MoAfisu 6:10 - Ohwihwim Olehe

¹⁰ Ekplo ba amom-abgo ekpyemgbyeŋ, o raŋ o gre ba agimi e sko oshye bimi e zga okŋeobga ba Adigi-odne okro ba ekʼpo egagre baŋ.

MoAfisu 6:10 Referans Kwoze

MoaEfilibi 4:13

Ame e wo la oshye okyku o tspi gaŋ ta la edgu odzudzuyaŋ a mbo okyku ekʼpo ba Ekristi a shri a da me.

1 MoaOkorinti 16:13

Agimi e la e nyuŋ e ka, nga e tspi osheshye obmi ba adlidzi. E dzu moarealom nga e zga gble.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

MoaOkolosi 1:11

A da gimi e hwiŋ oshye okro oshye pyeŋ la o zgi okro ba anyuŋ ekʼpo baŋ la e wo egre, okyku o da gimi e kom ekployaŋ a mbo la esõ oheheŋ.

MoAfisu 1:19

nga okyku o da gimi e yi ba ekʼpo baŋ la e gre eshri angyiŋ e la e kpo otum ka gi la e bmi ba adlidzi ka la ŋa. Ekʼpo la e wo ka la gi hi, e wo eka oshye ogagre angyiŋ.

MoAfisu 3:16

Ame e vẽ Ahogbrẽ, okyku ekekʼpo baŋ la e wo nzenze, okyku o daŋ a shri ekʼpo a shri a da gimi ozhẽ ba Ogbgaodzi baŋ, okyku o da gimi egi eshyẽ bimi e wo la oshye ma,

2 Etimoti 4:17

Ambo Adigi-odne a dzu pa la me nga a shri oshye a da me, nga ame e hwiŋ oshye ba o nyum oshpa mvye e ygi moa la a wo moaEyahuda mbo pyeŋ. Nga moa a shla me anyu ba émbdze.

2 Etimoti 2:1

Aŋo Etimoti anwye me, o tspi osheshye okpoghwo ba okŋeobga bi e wo la alo ma ta la Ekristi Eyesu.

MoaEfilibi 4:8

Ekplo ba amom-abgo nga agimi anáŋ, e shri esõ bimi e zga ayakplo la a wo adzi nga ba alo a tse ma ba moa a hlu lo eshko, ayakplo la a wo adlidzi ta la ofaolbi o di, ta la odlodzi, ta la ekplo la e wo pse, ta la ekplo la e shri oklo e ba, ta la ekplo la e gbu eshko adzadzi.

2 MoaOkorinti 13:11

Ohuhuhi, agimi anáŋ, ondanda dne a mo! E zga ngre okyku ebdzu okyku o da gimi e dzu moarehwi la a bli. E ngli e gno odlo ba ame e lu. E bmi ta la egimi, nga e dzu pyapyaŋ ta la egimi. Nga Ahogbrẽ ba oklo ta la opyapyaŋ a mbo á dzu ka la gimi.

1 Ebitru 3:8

Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.

MoaEfilibi 3:1

Ekplo ba amom-abgo ekpyemgbyeŋ nga, agimi anáŋ, ame e la e vẽ Adigi-odne okyku o daŋ a shri ovye nzenze a shri a da gimi. O kpo me ewu okyku ba ame e bla e shĩ ekplo ba ame e sheŋ e ta mbo. Nga alo o kpo o ghwo okyku o da gimi e dzu opyapyaŋ.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.

1 Eyohana 2:14

Ame e ta gimi anwye akpa okyku eshi agimi e yi Ada. Nga ame e ta gimi adugu akpa okyku eshi agimi e yi baŋ a wo arehwĩ la a zgi okũ oriori. Nga ame e ta gimi ola anwye akpa okyku ba agimi e wo la oshye ma. Odlo ba Ahogbrẽ o wo ka la gimi, nga agimi e kpo e gre Areabi.