a lu mi ma moahi lo a wo moa la a yi engla angyiŋ mbo. Moa a ka a bmye ba moahi lo a wo moakyeŋazba ba Eyesu.

Otum 2:4

Moa mvye a bli la Ogbgaodzi, nga moa a lu elom andandandim. Ogbgaodzi lo angyiŋ o shri ekʼpo he lo o da mo.

Otum 9:29

Eshawlu a nyum oshpa nga a kla odlo pa la moaEyahuda la a lu olom Egrise. Moa a klo o bga ŋa.

MoaOroma 16:25

E da gi e hlu Ahogbrẽ eshko! Okyku eshi aŋa a kpo a gbu baŋ a da gimi e tspi la osheshye obmi ba adlidzi bimi. O wo eka he angyiŋ Oshpaodzadzi ba ame e nyum he lo. O wo eshri ba Eyesu Ekristi. O wo eka ba eshyẽ ba adlidzi he lo ba moa a ta lo edzi. Alo o mbi o ghre ba ogbyigbyi.

2 MoaOkorinti 6:11

Agimi akyemeazba la e wo osku ba Okorinti! Agi e sheŋ e lu adlidzi ba ekployaŋ a mbo e da gimi. Agi nga e sheŋ e hwile eso bi pyeŋ angyiŋ a mo.

MoAfisu 3:9

Nga alo o wo okyku o da moare pyeŋ a ka eka ba moa á ba a kpo otum ta la ohwihwim ba Ahogbrẽ a hwim a ghre ma. Ahogbrẽ la a kpo ayakplo pyeŋ, a ghre eshyẽ he lo omba la o sheŋ o gre he lo pyeŋ,