MoAfisu 6:13 - Ohwihwim Olehe

¹³ Okyku eka he, agimi e tslo anzho eko ba Ahogbrẽ ohuhuhi! Okyku o da gimi e kpo e gbu nga e tspi gaŋ ta la afpu gimi lo omba ba ewu e kso. Ambla ba agimi e ta eko e khwo le, agimi é zhiŋ é tspi gaŋ.

MoAfisu 6:13 Referans Kwoze

2 MoaOkorinti 10:4

Anzho eko ba agi e la e ta eko la alo eko bi he lo, a wo anzho eko ba obiŋ hi angyiŋ mbo, ambo alo a wo anzho eko ba ekʼpo ba Ahogbrẽ angyiŋ, nga la ahe lo angyiŋ moa á ba a kypi ekroyaŋ a mbo la e wo oshye. Agi é bga oklaodlo ba akpro,

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

MoAfisu 5:16

E nyuŋ e kpo ta la ozhẽyaŋ a mbo ba agimi e hwiŋ, okyku eshi omba he o wo omba ba ewu angyiŋ.

Oluka 8:13

Eyi la e gro e gbu awro ezhim ba obiŋ o wo ma nzenze mbo, e dzu eka moare la a gno odlo Ahogbrẽ nga a yga lo la ovyevye. Ambo moa a yga lo la osheshye eso mo mbo. Okyku eka he nga moa a bmi ba adlidzi okyku omba ple sha. Omba ba obile o ba nga, moare he lo a tsi a gbu.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

MoAfisu 5:6

Agimi e da arekyeŋ a bile gimi la odlo adro mbo. Okyku edgu ayakplo he lo angyiŋ Ahogbrẽ á ba a kpo moare la a kpaŋ odlo baŋ mbo ewu.

Otsotsa 6:17

Okyku eshi anyuŋ olum onda ba ombgu he lo o ba bgu, nga ayi a kpo a gbu baŋ a nyom olum he lo a gbu?

MoaOroma 13:12

Okyukyku o kpo okhwokhwo a mo, ayi nga a kpo okrokre a mo. O raŋ o gre bi e kyu ayakplobi ba evbu bi e la e kpo abgo. O raŋ o gre bi e tslo anzho eko nga e ta eko ayimom.

Eyakubu 4:7

Okyku eka he, agimi e shri eshri bimi e shri e da Ahogbrẽ. E tla Eshitaŋ la osheshye, nga á knye á sku gimi.

1 Ebitru 4:1

Eka ba Ekristi a kpo ewu egʼba baŋ, alo o dzu omgbybi ba agimi a mbo e dzu la oshye-esõ nga e kpo ewu okyku okũ he lo. Okyku eshi areyaŋ a mbo la a kpo ewu egʼba le, aŋa á wo ewu ba odlobi nga mbo.