MoAfisu 6:18 - Ohwihwim Olehe

¹⁸ Agimi e kpo ohe lo pyeŋ ibu ba olu, nga e vẽ okyku okpoghwo ba Ahogbrẽ. E fa olu ombamba pyeŋ eka ba Ogbgaodzi o tsa gimi. Okyku eka he, e dzu e kʼpu, nga e da esõ e zgi e sku lo mbo, nga e fa olu okyku moarehwĩ ba Ahogbrẽ pyeŋ.

MoAfisu 6:18 Referans Kwoze

1 MoaEtasolonika 5:17

Nga e fa olu ombamba pyeŋ.

MoaOkolosi 4:2

Agimi e fa olu ombamba pyeŋ. Nga e dzu ayi omba ba agimi e fa olu, nga e vye la Ahogbrẽ.

MoaEfilibi 4:6

Agimi e da esõ e ngʼba gimi okyku akplokyeŋ mbo, ambo e vẽ Ahogbrẽ okyku ekployaŋ a mbo ba agimi e klo. Ombayaŋ a mbo e vẽ ŋa la esõ ba ovye.

1 Etimoti 2:1

Ekplo ba oriori, ame e shĩ gimi ba moa a vẽ ekployaŋ a mbo okyku moare pyeŋ, nga a fa olu a zhĩ nga a vye Ahogbrẽ,

Eyahuda 1:20

Ambo agimi akyemeazba, agimi e zga gble nga e mbdzi egimi obmi ba adlidzi bimi ba esesla la o gre pyeŋ. Agimi e fa olu la ekʼpo ba Ogbgaodzi.

Amarku 14:38

Eyesu a nyuŋ mo a lu mi le, E kʼpu nga e fa olu okyku o da gimi e tsu e gbu obile mbo. Ame e yi ba agimi e bmi pa la me esõ bimi, ambo egʼba e shki gimi ami.

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

Amatiyu 26:41

Agimi e kʼpu nga e fa olu, okyku o da gimi e tsu e gbu ombambga mbo. Ame e ka, agimi e bmi la esõ bimi, ambo, agimi e da egʼba e shki gimi ami.

MoAfisu 1:16

ame e tspi o vye la Ahogbrẽ okyku gimi mbo. Ame e la e tne aga bimi olu me.

MoaOroma 12:12

Agimi e la e ka ayi ozhẽ la ovyevye, nga e ghwo eso omba bimi e kpo ewu, nga e fa olu ombamba mvye.

Amarku 13:33

E dzu e kʼpu okyku eshi agimi e yi omba lo mbo.

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

Otum 1:14

Moa a pla emo a shki otsotse okyku o da mo a fa olu ombamba mvye. Moashekyeŋ ta la anaŋ Eyesu, ta la moanáŋ Eyesu a mbo a wo ma otsotse pa la mo.

Oluka 22:46

Eyesu a nyuŋ mo a lu mi le, Agimi e ndze enu okyku eshi? Agimi e kso e fa olu okyku o da gimi e tsu e gbu obile mbo.

MoaIbrani 5:7

Odzudzu baŋ obiŋ hi, Eyesu a la a wu okũ a fa olu nga a la a vẽ la amanyi ayi egi ayi ba Ahogbrẽ la a kpo a gbu baŋ a shla ŋa abgo ba eku. Okyku baŋ a pre esõ obiŋ nga okyku baŋ a shri eshri baŋ a shri a di ekpyemgbyeŋ, Ahogbrẽ nga a gno ŋa.

2 Etimoti 1:3

Ame e vye la Ahogbrẽ ba ame e la e kpo otum baŋ la esõ ekyle eka moadigi a mbo a kpo. Ame e vye la Ahogbrẽ ombamba pyeŋ la okyukyku ta la olulum omba ba ame e fa olu e tne aga boŋ.

MoaEfilibi 1:4

Nga ombayaŋ a mbo ba ame e fa olu okyku gimi, ame e fa lo la ovyevye,

MoAfisu 6:19

Nga e fa olu a mbo okyku me okyku o da Ahogbrẽ a tsa me, okyku omba ba ame e nyum oshpa baŋ la osheshye nga okyku o da moare a yi eshyẽ ba Oshpaodzadzi baŋ omba ba ame e klo o lu odlo.

Otum 12:5

Okyku eka he moa a dzu Ebitru a zga aku, ambo Eklisiya moa a la a fa olu a vẽ Ahogbrẽ osheshye okyku ŋa.

Efilimo 1:5

Okyku eshi ame e gno eka boŋ o klo moarehwĩ pyeŋ la a lu Ahogbrẽ ma, nga ame e gno eka boŋ o bmi ba adlidzi ta la Adigi-odne Eyesu.

Otum 10:2

Aŋa a wo are la a kpo eyli Ahogbrẽ. Aŋa pa la moa-odne baŋ mvye, moa a la a hlu Ahogbrẽ eshko. Aŋa a la a zga gble nzenze okyku o kpo o ghwo moaEyahuda la a kpo ekŋe, nga a fa olu ombamba mvye.

Otum 6:4

Agi e klo eka he okyku o da gi e hwiŋ anvaŋ okyku e fa olu nga e nyum oshpa.

MoAfisu 3:18

Nga agimi pa la moarehwĩ ba Ahogbrẽ pyeŋ, Ahogbrẽ a shri ekʼpo a da gimi okyku o da gimi e hwiŋ ekʼpo ba o ka o bmye ba oklo ba Ekristi o wo anyuŋ oklo la o gre eshri.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

MoaOroma 8:15

Okyku Ogbgaodzi ba Ahogbrẽ a shri a da gimi, o la o da gimi e dzu moawaghrẽ angyiŋ nga o la o shri eyli o ghwo gimi egʼba mbo. Ambo Ogbgaodzi o la o zhiŋ gimi o da gimi e dzu moanwye ba Ahogbrẽ. Nga okyku ekʼpo ba Ogbgaodzi lo angyiŋ, agi e la e fa olu okro ba Ahogbrẽ e la e bzi ŋa Adigi! Adigi!

MoAfisu 2:22

Okro ba okŋeobga ka la ŋa, moa a mbdzi gimi a mbo pa la moahwõ pyeŋ, a da gimi e dzu odne ba Ahogbrẽ a dzu ma ozhẽ ba Ogbgaodzi baŋ.

Oluka 3:37

Elamek a wo anwye ba Ematusela. Ematusela a wo anwye Enok. Enok nga a wo anwye ba Ejared. Ejared a wo anwye Amahalali. Amahalali a wo anwye ba Ekayina.

MoaOkolosi 1:4

Agi nga e gno oshpa eshri obmi ba adlidzi bimi okro ba Ekristi Eyesu, ta la oklo bimi okyku moarehwĩ ba Ahogbrẽ pyeŋ.

MoaEgalasiya 4:6

Okyku o tsa ba agi e wo moanwye baŋ, Ahogbrẽ a da Ogbgaodzi ba Anwye baŋ o ba o gre gi eso bi. Ogbgaodzi o la o lu angyangyeŋ o lu mi le, Ada, Adugu.

Oluka 3:26

Enagayi a wo anwye ba Amat. Amat nga a wo anwye Amatatiya. Amatatiya a wo anwye Esimin. Esimin nga a wo anwye Ojosek. Ojosek a wo anwye ba Ojoda.

MoaOkolosi 1:3

Ombamba pyeŋ agi e vye la Ahogbrẽ la a wo Adaŋ Adigi-odne Eyesu Ekristi omba ba agi e fa olu okyku gimi.

Amatiyu 17:21

Olu, ta la onyomshrialgo sha o kpo o gbu ba alo o kpo o ghwo o da mo a se ogbgabi. Ozhẽ-okyeŋ o wo ma nga mbo.]