MoAfisu 6:11 - Ohwihwim Olehe

¹¹ Agimi e ygi anzho eko pyeŋ ba Ahogbrẽ a shri a da gimi, okyku o da gimi e kpo e gbu nga e tspi osheshye nga e tla edgu eda ebi ba obile ba Eshitaŋ.

MoAfisu 6:11 Referans Kwoze

2 MoaOkorinti 10:4

Anzho eko ba agi e la e ta eko la alo eko bi he lo, a wo anzho eko ba obiŋ hi angyiŋ mbo, ambo alo a wo anzho eko ba ekʼpo ba Ahogbrẽ angyiŋ, nga la ahe lo angyiŋ moa á ba a kypi ekroyaŋ a mbo la e wo oshye. Agi é bga oklaodlo ba akpro,

MoaOroma 13:12

Okyukyku o kpo okhwokhwo a mo, ayi nga a kpo okrokre a mo. O raŋ o gre bi e kyu ayakplobi ba evbu bi e la e kpo abgo. O raŋ o gre bi e tslo anzho eko nga e ta eko ayimom.

1 MoaEtasolonika 5:8

Ambo agi e wo moarehwĩ ba olulum angyiŋ, okyku eka he o raŋ o gre ba agi e nyuŋ eshri bi e zga. O raŋ o gre ba agi e tspi obmi ba adlidzi ta la oklo angyiŋ eka ba ombyli ba egi ayi. Nga agi e sko oshla ba agi e la e ka ayi ozhẽ okyku lo e zga eka ba etka ba ahwre.

MoAfisu 6:13

Okyku eka he, agimi e tslo anzho eko ba Ahogbrẽ ohuhuhi! Okyku o da gimi e kpo e gbu nga e tspi gaŋ ta la afpu gimi lo omba ba ewu e kso. Ambla ba agimi e ta eko e khwo le, agimi é zhiŋ é tspi gaŋ.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

2 MoaOkorinti 2:11

okyku o da Eshitaŋ e kpo e gre gi mbo, okyku eshi agi e yi edgu eda baŋ a la a kpo ka la gi.

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

MoaOkolosi 3:10

nga agimi e sko are ahe angyiŋ e ygi egʼba bimi a mo. Ahogbrẽ la a kpo are alahe he lo angyiŋ, a la a nyiŋ ŋa ombamba pyeŋ odzudzu ba Ahogbrẽ, okyku o da gimi e yi ŋa zhezheŋ.

MoaOroma 13:14

Agimi e tslo anzho eko ba Adigi Eyesu Ekristi, nga e da ogroayi ba egʼba o ri oshye bimi mbo.

2 MoaOkorinti 11:3

Ame e wo la eyli okyku ba aga eso bimi á zhiŋ á dzu la eshre, nga ba agimi é kyu oklo la o bli abgo. O wo o ba adlidzi angyiŋ okyku Ekristi. Ekakahelo a mi emabi e bile Ahawawu la eda ba akpro.

2 MoaOkorinti 6:7

ta la oshpa bi ba adlidzi, ta la ekʼpo ba Ahogbrẽ. Odlodzi angyiŋ o wo ema ba o ta eko bi. O wo okyku o da gi e ta eko nga e ra e kpaŋ eshri bi.

Otsotsa 2:24

Ambo agimi ahwõ la e ra Etatira agimi e bmi ta la edgu onyenye ba eshre he lo mbo. Agimi e nye ayakplo ba moahwõ a la a bzi lo ma onyenye la o wo ogyugyuŋ ba Eshitaŋ ko mbo. Okyku eka he ame e da ewukyeŋ e hwiŋ gimi mbo.

MoAfisu 4:24

Agimi e sko odzudzu moarehwĩ ahe ba Ahogbrẽ a kpo mo eka baŋ, nga odzudzu ohe he lo o la o tsa eŋa pendeŋ eka ba odzudzu ba odlodzi la o wo kye nga o wo la esesla o wo.

MoaIbrani 7:25

Okyku eka he, aŋa a kpo a gbu ohuhuhi ta la ombayaŋ a mbo baŋ a shla moare la a ba okro ba Ahogbrẽ ozhẽ baŋ. Okyku eshi a wo ma gbagbu-amo okyku o daŋ a la a vẽ Ahogbrẽ okyku mo.

Eyahuda 1:24

Okyku ŋa la a kpo a gbu baŋ a kpaŋ gimi a sku ibu ba otsugbu, aŋa a kpo a gbu baŋ a da gimi e dzu shasha la ovyevye egi ayi ba esesla baŋ,

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

1 MoaOkorinti 10:13

Edgu ombambga la o hwiŋ moahwõ angyiŋ o la o hwiŋ gimi. Okyku eshi Ahogbrẽ a la a bli ohwihwim baŋ. Okyku eka he, á da ombambga la o gre gimi eshri o hwiŋ gimi mbo. Nga ombayaŋ a mbo ba moa a mbga gimi a ka, Ahogbrẽ nga á shri oshye á da gimi, okyku o da gimi e tspi gaŋ. Nga á shri ozhẽ ba ozizgi á shri á da gimi.

Amarku 13:22

Emisiya ba akpro é zgi nzenze, pa la moarehwi la á ba a sheŋ akpro ma Ahogbrẽ a hom mo otum. Moahi lo á kpo ayakplo egbregbre okyku o bile moarehwi ba Ahogbrẽ a sla.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

Eyakubu 4:7

Okyku eka he, agimi e shri eshri bimi e shri e da Ahogbrẽ. E tla Eshitaŋ la osheshye, nga á knye á sku gimi.